addımlarını izlədiyindən şirkətlər yeni məhsul istehsalı barədə qərar verdiyi zaman rəqib də anoloji
addım atmaq qərarı ala bilər. Bazara təqdim olunan bu məhsuldan nisbətən daha üstün fayda təmin
edən güclü bir məhsul təqdim edə bilərlər. Bu fikirlə razı olanlar 33% təşkil edir, bununla razı
olmayanlar isə 42%-dir. Hər bir məhsulun aid olduğu kateqoriya üzrə bazarda potensialı mövcuddur
və bunu aşkar etmək məhsul ideyası yaranan zaman araşdırma tələb edir. Potensial düzgün
dəyərləndirilmədiyi zaman, yəni bazarda özünü doğrultma potensialı zəif olan məhsul uğursuz
məhsullar sırasında yer alacaqdır. Bu fikirlə həmfikir olanlar 67% təşkil edir. Hər hansı bir məhsul son
istehlakçıya çatması üçün müəyyən satış kanalları vasitəsiylə pərakəndə bazarda öz yerini alır. Bəzi
pərakəndəçilər bu məhsullara dəstək olmur, yəni həmin satış nöqtəsində bu məhsul sərgilənmir,
məhdud çərçivədə dəstək olur. Bu fikirlə 50% razılaşır və bu halda təbii olaraq məhsul bazarda tam
dəstək görmədiyindən, istehlaçı ilə əlaqə yaratmadan uğursuz başlanğıc edir. 36% iştirakçı isə bu
fikirlərlə razı deyil. Bazara ilk və ya vaxtında daxil olan məhsullar özlərinə böyük müştəri payı əldə
etmiş olur. İstər güclü, istərsə də zəif məhsul olsun, hər bir məhsulun öz payı və öz müştəriləri
mövcuddur. Elə bir müştəri payı vardır ki, daim seçim etdikləri markaya loyaq qalır, rəqib məhsulun
qiyməti ucuz, dizaynı cəlbedici, faydası üstün olsa da sadiq olduqları markanı dəyişmirlər. Bu tip
müştəriləri öz məhsuluna cəlb etmək çox çətin olur və ciddi marketinq strategiyası tələb edir. Yeni və
ya təkmilləşdirilmiş məhsul bazara daxil olarkən bu əngəllə qarşılaşır və uğursuz olur. Bu yanaşma ilə
razılaşanlar 33%-dir, fikri olmayan və razılaşmayanlar isə hər biri 33%-lik hissəni təşkil edir və
düşünürlər ki, bu baryeri aşmaq digər faktorlara nisbətən daha asandır və hazırki iqtisadi vəziyyətdə
ölkəmizdə bu loyal müştəriləri müəyyən yollarla yeni məhsula yönəltmək mümkündür. İstər fayda
istərsə də qiymət cəhətdən müştəriyə uyğun məhsul təklif etdikdə və bu stabil olaraq keyfiyyət ilə
dəstəkləndiyi zaman loyal müştərini yeni məhsulun müştərisi etmək mümkün hal alır.
Dostları ilə paylaş: