Тошкент давлат юридик университети ихтисослаштирилган филиали 2-курс талабалари учун
Yüklə 153,23 Kb. Pdf görüntüsü
|
|
A bo‘lim 2-savol
Kontraktatasiya shartnomasi qishloq xo‘jaligi sohasida tuziladigan shartnoma hisoblanadi. Oldi-sotdi shartnomasining bir turi bo‘lsada, o‘zining alohida huquqiy belgilariga ega. O‘zbekiston Respublikasi Fuqarolik kodeksi 465- moddasida kontraktatsiya shartnoma ta’rif berib o‘tilgan: “Kontraktatsiya shartnomasiga muvofiq qishloq xo‘jaligi mahsulotini yetishtiruvchi qishloq xo‘jaligi mahsulotini qayta ishlash yoki sotish uchun bunday mahsulotni xarid qiladigan shaxsga –– tayyorlovchiga shartlashilgan muddatda topshirish (topshirib turish) majburiyatini oladi, tayyorlovchi esa bu mahsulotni qabul qilish (qabul qilib turish), uning haqini shartlashilgan muddatda muayyan bahoda to‘lash (to‘lab turish) majburiyatini oladi. Agar ushbu Kodeksda boshqacha tartib belgilangan bo‘lmasa yoki u majburiyat mohiyatidan kelib chiqmasa, kontraktatsiya shartnomasiga nisbatan mahsulot yetkazib berish shartnomasi to‘g‘risidagi qoidalar, tegishli hollarda esa davlat ehtiyojlari uchun tovarlar yetkazib berishga doir davlat kontrakti to‘g‘risidagi qoidalar qo‘llanadi.” Demak, kontraktatsiya shartnomasi qishloq xo‘jaligidagi mulkchilik jihatidan farqlanmaydigan, korxonalar, shirkat, fermer va dehqon xo‘jaliklari tomonidan mahsulotni xarid qiliuvchi tomonga tovar yetkazib berish shartnomasiga aytiladi. Kontraktatasiya shartnomasi taraflari anchagina murakkab bo‘lib, bir tomonda ommaviy yoki xususiy mulkchilik, korxona, shirkat, fermer xo‘jaliklari, dehqon xo‘jaliklari mahsulot yetkazib beruvchi. Ikkinchi tomon jismoniy yoki yuridik shaxs bo‘lib, mahsulotni xarid qilib, qayta ishlab yoxud qayta ishlamasdan sotuvchi tomon hisoblanadi. Kontraktatsiya shartnomasining huquqiy belgilari: 1. Konsessual ya’ni taraflar kelishuviga asoslangan. 2. Ikki tomonlama, taraflarning har biri ma’lum bir huquq va majburiyatlarga ega bo‘ladi. 3. Haq baravariga, shartnoma haq to‘lashga asoslangan. 4. Shartnoma ham rejali, ham erkin tuzilishi mumkin. Yüklə 153,23 Kb. Dostları ilə paylaş:
|