Urganch davlat universiteti tabiiy fanlar fakulteti

Kurs ishining bajarishdan maqsad: Dunyoda maydoni jihatidan eng yirik mamlakat bo’lgan Rossiya iqtisodiyotiga ta’sir ko’rstgan omillarni o’rganish, Rossiyaning ishlab chiqarish sohalari, tashqi aloqalari bilan tanishish.


Kurs ishining vazifasi: Rossiya bilan qo’shnichilik munosabatlarini yaxshilash, iqtisodiy hamkorlikni yo’lga qo’yish masalalarini ilgari suradi.
Kurs ishi obyekti va predmeti: Rossiya iqtisodiyoti va o’sish tendensiyalari
Kurs ishining tarkibi: Kirish, ikki bob, to’rtta reja, foydalanilgan adabiyotlar, xulosa.

I.BOB. ROSSIYA FEDERATSIYASIGA UMUMIY TA’RIF.
1.1. Rossiya haqida umumiy ma’lumot.
Rossiya – Yevrosiyoda joylashgan, maydoniga ko’ra yer sharidagi eng yirik mamlakat. Maydoni 17075,400 km². Shahar aholisi 107,3 mln, qishloq aholisi –39,3mln kishi. Rossiya federasiya sifatida 1917 - yil 7 - noyabrda tashkil topgan. Rossiya siyosiy – ma’muriy jihatdan 21 respublika, 7 o’lka, 49 oblast, 1 avtonom oblast, 10 avtonom okrug va 2 federal shahardan iborat. Rossiya shimoldan janubga 2,5 - 4 ming km gacha, g’arbdan sharqqa 9000 km ga cho’zilgan bo’lib, 3 ta okean suvlari bilan o’ralgan. Tabiiy resurslarga boyligi, ikki qit’ada joylashganligi (ayniqsa Yevropada joylashganligi), 3 okean va 13 ta dengiz bilan o’ralganligi, quruqlik orqali MDH ning 7 mamlakati bilan va 5 ta xorijiy davlat bilan chegaradoshligi, suvlik orqali Yaponiya, AQSH va Xorijiy Yevropa davlatlari bilan chegaradoshligi iqtisodiy geografik o’rnining qulayligidir.

1.1.1 – rasm. Rossiya Federatsiyasi ramzlari.
Rossiya hududining ¾ qismini dunyodagi eng yirik tekisliklar va pasttekisliklar egallagan. Misol: Sharqiy Yevropa tekisligi, G’arbiy Sibir, Shimoliy Sibir tekisliklari, Kaspiy bo’yi pasttekisligi (-27m). Tog’li territoriyalar mamlakat xududining janubida va sharqida joylashgan. Ular: Katta Kavkaz (Elbrus cho’qqisi 5642m. Rossiyadagi eng baland nuqta), Ural, Oltoy, Kuznesk Olatovi, Sayan; tizmalaridan : Yablonovoy, Verxoyansk, Cherski, Sixote Alin, Stanovoy, Kalima, Keryak va hokazolar.[1]¹
Kamchatka yarim oroli va Kuril orollarida ko’plab harakatdagi vulqonlar bor. Ularning eng balanti: Klyuchevskaya Sopka 4750 m (4688m). Rossiyada uzunligi 10 km dan oshiq bo’lgan 120 ming daryo bor, ularning umumiy uzunligi 2,3 mln km. Eng uzun daryolari : Ob (5410km), Amur, Lena, Enisey, Volga. Rossiyada 2 mln atrofida ko’llar bor. Eng muhimlari: Baykal (chuqurligi 1637m), Ladoga, Onega, Taymir, Chud. Yirik suv omborlari: Bratsk (169,3 km³), Krasnoyarsk, Zey, Ust – Ilimsk, Kuybishev. O’rmonlar Rossiya hududining 41 % ni egallagan.
Rossiyaning shimoliy Arktika muz sahrolaridan janubda chala cho’llargacha davom etadi. Rossiya hududi asosan mo’’tadil mintaqada joylashgan bo’lib, g’arbda dengiz iqlimi, dengiz – kontinental, kontinental va mussongacha. Qora dengiz sohillari subtropik. O’rtacha harorat: Rossiya g’arbida 0 -5⁰ S gacha. yanvarda Yakutskda - 40 ⁰ -50⁰ S . Iyulning o’rtacha temperaturasi Sibirning shimolida +1⁰ S, Kaspiy bo’yida +24 +25⁰ S.Chekka nuqtalari: Chelyuskin burni 77⁰ sh.k. Janubda Bazar-dyuzi tog’i 41⁰ sh.k, g’arbda Baltika posasi (Kaliningrad), sharqda Dejnyov burni 169⁰ g’arbiy uzunlikda.
Rossiya davlat chegarasining uzunligi 60,9 ming km bo’lib, shundan quruqlik chegarasi 14,5 ming km, dengiz chegarasi 38,8 ming km, daryo chegarasi 7,1 ming km, ko’l chegarasi 0,5 ming km.
Aholisi soniga ko’ra Rossiya jahonda birinchi o’nlik mamlakatlari qatoriga kiradi. (1986 yil 145,3 mln, 1999 yil 146,7 mln, 2006 yil 142 mln kishi ,2016 yil 144 mln kishi). Ro‘yxatga olishning dastlabki natijalariga ko‘ra, 2023 yil 1 yanvar holatiga, Rossiya aholisi 146 mln kishini tashkil etdi. Ushbu ma’lumotlarni Rosstat taqdim etdi. Statistikaga ko‘ra, 1 yanvar holatiga, Rossiyada yashovchilar soni 146 424 729 nafar bo‘lgan. Shaharliklar — 109 634 815, qishloqliklar — 36 789 914.
2022 yilda Rossiya aholisi 146 702 395 kishi edi. Solishtiriladigan bo‘lsa, yangi yilning 1-sanasiga qadar mamlakat aholisi 555 332 kishiga kamaygan. Tug’ilish – 1426000 kishi, o’lim – 2372000 kishi. O’rtacha umr 75 yosh. Tug’ilish koeffisienti 10‰ , o’lim 16‰ . Tabiiy o’sish – 0,6%. 100 erkakga 113 ayol to’g’ri keladi. Unga ko‘ra, ayni damda Rossiyada 147 million 200 ming kishi doimiy yashaydi. Ruslar Moskva shahri, Moskva viloyati, Sankt-Peterburg va Leningrad viloyati, shuningdek, Krasnodar o‘lkasini yashash uchun eng jozibali joylar deya hisoblashadi.[2]²
Eng yirik aglomeratsiya an’anaviy ravishda Rossiyaning poytaxti hisoblanadi. Moskvada 12 milliondan ortiq odam doimiy yashaydi. Moskva viloyatida ko‘rsatkich allaqachon sakkiz millionga yaqinlashgani ma’lum qilingan. Lekin, Rosstat taqdim etgan ma’lumotlar mamlakat demografiyasi havas qilarli ahvolda emasligini ko‘rsatadi. Jumladan, 2021 yilda Rossiya 1,04 milliondan oshiq aholi yo‘qotgan (aholining tabiiy o‘sishi, bunda migratsiya va boshqa omillar hisobga olinmagan). Aholisining asosiy qismi mamlakatning Yevropa qismida joylashgan. Osiyo qismida esa faqat janubiy qismida va daryolarning bo’ylaridagina yashaydi. Rossiyada 100 dan ortiq xalq va millatlar yashaydi. Shundan : ruslar – 81,5 %, tatarlar – 3,8 %, ukrainlar – 3 %, chuvashlar – 1,2 % , boshqirdlar – 0,9 %, beloruslar – 0,8 %, mordlar – 0,7 % chechenlar – 0,6 % , armanlar va evreylar – 0,4 % ni tashkil etadi.³
Rossiya hududi 10 ta iqtisodiy rayonga bo’linadi. Elektr energiyasining asosiy qismini IES lar beradi.Tabiiy gaz Urengoy, Volgabo’yidan olinadi. Ko’mir Kuzbass, Kansk – Achinsk va Uzoq sharqdan olinadi. Qora metallurgiya Ural, Volgabo’yi, KMA, Kuzbass da. Rangdor metallurgiya Ural, Janubiy Sibir, Norilskda. Mashinasozlik - Markaz, Volgabo’yi, Ural, Janubiy Sibir, Uzoq sharq. Ximiya sanoati – Markaz, Volgabo’yi.
Sanoat mahsulotining 1/3 qismi yoqilg’i energetika majmuyi tarmoqlariga to’g’ri keladi. Energetika tarmog’i ishlab chiqarish kuchlari rivojlanishining jamiyat moddiy – texnika ba’zasini yaratishning asosi hisoblanadi. Rossiyaning yoqilg’i energobloklari strukturasiga yoqilg’ini qazib chiqarish va ishlatishning taxminan 70% i neft va gazga to’g’ri keladi.
Xalq xo’jaligi: Rossiyada xalq xo’jaligining hamma tarmoqlari mavjud. Sanoati – mamlakat xo’jaligining etakchi tarmog’i. Mamlakatda barcha sanoat turlari mavjud.
Neft sanoati. Neft asosan Volgabo’yi, G’arbiy Sibir, Shimoliy Saxalindan olinadi. Konlardan qazib olingan neftning katta qismi mamlakat ichkarisidagi uzunligi 70 ming km ga yaqin bo’lgan neft quvurlari orqali tashiladi. Neft MDH davlatlariga, Sharqiy va G’arbiy Yevropa davlatlariga eksport qilinadi. So’ngi yillarda o’rta hisobda yiliga 90 mln tonnadan 120 mln tonnagacha neft eksport qilinmoqda.
Mashinasozlikning yirik markazlari: Moskva, Leningrad, Uralda, Volgabo’yida, G’arbiy Sibirda. Temir yo’l mashinasozligining yirik korxonalari Nijniy, Novgorod, Sank-Peterburg, Ulan-Ude, Lyudinov, Murom shaharlarida joylashgan. Dengiz va daryo kemasozligi, kema ta’mirlash Sankt- Peterburg, Astraxan, Nijniy, Novgorod, Tyumen, Xabarovsk va boshqa shaharlarda amalga oshiriladi. Samolyotsozlik Moskva, Qozon, Samara, Voronej, Saratov, Smolensk kabi yirik sanoat markazlarida joylashgan.
O’rmon sanoati mamlakatning shimoliy va sharqiy rayonlarida rivojlangan. Rossiyada o’rmonlar maydoni 766 mln ga. ni tashkil etadi. Sellyuloza qog’oz sanoati korxonalarini joylashtirishda xom ashyo omilining axamiyati katta. Hozirgi vaqtda bu tarmoqning asosiy markazlari shimoliy rayonda , Uralda, Volga - Vyatka rayonida joylashgan.
Rossiya federasiyasi qishloq xo’jaligi asosini don etishtirish tashkil qiladi. Bug’doy ekiladigan joylardan shimolroqda, o’rmonlar zonasida javdar ekiladi. Zig’ir Rossiyaning Yevropa qismining shimoli-g’arbida etishtiriladi. Kungaboqar Rossiya xududining Yevropa qismining ancha quruq va serquyosh janubi-sharqiy dasht rayonlarida, Volgabo’yi dashtlarida etishtiriladi.⁴
Haydaladigan yerlarning 4/5 qismi markaziy qoratuproq rayonlariga, Volgabo’yi, Shimoliy Kavkaz, Ural va G’arbiy Sibirga to’g’ri keladi. Qishloq xo’jaligining yalpi mahsulotini 39% dan ziyodini dehqonchilik, qariyb 61 % ini chorvachilik beradi.
Asosan qishloq ekinlari : g’alla, qand lavlagi, kungaboqar, kartoshka, zig’ir. Chorvachiligi go’sht-sut va go’sht-jun etishtirishga ixtisoslashgan. Mamlakat Yevropa qismida o’rmon va o’rmon – dasht zonalarida hamda Sibirda sersut qoramol boqiladi.
Rossiyada transportning barcha turlari rivojlangan. Umumiy yuk tashish aylanmasida dengiz (13,0 %), quvur (29,0 %) transportning xissasi hozirga kelib ko’paydi, temir yo’l (52,7 %) va daryo (3,7 %) transportiki kamaydi. Rossiyaning asosiy transporti temir yo’l transportidir. Temir yo’l tarmoqlari Moskvadan chekka o’lkalarga ketgan. Temir yo’llar uzunligi bo’yicha Rossiya dunyoda AQSH dan keyin 2-o’rinda turadi.
Temir yo’llarning umumiy uzunligi taxminan 90 ming km, ularning 3/1 qismi elektrlashtirilgan.
Suv transporti dengiz va daryo transportiga bo’linadi. Dengiz transportining geografiyasi va mamlakatni o’rab turadigan 14 dengiz bilan belgilanadi. Rossiya floti yuk ko’tarish qobiliyati jihatidan faqat 6 ta davlatdan keyin turadi:
1.Liberiya 4. Norvegiya
2. Yaponiya 5. Gresiya
3. Buyuk Britaniya 6. Panama.
Suv yo’llari sistemalari: Oq dengiz, Boltiq kanali, Moskva kanali, Volga – Don kanali, Volga – Boltiq suv yo’li, Kursk- Magnit – Anamaliyasi, G’arbiy Sibir, San, Jan, Yoqutiston va boshqalar. Yuk yuborish jihatidan Qora dengiz, Azov dengizi havza portlari 1-o’rinda turadi. Kema qatnovida 142 ming km daryo yo’llaridan foydalaniladi.
Rossiyada tashiladigan jami yukning 11,3 % i dengiz transportida, 4,7 % i avtomobil transportida, 55 % i temir yo’l transportida, 27,5 % i quvur transportida, 1,5 % i ichki suv transportida tashiladi. Rossiyada tashiladigan jami yo’lovchining 33 % i avtomobil transportida, 33,2 % i temir yo’l transportida, 18,6% i havo transportida, 15,2 % i boshqa transport turlarida tashiladi.⁵