Mavzuning dolzarbligi: Bugungi kunda o‘simliklarni kasallik va zararkunandalardan himoya qilishda oson va tezkor usul sifatida kimyoviy usul qo‘llanilmoqda. Ammo bu usulni ekologik va iqtisodiy tomondan afzal deb bo‘lmaydi. Hozir yer kurrasida kishilarning xo‘jalik faoliyati bilan bog‘liq holda atmosferaga har yili 5 mln. Tonna atrofida oltingugurt gazi , sulfid oksidi, azot oksidi, karbonat angidridi va pestitsidlar chiqarilmoqda. Qishloq xo‘jaligida pestitsidlarni ko‘plab ishlatish oqibatida havoga chang, tutun, qurumlar, zaharli moddalar tarqaydi. Pestitsidlardagi geksaxloran, DDT kimyoviy o‘g‘itlaridagi nitrat va nitritlar suvi sabzavot, meva va har xil o‘simliklarni zaharlab, ularni iste’mol qilgan chorva mollari parranda va hatto odamni ham oz-ozdan zaharlab kasal qiladi. Shu sababli so‘nggi yillarda o‘ta zaharli va parchalanishi qiyin bo‘lgan kimyoviy moddalar kam ishlab chiqarilmoqda.
