Kurort mehmanxanaları inşa edilən zaman turistlər üçün abadlaşdırılmış çimərliklər və idman qurğuları tikilməlidir. Burada yerlərin sayı mehmanxanadakı yerlərin sayına uyğun olmalıdır. Üzgüçülük hovuzu olmalı, istilik qurğusu ilə təmin edilməlidir.
Mehmanxana müəssisələrinin əsaslı və cari təmiri.
Mehmanxanada iki cür təmir aparıla bilər: əsaslı və cari təmir. Mehmanxana binasını və mühəndis avadanlığını sistematik və vaxtından əvvəl dağılmaqdan qorumaq üçün aparılan təmir cari təmirdir.
Mehmanxana binasının, mühəndis avadanlığının köhnəlib dağılan bir sıra hissələrinin, bəzi konstruksiyalarının bərpası və dəyişdirilməsi əsaslı təmirlə həyata keçirilir.
Avadanlığın əsaslı təmiri üzrə bütün işlər iki qrupa bölünür:
- kompleks əsaslı təmir bütün binanı və ya bir bölməni əhatə edir; - seçilmə üzrə əsaslı təmir ayrıca konstruksiya elementlərinin, mühəndis avadanlığının, binanın bir hissəsini əhatə edir.
Mehmanxanada çalışan işçilər turistlərə keyfiyyətli xidmət göstərməkdən əlavə, mehmanxananın mühəndis-texniki avadanlığının yenidən qurulmasını vaxtında aparmalı, bu avadanlığın fasiləsiz və qəzasız işləməsini təmin etməli, otelə yüksək dərəcə verilməsinə nail olmalıdır.
Dostları ilə paylaş: |
