Uyushmasi rustаm musurmon

YANА QOR
Raqqosadek o‘ynab yog‘ayapti qor,
Yuragimni qiynab yog‘ayapti qor.
Vaslingga intildim, yo‘limni to‘sdi,
Bopladim deb o‘ylab yog‘ayapti qor. 
* * *
Seni sevdim, seni, qalamqosh,
Аyriliqqa yo‘q menda bardosh.
Kecha-kunduz yuzingga qarab,
Oyog‘ingga qo‘yib yotay bosh.
* * *
Bosgan qadamingga qilaman sajda,
Oyog‘ing tuprog‘i ko‘zga to‘tiyo.
Sen samodan tushgan mo‘jiza, mujda,
Sen kabi go‘zalni ko‘rmagan dunyo.
* * *
Dedim: menga sensiz yo‘q endi hayot,
Dedim: sevgilimsan tengsiz, bebaho.
Yuragimni ochib adashdim, nahot?
Nahot, ko‘ngil berib qildim men xato? 
www.ziyouz.com kutubxonasi

---

BOZBАRАK
77
* * *
Olamga nur sochar husning, quyoshing,
Go‘zallik tojiga yarashgan boshing,
Sodiq sirdoshingman, yaqin dildoshing,
Malikam, men sening umr yo‘ldoshing,
Jonginam, men sening umr yo‘ldoshing.
* * *
Lol etdi oy yuzing ziyosi,
Bo‘sa oldim, labing bo‘ldi nam.
Gulg‘unchaga tomdi go‘yoki
Yulduzlardan to‘kilgan shabnam.
* * *
Oftobning yuziga to‘silgan parda,
Tog‘larning boshiga o‘ralgan ro‘mol.
Turnalardek baland uchib ketolmas
Yomg‘irda qanoti ho‘l bo‘lgan shamol.
* * *
Mayda qadam tashlab yuradigan sarv,
Chiroyli jilmayib turadigan sarv.
Nozik bo‘yi, suluv qomati bilan
Yurakdan bexato uradigan sarv.
www.ziyouz.com kutubxonasi

---

Rustаm MUSURMON
78
NOLА
Oqshom ufq ortiga berkinar quyosh,
Bulutlar ortiga yashrinar yulduz.
Hech kimga bildirmay to‘kaman ko‘z yosh,
Dardimni ichimga yutaman yolg‘iz.
Meni ado qilar yurakdagi sir,
Cho‘g‘ kabi o‘rtaydi dilni pinhon dard.
Chiroyingga qulman, husningga asir,
Ishqimni dunyodan yashirishim shart.
Momaqaldiroqdek gumbirlaydi g‘am,
Yurakni ikkiga bo‘ladi yashin.
Yalt etib bir lahza yorishar olam,
Sel qiladi yig‘lab osmon ko‘z yoshin.
Kunni bulut to‘ssa yumilar lola,
Quyosh chiqmasa gul sochmaydi ifor.
Jamoling ko‘rmasam, dilimda nola,
Yuzingga boqmasam, ko‘nglimda g‘ubor.
Nahotki, uzlatga chekinsa shamol?!
Nahotki, vaslingdan aylasang judo?!
Nahotki, sevgimiz topmasa kamol?!
Nahotki, marhamat qilmasa Xudo?!
www.ziyouz.com kutubxonasi

---

BOZBАRАK
79