Tojikiston Respublikasi Markaziy Osiyoning janubi-sharqida, Hisor-Oloy va Pomir tog'lari hududida joylashgan. Shimolda Qirg'iziston, shimoli-g'arb va g'arbda O'zbekiston, janubda Afg'oniston, sharqda Xitoy bilan chegaradosh.
Tojikiston Respublikasi Markaziy Osiyoning janubi-sharqida, Hisor-Oloy va Pomir tog'lari hududida joylashgan. Shimolda Qirg'iziston, shimoli-g'arb va g'arbda O'zbekiston, janubda Afg'oniston, sharqda Xitoy bilan chegaradosh.
Iqtisodiy-geografik o'rni Dunyo okeaniga chiqish imkoniyatining yo'qligi, baland tog'lar sharoitida quruqlik transportini rivojlantirishning murakkabligi hisobiga ancha noqulay hisoblanadi
Boshqaruv shakli jihatidan Tojikiston prezidentlik respublikasi hisoblanadi. Ma'muriy-hududiy tuzilishi birmuncha murakkab bo'lib, 2 ta viloyat, 1 ta muxtor viloyat (Tog'li Badaxshon), respublikaga bo'ysunadigan 1 ta shahar (Dushanbe) va 13 ta tumandan iborat. Poytaxti - Dushanbe shahri mamlakatning janubi- g'arbidagi Hisor vodiysida joylashgan.
Boshqaruv shakli jihatidan Tojikiston prezidentlik respublikasi hisoblanadi. Ma'muriy-hududiy tuzilishi birmuncha murakkab bo'lib, 2 ta viloyat, 1 ta muxtor viloyat (Tog'li Badaxshon), respublikaga bo'ysunadigan 1 ta shahar (Dushanbe) va 13 ta tumandan iborat. Poytaxti - Dushanbe shahri mamlakatning janubi- g'arbidagi Hisor vodiysida joylashgan.
Tojikiston qo'shni Qirg'iziston singari tog'li mamlakatdir. Hududining 90 % dan katta qismini baland tog' tizmalari egallaydi. Tojikistonning sharqiy qismini o'rtacha balandligi 4 000 metrdan yuqori bo'lgan Pomir tog'lari egallaydi. Respublikaning eng baland nuqtasi Ismoil Somoniy cho'qqisi (7 495 m.). Tojikiston seysmik jihatdan faol mintaqada joylashganligi tufayli respublikada kuchli zilzilalar sodir bo'lib turadi.
Tojikiston zamini turli ma'danlar zaxiralariga boy. Xususan, uning hududida uran, oltin, kumush, polimetall rudalarining yirik konlari bor. Ammo Tojikiston yoqilg'i-energetika resurslariga boy emas.
