Exoqrafiya metodu kardioloji xəstəliyin hərtərəfli anamnezinin, kardioloji müayinələrin nəticələrinin toplanıb diaqnostikasının dəqiqləşdirilməsində xüsusi əhəmiyyətə malikdir. Exoqrafiya müxtəlif rejimlərdə aparılır. A rejimində ötürücü hərəkətsiz yerləşdirilir, bu vəziyyətdə müxtəlif toxuma qatlarının arasındakı məsafəni ultrasəs impulsları vasitəsilə ölçmək mümkün olur. Bu metodla videoekranda təsvirlər alınır. Bu metod yalnız kardiologiyada deyil, baş beynin üzvi mənşəli xəstəliklərinin diaqnostikasında, görmə orqanlarının patalogiyasının müəyyən edilməsində istifadə olunur. Neyrocərrahiyyədə bu metod exoensefaloqrafiya adlandırılır, beyin mədəciklərinin ölçüsünü təyin etmək üçün tətbiq olunur. Beyində müxtəlif mənşəli şişlər, hematomlar bu metodla müəyyən olunur. Görmə orqanı xəstəliklərinin diaqnostikasında exooftalmologiya göz almasının strukturunun müəyyən olunmasında, büllur cismin bulanmasının aşkar edilməsində, gözdə şiş xəstəliklərinin müəyyən olunmasında istifadə olunur.
M rejimindəürəyin strukturu təyin olunur, bu rejimdə ultrasəs dalğalarının xətt formalı təsviri alınır. M rejimindən kardiolgiyada geniş istifadə olunur.
