Test sinovlarida qatnashish uchun ro‘yxatdan o‘tish to‘g‘risida oferta shartnomasi

Abituriyent
—test sinovlarida ishtirok etish uchun uzbmb.uz saytidan ro‘yxatdan 
o‘tgan jismoniy shaxs. 
uzbmb.uz rasmiy saytida ro‘yxatdan o‘tish 
— mazkur shartnoma shartlari asosida 
test sinovlarida qatnashish uchun saytga kirish maqsadida ro‘yxatdan o‘tish. 
2. Shartnoma predmeti 
Shartnoma predmeti – Abituriyentning mazkur shartnoma shartlariga muvofiq test 
sinovida qatnashishi uchun ro‘yxatdan o‘tish tartibidir. 
3. Ro‘yxatdan o‘tish tartibi 
Abituriyent uzbmb.uz saytiga kirib, arizada ko‘rsatilgan ma’lumotlarni to‘ldirgan 
holda ro‘yxatdan o‘tadi. 
Ro‘yxatdan o‘tgach, zarur hollarda oferta akseptlagandan so‘ng xizmatga haq to‘lash 
uchun invoys taqdim etiladi. 
Shartnoma shartlarini qabul qilish tugmasi bosilgandan so‘ng oferta akseptlangan 
hisoblanadi.

---

Ma’lumotlar to‘g‘ri to‘ldirilgandan so‘ng (zarur hollarda to‘lov to‘langandan keyin) 
Abituriyentga test sinovida qatnashish uchun Ruxsatnoma taqdim etiladi. 
4. Abituriyentning huquqlari va majburiyatlari: 
Ro‘yxatdan o‘tish jarayonida bir vaqtning o‘zida, o‘qitishning istalgan shakli 
doirasida beshtagacha oliy ta’lim muassasasi (bakalavriat ta’lim yo‘nalishlari)ni davlat 
granti yoki grant-to‘lov kontrakti ustuvorligi asosida tanlash; bunda bir nechta oliy ta’lim 
muassasasi (bakalavriat ta’lim yo‘nalishlari)ni tanlashda imtihon topshiriladigan fanlar 
majmuasi va ketma-ketligi bir xil bo‘lishi shart. 
Belgilangan muddatda (20-iyundan 20-iyulga qadar) ro‘yxatdan o‘tish. 
20-iyul kuni soat 23:59 ga qadar ma’lumotlariga o‘zgartirish kiritish. 
Ro‘yxatdan o‘tish paytida Oferta bilan tanishish va uning shartlarini qabul qilish. 
Xizmat uchun belgilangan tartibda haq to‘lash. 
Ijrochining saytida ro‘yxatdan o‘tish, ariza shaklini to‘ldirish va test sinovlari 
jarayonidagi talablarini sidqidildan va vijdonan bajarish. 
O‘zbekiston Respublikasining 2019 yil 2 iyuldagi “Shaxsga doir ma’lumotlar 
to‘g‘risida” O‘RQ-547-son Qonuni talablari doirasida shaxsga doir ma’lumotlardan 
foydalanishga va ishlov berishga rozilik bildirish. 
Abituriyent ro‘yxatdan o‘tish jarayonida kiritilgan o’ziga tegishli ma’lumotlarning 
to’g’riligi uchun shaxsan mas’ul hisoblanadi.