c)Yaradıcılıq prosesində insanda özünü aktuallaşdırma tələbatı formalaşır. Görkəmli yazıçılar, rəssamlar, alimlər və başqaları bu cəhətə həmişə diqqət yetirmışlər. Bu məsələlər indi də aktualdır. Müasir psixologiyada yaradıcılıq qabiliyyətinin stimullaşdırılmasına daha çox diqqət yetirilir və zəruri məsələ kimi meydana çıxır.
d)Bütün yaradıcı proseslər şəxsiyyət xarakteri daşıyır. Bu ümumi psixoloji qanunauyğunluq təxəyyüldə xüsusilə aydın nəzərə çarpır. Çünki insan öz şəxsiyyətini məhz yaradıcılıq prosesində ifadə edir.
Beləliklə, təxəyyül insanın həyat fəaliyyətində mühüm rol oynayır və təxəyyülün rolunu inkar etmək mənasızdır. Yeni surətlərin yaradılması prosesində mənlik şüurunun funksiyaları çoxcəhətlidir. Onların hamısı şəxsiyyətin yaradıcılıq prosesində özünü ifadə etməsi, öz yaradıcılıq meyllərini həyata keçirmək üçün yollar seçilməsi ilə bağlıdır. Bu o deməkdir ki, şəxsiyyət amilini nəzərə almadan təxəyyül surətlərini psixoloji baxımdan ətraflı təhlil etmək olmaz.
Dostları ilə paylaş: |