təqdim olunarkən hansı faktorların nəzərə alındığı və nəzərə alınmalı olanları, bu məhsulların
uğursuzluqlarına əsas səbəblərin aşkar olunmasıdır. Yerli ƏDƏBİYYATda bu mövzuların
araşdırılmadığı aşkar edilmiş və elmi əhəmiyyətliliyini təmin etmək üçün praktika ilə vəhdət halında
TƏDQİQATı aparılmışdır.
AÇAR SÖZLƏR: YENI MƏHSUL, INNOVASIYA, QIDA SEKTORU
GİRİŞ
Mövcud şəraitdə artan sürətli rəqabət və dəyişiklik qarşısında şirkətlərin ilkin məqsədi
mövcudluqlarını davam etdirmək və mövqelərini gücləndirməkdir. Bunu həyata keçirə bilmək isə
müştərilərə təklif etdikləri məhsulların göstərmiş olduğu müvəffəqiyyətdən asılıdır. Qloballaşan
bazarlar, texnoloji dəyişikliklərlə yanaşı müştəri ehtiyaclarında da dəyişikliklər baş verir və bu da
birbaşa olaraq yeni məhsul və məhsul təkmilləşdirmə prosesini daha çox strateji hala gətirir.
Müştərilərə rəqiblərdən daha çox dəyər vermək, marketinq performansını artırmaq, şirkət imicini
gücləndirmək bilavasitə yeni məhsul strategiyası ilə əlaqəlidir. Yeni məhsul fikirləri və buna dəstək
olacaq effektiv strategiyaları müəyyən etmək və inkişaf etdirmək bir şirkətin uğuru və mövcudluğu
üçün çox əhəmiyyətlidir. Şirkətlərdə qazancı artıracaq vacib faktorlardan biri də istehsal edib satacağı
məhsullara texnoloji təkmilləşmiş məhsulları da əlavə etməkləri lazımdır. Yüksək texnologiyadan
istifadə edilmiş bu məhsullar sektorun və rəqabətin şərtlərinə görə digər rəqiblər tərəfindən təqlid
edilib bənzərləri istehsal edilmirsə, effektiv marketinq kompleksi ilə bazara təqdim olunubsa, gəlirlilik
dərəcəsini artırırlar. Təbii olaraq rəqiblər bu halda fəaliyyətsiz dayanmayacaqlar, yenə sektorun və
texnologiyanın vəziyyətinə görə bu məhsulu təqlid etmək üçün əllərindən gələni edəcəklər. Bu zaman
şirkət, şirkət daxili (idarəçilər, satış komandası və digərləri) və şirkət xarici (istehlakçılar, rəqiblər və
digərləri) mənbələrdən yeni məhsul və tələblərlə bağlı fikirləri toplayıb yeni məhsul təkmilləşdirmə
prosesindən keçirib təkrar məhsul həyat əyrisində böyümə və yetkinlik dövründə qısa müddətdə əldə
edə biləcək məhsulları hazırlamaq məcburiyyətindədir. Sözügedən bütün bu proseslər bir orqanizmin
fəaliyyəti kimi canlı mövcud olduğu müddətdə yəni şirkət ticari fəaliyyətini davam etdirdiyi müddətdə
davamlı təqib edilib icra edilməsi lazım olan funksiyalardır.
Dostları ilə paylaş: