Urdu elektron ta'lim tizimi O'zbekcha ‎(uz)‎

Ijtimoiy muammolarning ko‘payishi. Insoniyat texnik-texnologik taraqqiyotga erishsada, ijtimoiy muammolar kamaygani yo‘q. Tabiatga nooqilona munosabatda bo‘lish natijasida global isish, moliyaviy-iqtisodiy inqiroz, OITS va rakka qarshi kurashish yo‘llari topilmayapti. Natijada har bir xalq o‘z ijtimoiy muammosini o‘zi hal etishga o‘ralashib bormoqda. Insoniyatni falokatlardan qutqarish hissi unutib qo‘yilmoqda.
Zero, bugungi dunyoning mazkur mafkuraviy manzarasi globallashuvning imkoniyatlarini cheklaydi. CHunki insoniyat globallashuvdan butun bashariyatga xos bo‘lgan muammolarni birgalikda hal etish, davlatlarning aloqalarini kengaytirish va Er yuzida bir jon-bir tan bo‘lib yashash yo‘lida foydalanish edi. Agarki dunyoda mafkuraviy tortushuvlarga barham berilsa, bu orzu ro‘yobga chiqishi mumkin.
Harakatlar Strategiyasida «Ijtimoiy sohani rivojlantirish» deb nomlangan to‘rtinchi yo‘nalish aholi bandligini oshirish, fuqarolarni ijtimoiy himoya qilish va ularning salomatligini saqlash, yo‘l-transport, muhandislik-kommunikatsiya hamda ijtimoiy infratuzilmani rivojlantirish va modernizatsiyalash, aholini elektr energiya, gaz bilan ta’minlashni yaxshilash, aholining muhtoj qatlamlariga ko‘rsatiladigan ijtimoiy yordam sifatini oshirish, xotin-qizlarning ijtimoiy-siyosiy hayotdagi maqomini oshirish, sog‘liqni saqlash sohasini isloh qilish, maktabgacha ta’lim muassasalarining qulayligini ta’minlash, umumiy o‘rta ta’lim, o‘rta maxsus va oliy ta’lim sifatini yaxshilash hamda ularni rivojlantirish chora-tadbirlarini amalga oshirishni nazarda tutadi.[76]
Bu orzularni ro‘yobga chiqishi uchun taklif qilinayotgan g‘oya – bizning milliy g‘oyamizda aks etgan kishilar ongida manaviyatni shakllantirish masalasidir. Negaki ma’naviyat insoniyatga faqat foyda keltiruvchi maqsad-muddaolar, ideallar, g‘oyalar va tamoyillarni taqdim qiladi.
Tayanch atama va iboralar: Dunyoning mafkuraviy manzarasi, mafkuraviy kurash, mafkuraviy poligon, ma’naviyzaiflashuv, ijtimoiy muammo.
O‘z-o‘zini nazorat qilishga oid savollar
1. Dunyoning mafkuraviy manzarasideganda nimani tushunasiz?
2. Islom Karimov dunyoning mafkuraviy manzarasi haqida qanday
3. Mafkuraviy kurash va ularning o‘ziga xos ko‘rinishni tushuntirib bering.
4. Insoniyatning ma’naviy zaiflashuvi qanday oqibatlarni keltirib chiqarmoqda.
5. Ijtimoiy muammolarning ko‘payishsabablarini tushuntiribbering.