Tuzuvchilar: B. K. Sattarov Boshlang‘ich taʼlimda ijtimoiy fanlar o‘qitish metodikasi kafedrasi mudiri M. Qo‘ldasheva Boshlang‘ich taʼlimda aniq va tabiiy fanlarni o‘qitish metodikasi kafedrasi mudiri N

I. UMUMIY QOIDАLАR
1. 5111700-Boshlang‘ich taʼlim yo‘nalishi bitiruvchilarining fanlararo yakuniy davlat attestatsiya sinovi dasturi (keyingi o‘rinlarda – Dastur) O‘zbekiston Respublikasi Oliy va o‘rta maxsus taʼlim vazirining 2009-yil 22- maydagi 160-sonli buyrug‘i bilan tasdiqlangan “O‘zbekiston Respublikasi oliy taʼlim muassasalari bitiruvchilarining yakuniy davlat attestatsiyasi to‘g‘risida”gi Nizom,
2018- yil 25-avgustdagi 744-sonli buyrug‘i bilan tasdiqlangan “5111700-Boshlang‘ich bakalavriat taʼlim yo‘nalishining malaka talablari” (keyingi o‘rinlarda – Malaka talablar) hamda № V5111700-18 tartib raqami bilan ro‘yxatga olingan o‘quv rejasining (keyingi o‘rinlarda – O‘quv rejasi) umumkasbiy va ixtisoslik fanlari o‘quv dasturlari asosida tuzildi.

2. Fanlararo yakuniy davlat attestatsiyasi sinovi (keyingi o‘rinlarda – Аttestatsiya sinovi) O‘zbekiston Respublikasining oliy taʼlimga oid qonun hujjatlarida belgilangan tartibga ko‘ra, bitiruvchilarning Yakuniy davlat attestatsiyasi sinovlaridan biri hisoblanib, unda taʼlim yo‘nalishi xususiyati, iqtidori va xohishiga ko‘ra bitiruv malakaviy ishi yozish istagini bildirmagan, o‘quv rejasidagi taʼlim dasturlarini to‘liq o‘zlashtirgan bitiruvchi kurs talabalari ishtirok etishlari shart.

3. Аttestatsiya sinovini topshirishga o‘quv reja va fan dasturlarini to‘liq tugatgan va o‘quv rejasida nazarda tutilgan barcha sinovlardan muvaffaqiyatli o‘tgan talabalarga ruxsat beriladi.

4. Аttestatsiya sinovi o‘quv rejasining umumkasbiy va ixtisoslik fanlarining barchasini qamrab oladi hamda sinov topshiriqlari ushbu fanlar o‘quv dasturlari asosida tuziladi.

5. Аttestatsiya sinovi fanlar mazmuniga qo‘yiladigan talablar bilan bir qatorda, talaba tayyorgarligining Malaka talablarida bitiruvchiga qo‘yiladigan umumiy talablarga javob bera olish darajasini aniqlashga yo‘naltiriladi.

II. АTTESTАTSIYA SINOVI ShАKLI VА MUDDАTI
6. 2021/2022 o‘quv yilida 5111700-Boshlang‘ich taʼlim va sport tarbiyaviy ishi yo‘nalishi bitiruvchilarining Аttestatsiya sinovi axborot texnologiyalarini tatbiq etgan holda test shaklda o‘tkaziladi.
7. Dastur Universitet Kengashi tomonidan tasdiqlangan sanadan boshlab, o‘quv yili yakuniga qadar Аttestatsiya sinovi shaklini o‘zgartirish mumkin emas.
8. Аttestatsiya sinovi universitet o‘quv jarayoni grafigiga asosan, o‘quv ishlari prorektori tomonidan tasdiqlangan muddatlarda o‘tkaziladi va kamida bir oy oldin talabalarga yetkaziladi.

III. АTTESTАTSIYA SINOVI SАVOLNOMАSI

9. Аttestatsiya sinovi savolnomasi taʼlim yo‘nalishi Malaka talablarining
- bakalavrlarning tayyorgarlik darajasiga;
- kasbiy faoliyatga;
- umumkasbiy va ixtisoslik fanlariga qo‘yilgan talablarni qamrab oladi.
10. Аttestatsiya sinovi savolnomasi taʼlim yo‘nalishi O‘quv rejasida keltirilgan quyidagi umumkasbiy va ixtisoslik fanlar dasturlari asosida shakllantirildi:

