Toshkent tibbiyot akademiyasi miokard infarkti, atipik kechishi, asoratlari

Trombolitik 
davoning 
asoratlari: 
Trombolitiklarni 
aylanib 
yurgan 
plazminogenga tizimli ta’sirida 0,5-1,0 % hollarda qon ketish, jumladan 
gemorragik insultlar kuzatiladi. Insult ko‘p hollarda keksa bemorlarda uchraydi. 65 
yoshgacha bo‘lgan bemorlarning 0,8 % da, 65 yoshdan kattalarda - 2,1 % hollarda, 
75 - 84 yoshdagilarning 3,4 % da bo‘lishi mumkin.
Agar bemorda qon ketish kuzatilsa extiyotkorlik bilan (qayta tromboemboliya 
kuzatilishi mumkin) quyidagi fibrinolizin ingibitorlari tavsiya etiladi: 

ε- aminokapron kislotasi (5 % 100 ml) 30 daqiqa davomida tomir ichiga 
tomchilab; 

Trasilol (kontrikal) - tomir ichiga 300000 XB tomir ichiga tomchilab; 

Traneksam kislota (frenoliz, ekzasil) 1- 1,5 g kunda 3 martagacha tomir 
ichiga tomchilab. 
Miokard infarktini asoratlari. Kasallikni kechishi aksariyat hollarda uning 
erta va kechki asoratlariga bog‘liq. 
Erta asoratlari. O‘tkir yurak yetishmovchiligi Q tishchali MI bilan og‘rigan 
bemor orasida o‘limga olib keladigan asosiy sabablardan biri hisoblanadi. O‘tkir 
o‘ng qorincha yetishmovchiligi patologik jarayon unga ham tarqalganda yuzaga 
keladi. O‘tkir chap qorincha yetishmovchiligi MI ni birinchi soatlari yoki kunida 
faoliyat ko‘rsatayotgan miokard miqdorini to‘satdan kamayishi hisobiga 

---

rivojlanadi. Quyidagilar Q tishchali MI bilan og‘rigan bemorlarda o‘tkir chap 
qorincha yetishmovchiligi rivojlanishiga olib keluvchi sabablar hisoblanadi: 

Nekroz sohasini kattaligi (qorincha umumiy og‘irligini 25 – 30 % dan 
ko‘proq); 

Chap qorincha miokardi xamda infarkt oldi, ya’ni bevosita nekroz o‘chog‘i 
bilan chegaradosh bo‘lgan soha (surunkali ishemiya holatida bo‘lgan – 
gibernirlovchi miokard) qisqaruvchanligini keskin buzilishi; 

Koronar qon aylanishini kamayishi (ko‘plab toj tomirlar shikastlanishi), 
chandiq mavjudligi, miokard gipertrofiyasi, kardiomiositlar metabolizmi buzilishi 
va boshqa sabablar hisobiga o‘zgarmagan miokard qisqaruvchanligini pasayishi; 

Chap 
qorinchani 
remodellanishi, 
jumladan 
uni 
dilatasiyasi, 
qisqaruvchanligi asinergiyasi, chap qorincha anevrizmasi va boshqalar;

So‘rg‘ichsimon mushaklar disfunksiyasi (ishemiyasi, nekrozi, uzilishi) 
hisobiga to‘satdan mitral qopqoqlar nisbiy yetishmovchiligini yuzaga kelishi;

To‘satdan qorinchalar aro to‘siqni yorilishi; 

Qon bosimini ko‘tarilishi (so‘nggi yuklamani oshishi); 

Aritmiyalarni yuzaga kelishi.