Toshkent tibbiyot akademiyasi miokard infarkti, atipik kechishi, asoratlari
Yüklə 1,15 Mb. Pdf görüntüsü
|
|
3.O‘tkir davri. O‘tkir davri nekroz o‘chog‘i shakllanishi va nekrozga
uchragan to‘qimani qonga so‘rilishiga (rezorbsiyasi) nisbatan butun organizmni javob reaksiyasi bilan bog‘liq bo‘lgan rezorbsion - nekrotik sindrom rivojlanish davriga mos keladi. Ushbu davrda yurak qon – tomir tizimi faoliyati buzilishi bilan kechuvchi murakkab jarayon chap qorinchani remodellanishi boshlanadi. Ushbu davr asoratlarsiz kechganda 7-10 kun davom etadi. Bemor shikoyatlari. Bu davrda asoratlar bo‘lmasa yurak sohasida og‘riq kuzatilmaydi. Kasallik boshlangan vaqtdan boshlab bir necha kun davomida og‘riq saqlanib turishi toj tomirlar tizimida tromboembolik jarayon tarqalayotganligidan va yurak mushaklarini ishemik shikastlanishi hamda patologik jarayonga perekard ham qo‘shilganligidan dalolat beradi. Kasallikning 2-3 kuni tana haroratini 37,2- 380S gacha ko‘tarilishi rezorbsion - nekrotik sindromning ilk belgilaridan biri hisoblanadi. Isitmalash asosan 3-4 kun, juda kam hollarda bir haftagacha davom etadi. Tana xaroratini ko‘tarilishi uzoq vaqt saqlanib qolishi MI asoratlanganligidan (zotiljam, trombendokardit, o‘pka infarkti va boshqalar) dalolat beradi. Transmural MI ning o‘tkir davrida chap qorincha disfunksiyasi hisobiga hansirash, havo yetishmaslik hissi, taxikardiya va chap qorincha yetishmovchiligining boshqa belgilari kuzatiladi. Og‘ir holatlarda o‘tkir chap qorincha yetishmovchiligi hisobiga ba’zan o‘pkada interstisial va alveolyar shish rivojlanadi. Ob’yektiv tekshirishlar. Yurak qon – tomir tizimi tekshirilganda sistolik qon bosimini biroz pasayganligi kuzatiladi. Ayrim hollarda yurak yetishmovchiligi yoki isitmalash hisobiga bir oz taxikardiya aniqlanishi mumkin. Perkussiyada yurakning chap nisbiy to‘mtoqlik chegarasini bir oz chapga siljishini qayd etilishi chap qorinchada remodellanish jarayoni boshlanganligi va dilatasiyasidan hamda qisqaruvchanligi pasayganligini ko‘rsatadi. Auskultasiyada chap qorincha miokardi qisqaruvchanligini keskin pasayganligi, dilatasiyasi yoki so‘rg‘ichsimon mushaklar shikastlanishi natijasida mitral qopqoqchalarni nisbiy yetishmovchiligi rivojlanishi hisobiga yurak cho‘qqisida I ton sustlashadi. So‘ngi holatda uning sustlashishi yurak cho‘qqisidan qo‘ltiq ostiga uzatiluvchi sistolik shovqin bilan birga kechadi. 4.O‘tkir osti davri. MI ning o‘tkir osti davrida nekrozga uchragan to‘qima o‘rnini sekin asta biriktiruvchi to‘qima egallay boshlaydi. Chap qorinchani remodellanish jarayoni davom etadi. Bu davr davomiyligi nekroz o‘chog‘i hajmiga, ushbu jarayonga qo‘shilmagan atrofdagi to‘qima holatiga, kollaterallarni rivojlanish darajasiga, yondosh kasallik va MI ning asoratiga bog‘liq. Aksariyat hollarda u 4-6 hafta davom etadi. Bemor ahvoli asta sekin yaxshilanadi. Kasallik asoratlanmaganda og‘riq simptomi va hayotga xavf soluvchi ritm buzilishlari (paroksizmal qorinchalar taxikardiyasi va fibrilyasiyasi) kuzatilmaydi. Yurakning boshqa ritm buzilishlari (ekstrasistoliyalar, sinusli taxikardiya va boshqalar), yuqori darajadagi AV va SA blokada belgilari yo‘qoladi. O‘tkir davrda paydo bo‘lgan yurak yetishmovchiligi belgilari kamayadi. 5.Chandiqlanish (MI dan keyingi) davri. Chandiqlanish davrining boshlanishida chandiq sohasida kollagen miqdori ko‘payadi va uni qattiqlanishi tugallanadi. Bir vaqtni o‘zida gemodinamikani muvozanatlab turish uchun qator kompensator mexanizmlar (Starling mexanizmiga ko‘ra shikastlanmagan miokardni giperfunksiyasi va gipertrofiyasi, chap qorinchani bir oz dilatasiyasi, yurakni otib berish hajmini oshishi va boshqalar) ishga tushadi. Q tishchasiz miokard infarktini o‘ziga xos klinik belgilari. Q tishchasiz miokard infarktining (transmural bo‘lmagan) klinik belgilari yuqorida tariflangan o‘tkir koronar sindrom ko‘rinishiga mos keladi. Transmural bo‘lmagan MI rivojlanishi asosida “asoratlangan” aterosklerotik pilakcha sohasida devor oldi trombi hosil bo‘lishi va uzoq vaqt davomida yurak mushagida yaqqol namoyon bo‘lgan ishemiya sohasi yuzaga kelishi yotganligi sababli Q tishchasiz miokard infarkti klinik nuqtai nazardan og‘riq sindromi bilan namoyon bo‘ladi. Aksariyat hollarda u uzoq vaqt davom etuvchi (20-30 daqiqadan ko‘proq) va nitrogliserin yaxshi samara bermaydigan tinch holatdagi stenokardiya xurujini eslatadi. Ayrim hollarda to‘sh ortidagi og‘riq keskin holsizlik, terlash, hansirash, o‘tib ketuvchi yurak ritmi va o‘tqazuvchanligini buzilishi hamda to‘satdan AB ni keskin pasayishi bilan birga kechadi. Ba’zi bemorlarda Q tishchasiz MI avj olib boruvchi zo‘riqish stenokardiyasi ko‘rinishida namoyon bo‘lishi mumkin. Barcha holatlarda RS-T oraliq ko‘tarilishini turg‘in bo‘lmasligi Q tishchasiz MI ni boshqa turdagi nostabil stenokardiyalar bilan qiyosiy tashhislashni talab etadi. Ob’yektiv tekshirishda Q tishchasiz MI ni tasdiqlashga imkon beradigan birorta qo‘shimcha yaqqol belgilar aniqlanmaydi. Faqat ayrim hollarda yurak tonlarini keskin sustlashishi, qo‘shimcha III va IV ton paydo bo‘lishi, ritm buzilishlari hamda AB ni o‘zgarishi kuzatiladi. Q tishchasiz miokard infarkti tashhisini tasdiqlash yoki inkor qilish uchun qator qo‘shimcha laborator - asbobiy tekshirish usullarini o‘tkazish kerak. Yüklə 1,15 Mb. Dostları ilə paylaş:
|