“Ona tili va bolalar adabiyoti” fanidan savollar

1. Tilshunoslik fani nimalarni o‘rganadi?
2. Tilshunoslik fanining qanday turlari bor va ular o‘zaro qanday farqlanadi?
3. Nima uchun til ijtimoiy hodisa sanaladi?
4. “Jamiyatsiz til, tilsiz jamiyat bo‘lishi mumkin emas”, degan fikrni qanday izohlaysiz?
5. Tilning tarkibiy qismlari deganda nimalar nazarda tutiladi?
6. Tilda yuz beradigan o‘zgarishlar birinchi navbatda uning qaysi bo‘limida (sathida) yuz beradi va nima uchun?
7. Keyingi paytlarda o‘zbek tili sathlarida (leksika, fonetika, grammatikasida) qanday o‘zgarishlar yuz berdi?
8. Milliy til nima va uning tarkibiga nimalar kiradi?
9. Shevalar adabiy tildan qaysi jihatlariga ko‘ra farqlanadi?
10. Bolalar adabiyotining vazifasi nimadan iborat?
11. Bolalar adabiyotida ma’naviyat deganda nimani tushunasiz?
12. Bolalar adabiyoti – so’z san’ati deganda nimani tushunasiz?
13. Maktabgacha ta’lim yoshidagi bolalarning o‘ziga xos xususiyatlari nimada?
14. Kichik maktab yoshi davri bolalar kitobxonligining avvalgisidan farqi nimada?
15. Jahon bolalar adabiyoti xususida fikr yuriting.
16. Fonetika nimani o‘rganadi?
17. Tovush va fonemaning farqini ayting.
18. Maqol nima?
19.Topishmoq qanday janr?
20. Morfologiya va sintaksis bo‘limlari-da qanday masalalar o‘rganiladi?
21. “So‘z turkum­lari” deganda nimani tushunasiz?
22. Alisher Navoiyning o‘zbek bolalar adabiyotiga qo‘shgan eng buyuk xizmatlari nimada deb bilasiz?
23. Alisher Navoiyning tug‘ilishi, oilasi va Iroqqa ketishigacha bo‘lgan davr haqida so‘zlab bering.
24. Farididdin Attorning “Mantiq ut-tayr” asari bo‘lajak shoirga qanday ta’sir ko‘rsatdi?
25. Alisher Navoiy “Lison ut-tayr” asarida qanday masalalarni ilgari surgan?
26. Alisher Navoiyning odob-axloq haqidagi asarlari xususida to‘xtalib, fikringizni bildiring.
27.Gulxaniyning hayoti va ijodiy faoliyati haqida qisqacha so‘zlab bering.
28.Gulxaniy she’rlari to‘g‘risida so‘zlab bering.
29.Masal deb qanday asarga aytiladi?
30. Ot turkumining ta’rifi va so‘roqlarini ayting, misollar kel­ti­ring.
31. “Maymun bilan Najjor”, “Tuya bilan Bo‘taloq masallarining Yapaloqqush hikoyasiga ulanib kelishini tushuntirib bering.
2.Qo’shma gap deb qanday gaplarga aytiladi?
33.“Toshbaqa bilan Chayon” masalida qanday g‘oya ilgari surilgan?
34.Ergashgan qo’shma gap qismlari qanday vositalar yordamida bog’lanadi?
35.“Zarbulmasal” asarini yaratishda Gulxaniy xalq og‘zaki ijodidan qanday foydalangan?
36. O‘zbek bolalar adabiyotining bosib o‘tgan tarixiy yo‘li haqida nimalarni bilasiz?
37.Zidlov bog’lovchili bog’langan qo’shma gaplarda qanday mazmun ifoda etiladi?
38. Bolalar adabiyotida o‘qish, odob, ona-Vatanga muhabbat, do‘stlik mavzularida yaratilgan asarlardan namunalar keltiring.
39.Zidlov bog’lovchili bog’langan qo’shma gaplarda qanday mazmun ifoda etiladi?
40. Abdulla Avloniy qaysi janrning rivojlanishiga katta hissa qo‘shdi?
41.Abdulla Avloniyning qanday pyesalari bor? Biror pyesaning ma’nosini aytib bering.
42.Bog’langan qo’shma gap qismlari qanday vositalar yordamida bog’lanadi?
43.A.Avloniy qanday darsliklar yaratgan?
44 .Bog’langan qo’shma gap qismlari qanday vositalar yordamida bog’lanadi?
45.Ergashgan qo’shma gap qismlarini bog’lovchi vositalardan qaysilari bosh gap tarkibida keladi?
46.“Inqilob kuychisi” nomini olgan shoir kim?
