|
Hadisə-yönlü proqramlaşdırma
RAD vasitəsilə qurulan proqram hadisə-yönlü xarakter daşıyır. Belə ki, proqram mühitinə daxil olan hər bir obyekt hadisə generasiya edə bilər və digər obyektlər tərəfindən generasiya edilən hadisələrə reaksiya verə bilər. Hadisəyə misal olaraq ekran pəncərəsinin açılıb-bağlanmasını, klaviaturanın düyməsinin basılmasını, mausun hərəkətini, verilənlər bazasında verilənlərin dəyişilməsini və s. göstərmək olar.
Proqramçı proqramın məntiqini hər bir hadisənin emaledicisini-uyğun hadisə baş verdikdə obyektin yerinə yetirdiyi proseduru-təyin etməklə reallaşdırır. Məsələn, «düymənin basılması» hadisəsinin emaledicisi dialoq pəncərəsini aça bilər. Beləliklə, obyektlərin idarə olunması hadisələrlə aparılır.
Verilənlər bazasının idarə olunması ilə bağlı hadisələrin emalediciləri (DELETE, INSERT, UPDATE) kliyent və server qovşaqlarında triggerlər vasitəsilə reallaşdırıla bilərlər. Bu cür emaledicilər silinmə, daxiletmə və yeniləşdirmə əməliyyatları zamanı VB-nin istinad tamlığını və həmçinin ilkin açarların avtomatik generasiyasını təmin etməyə imkan yaradır.
Dostları ilə paylaş: |
