Узбекистон Республикаси

Etakchi funksiya Sifatidagi musobaqaviy funksiya o’z ortidan sport natijalarini ro’yhatga olish, sportchilar va sport jamoalar orasida g’oliblarni aniqlash, qatnashchilar o’rnini belgilashga olib keladi, bular sport tayyorgarligi darajasini aniqlash imkoniyatini berib, sportchilarning musobaqaviy faoliyati tizimini ishlab chiqarishni taklif etadi [3,6,18,34].

Tarbiyaviy funksiya bir tomondan sportchilar mashq va musobaqaviy faoliyati samaradorligini oshiradi (sport uchun albatta), boshqa tomondan har

tomonlama ijtimoiy faol shaxs tarbiyalanishi uchun asos yaratadi. Ammo o’z - o’zidan istalgan tarbiyaviy samarani ta’minlab bermaydi. Sport ta’siri ham ijobiy, ham salbiy samarani ta’minlaydi. Sportning tarbiyaviy yo’nalishi birinchi navbatda jamiyatning iqtisodiy –ijtimoiy rivojlanishiga bog`liq. Bizning mamlakatimizda sportchilar bilan ishlash asosan barkamol shaxs tarbiyalanishi konsepsiyasiga asoslsnadi.

Jismoniy faollikni oshirish funksiyasi ijtimoiy jihatdan etuk faoliyatlarga nisbatan tayyorgarlikka olib kelib, insonning har tomonlama rivojlanishi, uning jismoniy va psixologik imkoniyatlarini oshirish, xayot uchun muhim harakat imkoniyatlari arsenalini oshirish, murakkab sharoitlarda aniqligini oshirish, yosh avlodni sport o’zga faoliyat turlariga tayyorlash imkoniyatini beradi; jismoniy faollik ortishi –inson salomatligini oshirish, aktiv xordiqni ta’minlash, sog`lom turmush tarzini shakillantirish, estetik qarashlar shakkillanishi demakdir.