47.Biriktiruv bog’lovchili bog’langan qo’shma gaplarda qanday mazmun ifoda etiladi?
48.Ko’makchili qurilmalar yordamida ergashgan qo’shma gapning qanday turi hosil qilinadi?
49.Ergash gap deb nimaga aytiladi?
50.H. H. Niyoziy qachon, qayerda va qanday oilada tug‘ilgan?
51. Uyushiq bo’lak deb nimaga aytiladi?
52.Hamza 1-sinf bolalari uchun qanday darslik yozgan?
53.Uyushiq bo’laklar qanday holda shakllanadi?
55.Hamza 2-sinf bolalari uchun qanday darslik yozgan va unga qanday hikoyalar kiritilgan?
56.1918-yilda 8 oylik muallimlar tayyorgarlik kursiga kirib tahsil olgan shoir kim?
57.“Tirilgan murda”, “Yodgor” asari, “Bir g‘uncha ochilguncha”, “Bari seniki” she'riy to'plamlari kimning qalamiga mansub?
58.“Ahmadjon yomon bola emas-ku, ammo”, “Nortojining kurak tishi” she'rlarida qanday illatlar qoralangan?
59.Mulla Mamajonning 1925-1933-yillarda boshidan kechirganlari G’afur G‘ulomning qaysi asarida yozilgan?
60.Ajratilgan bo’laklar deb qanday bo’laklarga aytiladi?
61. G’afur G‘ulomning “Tirilgan murda” asari necha qismdan iborat va ularda qanday g‘oyalar ilgari suriladi?
62.Ajratilgan bo’laklar garda qanday vazifa bajaradi?
63. “Shum bola” asarini qanday asar deb atash mumkin? U necha qismdan iborat?
64.G‘afur G‘ulom qayerda tug‘ilgan va uning avtobiografik asari qanday nomlanadi?
65.Quddus Muhammadiy qaysi yozuvchilarni ustoz deb bilgan?
66. O'zga gap nima va qanday shaklarda namoyon bo'ladi?
67.Quddus Muhammadiy qanday yumoristik va satirik she’rlar yozgan? Ulardan birini yoddan ayting.
68.Gaplar tuzilishiga ko’ra qanday turlarga bo’linadi?
69.Sodda gap deb qanday gaplarga aytamiz?
70.Shukur Sa’dulla necha yil umr ko‘rgan va necha yilini ijodiga bag‘ishlagan?
71.Qo’shma gap deb qanday gaplarga aytamiz?
72.Gaplar tuzilishiga ko’ra qanday turlarga bo’linadi?
73Sodda gap deb qanday gaplarga aytamiz?
74.Qo’shma gap deb qanday gaplarga aytamiz?
75.«Yaxshi ism» da Hakim Nazir bolalarda qanday tarbiyani rivojlantirishni ko‘zda tutadi?
76.Hakim Nazirning «Yonar daryo» qissasining bosh maqsadi nima?
77. Modal so’zlar deganda nimani tushunasiz?
78. Taqlid so’zlarning qanday turlari mavjud?
79. Po‘lat Mo‘min dastlab qayerda ishlaydi?
80. Sintaksisda nimalar o‘rganiladi?
81. So‘z birikmasining so‘zdan farqi nimada?
82.So‘roq gaplar qanday vositalar yordamida shakllanadi?
83. O‘zbek bolalar adabiyoti qaysi davrda fan sifatida shakllangan?
84. Bolalar adabiyoti kitobxonlarnnig yosh xususiyatlariga ko‘ra necha turga bo‘linadi?
85 Bolalar adabiyoti folklor bilan bog‘lanadimi?
86. To‘liqsiz gaplarda qanday bo‘laklar tushirilishi mumkin?
87. Bolalar adabiyotining kattalar adabiyotidan farqi nimada?
88. Avloniy qaysi janrlarda ijod qilgan?
89. G‘.G`‘ulomning qaysi asarida kampir o‘g`ri bilan suhbatlashadi?
90. Z.Diyorning qaysi asari vatan mavzusida yozilgan?
91.Bir bosh bo’lakli gaplar deb nimaga aytiladi?
92. Qaysi shoir ijodida tabiat mavzusi yetakchi o‘rin tutadi?
93. X.To‘xtaboevning “Besh bolali yigitcha” romani voqealari qayerlarda kechadi?
94. “Temirlar o‘yini” she’rida o‘tin yorish, temir to‘plash orqali qanday g‘oya ilgari suriladi?
95. O‘z ijodini felyetonchilikdan boshlagan adib kim?
96. Gap bo`laklari deb nimaga aytiladi?
97. Frazeologiya deb nimaga ayiladi?
99.Chet el bolalar adabiyoti namoyandalaridan kimlarni bilasiz?
100. Nutq uslublari deb nimaga ayytiladi?