Po’lat va cho’yanni ishqalanuvchi juftliklarda qo’llanilishi
Ishqalanish juftliklarida asosan metallar qo’llaniladi. Bunga sabab, metall materiallari boshqalariga nisbatan qo’yilgan talablarga ko’proq javob berishidir. Yana metall mustahkamligi va plastiklik sifatiga, bir yoki bir necha elementlardan iborat bo’lgan birikmalar xosil qilish qobiliyatiga egadir. Bulardan eng ko’p tarqalgani po’lat va cho’yanlardir.
Po’lat va cho’yanning yeyilishga bardoshliligi, uning tuzilishiga bog’liqdir. Har bir tuzilishda bu metallar har xil xossaga ega bo’lib, uni ishqalanish juftiga material tanlashda e'tiborga olish kerak. Asosan ular tarkibida uglerodni ortishi bilan, ularni qattiqligi va yeyilishga bardoshliligi ortadi.
Po’lat va cho’yanning yeyilishga bardoshliligini ortirish uchun, har xil termik va kimyoviy - termik ishlov berish (sementasiyalash, azotlash, nitrosementasiyalash, sianlash, sulfidlash, borlash), xrom, nikel, marganes, volfram, molibden, vannadiylar bilan legirlash, yuzasini mustahkamlash (puxtalash, soqqa bilan juvalash, yuzani silliqlash, kalibrlash va boshqalar) amalga oshiriladi.
Ishqalanishda metalning aktiv qatlamini tuzilishi o’zgaradi, demak bu qatlamni xossalari ham o’zgaradi, birinchi o’rinda mikroqattiqligi. Metallning aktiv qatlam tuzilishini o’zgarishiga, bu qatlamning deformasiyalanishi, deformasiyalanish zonasida mexanik energiyani issiqlikka aylanishi sabab bo’ladi. Buning natijasida ishqalanuvchi yuzalar mikrohajmini birdaniga qizib ketishi, ular kontaktdan chiqqanda esa birdaniga sovushi sodir bo’ladi.
Ishqalanishda metalning aktiv qatlamini tuzilishi o’zgaradi, demak bu qatlamni xossalari ham o’zgaradi, birinchi o’rinda mikroqattiqligi. Metallning aktiv qatlam tuzilishini o’zgarishiga, bu qatlamning deformasiyalanishi, deformasiyalanish zonasida mexanik energiyani issiqlikka aylanishi sabab bo’ladi. Buning natijasida ishqalanuvchi yuzalar mikrohajmini birdaniga qizib ketishi, ular kontaktdan chiqqanda esa birdaniga sovushi sodir bo’ladi.
Yuza qatlamida, mexanik va termik ta'sirlarni va ularning jadalligi darajasi, o’zaro ta'sirlashuv jarayonlariga bog’liq ravishda kimyoviy tarkibini o’zgarishi, ikkinchi marotaba toblanish yoki yumshash, rekristallizasiya jarayoni va boshqalar sodir bo’ladi.
