«Ulıwma pedagogika» páninen ámeliy jumıslar tematikası «Ulıwma pedagogika»

«Ulıwma pedagogika» páninen ámeliy jumıslar tematikası
«Ulıwma pedagogika» páninen ámeliy jumıslar studentler tárepinen ózlestirilgen teoriyalıq bilimlerdi bekkemlew, tereńlestırıw, sonday-aq, ámeliyatta nátiyjeli qollay alıw kónlikpelerin qáliplestırıw menen birge olarda dáslepki kásiplik kónlikpelerdi payda etiw ushin imkaniyat jaratadı.
Ámeliy jumıslar ushın tómendegi temalar usınıs etiledi:

1. 
   Ayrim oqıwshı hám oqıwshılar jámáátine minezleme tayarlaw. (2 saat)
   

Studentler ulıwma bilim beriw mekteplerinde ózleri pedagogikalıq ámeliyat dáwiri ushın bekitilgen klasslarında ayrım oqıwshılarǵa baqlaw jumısların júrgizedi. Pedagogikalıq ilim-izertlew metodınan baqlawdı paydalanǵan halda, baqlawǵa alınǵan oqıwshılardıń minez-qulqın, olardaǵı psixologiyalıq ózgesheliklerdi úyrenedi. Ámeliy jumıs sońında ózleri baqlawǵa alǵan oqıwshıǵa pedagogikalıq hám psixologiyalıq baǵdarda minezleme jazadı. Minezleme jazba túrde tayarlanadı, studentler menen birgelikte talqılanadı hám ol tiykarınan tómendegi sorawlarǵa juwaplar beredi:

• 
  oqıwshınıń ismi, sháriypi, neshinshi klassta oqıytuǵınlıǵı;
  
• 
  oqıwshı denesiniń rawajlanıw ózgeshelikleri;
  
• 
  oqıwshınıń úy sharayatı, úydegi tártip-intizam, úydegi tárbiyalanǵanlıq dárejesi, úy sharayatınıń úydegi tárbiyaǵa tásiri;
  

- oqıwshınıń sabaqlardı ózlestiriw dárejesi, ayrım pánlerge bolǵan qızıǵıwshılıǵı, aqlıy rawajlanıwı, oqıwǵa bolǵan ıqlası, dıqqatınıń jámleniwi, epshilligi.
- oqıwshınıń oqıw materialların qabıllaw dárejesi, kúnlik rejimdi saqlawı, kitap penen islesiwi, yadı, ózin-ózi qadaǵalawı.
- oqıwshınıń oqıw miynetine qatnası, úy xızmetine qatnası, mekteptegi jámiyetlik paydalı miynetlerge qatnası. Tájriybeler hám kónlikpelerdi iyelewi, olardı ózlestiriwi.
- oqıwshınıń shólkemlestiriwshilik uqıplılıǵı, tártibi, uzaq dawam etiwshi miynetke beyimlesiwi, oǵan unaytuǵın hám jaqpaytuǵın miynet túrleri.
- oqıwshınıń qızıǵıwshańlıǵı, jeke qábiliyatı, keleshek haqqında pikirleri. Tártibi, mektep qaǵıydalarına boysınıwı, úlkenler talapların orınlawı, tártip buzıw sebepleri.
- oqıwshılar kollektivine hám mektepke munásebeti; kollektivte ózin tutıwı, kollektivte tutqan ornı, oqıtıwshı hám tárbiyashılarǵa munásebeti.
- shqıwshınıń minez-qulqı hám temperamenti, jaqsı hám jaman qásiyetleri.
- ulıwma psixologiyalıq hám pedagogikalıq juwmaqlar.
- oqıwshı shaxsınıń qáliplesiwindegi tiykarǵı jetiskenlik hám kemshilikler, kemshiliklerdin tiykarǵı sebepleri.
-oqıwshı menen keleshekte alıp barılatuǵın jumıslar.
Minezleme tómendegi úlgide beriledi: