Tálim bilimlendiriw sistemasında kompyuter texnologiyalarınan paydalanıw

Úy toparı
— Windows 7 operacion sistemasında payda bolǵan jańalıq 
esaplanadı. Windows 7 niń Home Basis versiyasınan tómen bolmaǵan jaǵdaylarda 
úy tarmaqlarıda úy toparlarınan paydalaniw múmkun.
Úy toparları qaysı bir tárepı menen
jumısshi toparlarǵa uqsap ketedi, biraq 
bunda topar paydalanatuǵın xızmetlerden qadaǵalaw astında paydalanıw 
múmkinshiligin jaratadı. Úy tarmaǵına jalǵaniwda úy tarmaǵıniń shólkemlesken 
paydalanıwshıdan ruxsat alıw talap etiledi. Úy toparı paydalanıwshıları 
shegaralanbaǵan. Birden-bir sheklew bir waqıttıń ózinde tek bir úy toparına aǵza 
bolıw múmkun. Kompyuter resurslarına jalǵanıw imkaniyatın úy tarmaǵına 
kiretuǵın hár bir paydalanıwshınıń ózi belgileydi. Jalǵanıw huqıqı bir waqıttıń 
ózinde topardıń barlıq qatnasıwshısıları yamasa konkret paydalanıwshıǵa beriliwi 
múmkin. Bul jaǵdayda paydalanıwshıǵa anıq sertifikat berilgen bolıwı lazım.
Domen.
Domen tarmaqtıń iskerlik túri sıpatında eń qiyin hám qadaǵalaw 
ushın tolıq múmkinshilik jaratıwshı usıl esaplanadı. Bul usıl jergilikli hám global 
tarmaqlarda úlgili isleydi. Domen strukturasınan paydalanıw kóp kompyuterli 
tarmaqlar ushın hám jumısshı stanciyaları ústinen baqlaw talap etilgen jaǵdaylarda 
paydalanıladı. Domen sistemasında islewdiń abzallıqları tómendegilerden ibarat: 
- jergilikli tarmaq kompyuterlerı hám paydalanıwshıları ustinen maksimal 
baqlaw múmkinshiligi; 
- programmalıq támiynattiń oraylasqan jańalanıw sisteması; 
- áhmiyetli informaciyanı oraylasqan arxivlew sisteması; 
- serverlerde saqlanıwshı hújjetlerge hár dayım jalǵanıw imkaniyatı; 
- resurslardan paydalanıwdı baqlawdıń jetilisken quralları; 
- toparlar ushın qáwipsizlik siyasatın júrgiziw múmkinshiligi; 
- tarmaq jalǵanıwları ústinen qadaǵalaw; 

---

66 
- jergilikli tarmaq hám jumısshı stanciyalar sazlıgın támiyinlewshi sistema 
basqarıwshısiniń bar ekenligi.
Usı dizimde keltirilgen múmkinshiliklerden tısqarı taǵı qosımsha qolaylıqlar da 
bar, biraq sonıń ózi de durıs juwmaq shıǵarıw ushın jetkilikli bolıp tabıladı.
Hár qanday qolaylıq ushın haq tólewge tuwri keledi. Oraylıq kompyuterge 
qoyılǵan wazıypalardı orınlaw ushın saldamlı esap-kitap etiw quwati hám kólemli 
diskler sisteması talap etiledi.
Tarmaqtı úzliksiz islewin shólkemlestiriw ushın ekilemshi domen kontrolleri 
talap etiledi. Ekkilemshi domen kontrolleri aldınan kórilmegen úzilis júz bolǵanda 
tiykarǵı server ornın iyeleydi. Arxivlew sistemasın shólkemlestiriw, qosımsha 
serverler jumısın támiyinlew olardıń hámmesi saldamlı finanslıq qarjı hám 
tarmaqqa bas keliwshi xizmet kórsetiwdi talap etedi. Sol sebepli domen 
strukturasınan paydalanıw úlken tarmaqlardı basqarıw yamasa shólkem sol 
xızmetlerden paydalanıwǵa jeterli aqshaga iye bolǵan jaǵdaylarda ámelge asırıladı.