Toshkent farmatsevtika instituti

V.Axborot qismi.
Dorixona omborining asosiy vazifalari
1.Tibbiyot buyumlarini yetkazib berishning alohida shartlari va tuzilgan shartnomalarga muvofiq ta’minotchilardan miqdori va sifati jihatidan qabul qilish.
2.Dori vositalarining fizikaviy va kimyoviy xossalarini e’tiborga olgan holda ularni saqlash uchun Davlat Farmakopiyasining talablari, yuqori tashkilotlar tasdiqlagan buyruq va yo‘riqnomalardagi qoidalarga binoan tegishli shart-sharoitlar yaratish.
3.Bo‘limlardagi moddiy boyliklarni to‘liq saqlanishini ta’minlash.
4.DPM va boshqa muassasalarning buyurtmalarini bajarish.
5.Dorixona tarmoqlariga dori vositalari va tibbiyot buyumlarini yetkazib berish.

“O‘zbekiston Dori Ta’minoti” MCHJning asosiy faoliyat turlari.

O‘zbekiston dori ta’minoti Sho‘’ba korxonasini boshqaruvini optimallashtirish maqsadida hamda Sho‘’ba korxonalarining tashkiliy huquqiy shaklini qonun talablari asosida belgilash, hamda uni boshqarishning samarali boshqaruv tizimini shakllantirish maqsadida bu korxonani qayta tashkil etish lozim.
“O‘zbekiston Dori ta’minoti” MCHJ Toshkent shahar Olmazor tumani Tadbirkorlik sub’yektlarini Davlat ro‘yxatidan o‘tkazish Inspeksiyasining 2014 yil 24 fevraldagi 259-reestr raqami bilan ro‘yxatga olingan. “O‘zbekiston Dori ta’minoti” MCHJning yagona ta’sischisi OAJ Dori-darmon AK tomonidan 2014 yil 13 fevral 12a-sonli qarori bilan tasdiqlandi. “O‘zbekiston Dori ta’minoti” MCHJ quyidagi asosiy faoliyat turlari bilan shug‘ullanadi:
-Dorixona muassasalarini, nazorat tahliliy laboratoriyalarini ochish, dorixona omborlarini tashkil etish;
-korxona faoliyati yo‘nalishlari aholini DPMlarni sifatli dori-darmon vositalari va tibbiy mahsulotlar bilan ta’minlash;
-hayotiy muhim bo‘lgan dori-darmon vositalari va tibbiy mahsulotlarga buyurtmalarni shakllantirish va ularga Respublika Sog‘liqni saqlash muassasalarining bo‘lgan ehtiyojini tuziladigan shartnomalar asosida qondirish.

Omborxonaga kelayotgan dori vositalari va tibbiyot buyumlarini sifatini tekshirish.

Dorixona omborxonasiga tushgan mahsulotlar sifat nazoratidan o‘tadilar. NTL “Tahlil №” degan hujjatda buni rasmiylashtiradi. Unda preparatning nomi, tashqi ko‘rinishi, fizik xossalari, chinligi, tozaligi yorliqlarning mos kelishi, hajmi, mexanik aralashmalar, o‘rtacha og‘irligi, kamchiligi, parchalanishi, namligi, zichligi, erish harorati ko‘rsatiladi. Ta’minlovchi, seriya nomeri, seriyadagi miqdori, yaroqlilik muddati, tahlilga sarflangan soni, bo‘limga topshirilgan qoldiq va xulosa farmatsevt imzosi bilan rasmiylashtiriladi.

“O‘zbekiston Dori Ta’minoti” MCHJdagi omborxonalar va bo‘limlar

Dori ta’minoti MCHJda to‘rtta omborxona mavjud:
1. 2 omborxona-chet eldan kirib keladigan dori vositalari saqlanadi.
2. 2/1 omborxona-O‘zbekiston Respublikasida ishlab chiqariladigan mahalliy dori vositalari saqlanadi.
3. 1 omborxona-Giyohvand dori vositalari, psixotrop moddalar va prekursorlar saqlanadi.
4. 2/S omborxona-96 gradusli toza spirt saqlanadi (Davlat byudjetidagi shifoxonalar va tashkilotlarni ta’minlash uchun).
1 omborxona-Giyohvand dori vositalari, psixotrop moddalar va prekursorlarning hisobini olib borish daftari tutiladi. Daftarda quyidagilar aks ettiriladi:
1-bet
2. vositaning nomi
3. oy.
4. birinchi sanagacha bo‘lgan qoldiq.
5. kirim: kimdan olindi, hujjatning nomeri va sanasi, miqdori.
6. jami.
7. chiqim. Kimga berildi, hujjatning nomeri va sanasi, miqdori
8. jami
9. kitobdagi qoldiqlar
10. moddiy javobgar shaxsning imzosi
Daftarning oxirida daftar qachon tutilganligi, betlari, sanasi va O‘zbekiston Respublikasi Dori Ta’minoti MCHJ direktori imzosi va to‘rtta nusxadagi muhrlar bosiladi.
“O‘zbekiston Dori ta’minoti” MCHJda quyidagi bo‘limlar mavjud:
1. Qabul qilish bo‘limi.
2. Savdo va ta’minot bo‘limi.
3. Buxgalteriya bo‘limi.
4. Xo‘jalik ishlari bo‘limi.
5. Xavfsizlikni saqlash bo‘limi.
6. Ekspeditsiya bo‘limi.