Tourism and recreation in the XXI century: problems and prospects

TOURISM AND RECREATION IN THE XXI CENTURY: PROBLEMS AND PROSPECTS
3-4 May 2019
134
Baku, Azerbaijan

---

təmin olunmasına şərait yaradırlar. Qış turizmi üçün əlverişli bölgələrdə yerləşən mehmanxanalar 
həyata keçirəcəkləri illik fəaliyyətlərini bir mövsümə sıxışdırmaq yerinə bütün bir ilə 
palyaşdırdıqlarına görə cazibədarlıqlarını artırırlar. Qış turizmi tematikalı (sadəcə qışda xidmət 
göstərən şale-otellər) otellər isə yay aylarında mehmanxananın açıq olmasına çalışırlar. Bu vəziyyətin 
digər bir faydası isə alternativ turizm növlərinə yenilərinin əlavə olunmasıdır. Kənd turizmi yay 
aylarında ən çox yayılmış turizm növü olduğu halda, konqres turizmi də öz növbəsində kifayət qədər 
marağa səbəb olur. 
Qış istirahəti zamanı dağ xizəklərindən, kayakdan, snouborddan,və ya xizəklə daşımadan istifadə 
edə bilərsiniz. Başqa sözlə desək, qış turizmi qarın bol olduğu bölgələrə səyahət, bu səyahətlərin 
müddəti 24 saatdan çox olacağı təqdirdə edilən qonaqlama və digər xidmətlərin olması zamanı 
yaranır.Turizmin bu növü olduqca aktivdir və bəzi hallarda ciddi fiziki hazırlıq tələb edir.
Azərbaycanda qış turizmi yeni sahə sayılır. Lakin hələ Sovet dövründə respublikamızda da 
turizmin bu növünə maraq göstərənlər olub. Son 10 ilə qədər Azərbaycanda qış turizmi inkişaf 
etmədiyi üçün Azərbaycan vətəndaşları qış mövsümündə dincəlmək üçün qış turizminin inkişaf etdiyi 
digər ölkələrə səyahət etmək məcburiyyətində idilər. Həmin dövrdə Şamaxı rayonunda, Pirqulu 
rəsədxanasının yaxınlığındakı ərazi xizək sürmək istəyənlər tərəfindən istifadə olunub.
Azərbaycana qış turizmi həyata keçirmək məqsədilə gələn turistlərin profilinə baxdığımız zaman 
bu insanların əsasən dağ-xizəkçilik idman növləri üçün gəldiyini görə bilərik. Bu səbəbdən turizm 
fəaliyyəti göstərmək istəyən bölgələrin bol qarlı dağ yamaclarına malik olması və yüksəkliyinin qış 
idman növləri üçün əlverişli olması əsas şərtdir. Azərbaycanın ən populyar qış turizm mərkəzləri 
sayılan “Şahdağ” və “Tufandağ” Qış-Yay Turizm Kompleksləri bu tələblərə yetərincə cavab verir. 
Əlavə olaraq yürüyüş (trekinq və haykinq), alpinizm, qayayadırmanma, buzadırmanma və digər 
fəaliyyətlərin mümkünlüyü bu bölgəyə əlavə turist axınına səbəb olur.