Va axborot texnologiyalari 11-sinf toshkent – 2021

TO‘LDIRILGAN VOQELIK TURLARI
Markerga asoslangan AR
Tasvirga asoslangan AR

---

I V BOB. 
AR – TO‘LDIRILGAN VOQELIK TEXNOLOGIYASI
234
To‘ldirilgan voqelikning bu turi haqiqiy obyektga 
(yoki uning to‘liq takrorlangan tasviriga) grafik 
qo‘shimchalarning ustma-ust joylashishini nazarda 
tutadi. Bu esa haqiqiy obyektga to‘ldirilgan ko‘rinish 
beradi. Shuningdek, ilova orqali tabiiy muhitga 
obyektlarni qo‘yish, ular joylashuvini o‘zgartirish mumkin. 
Texnologiyalarning obyektlarni tanib olish qobiliyati 
ustma-ust joylashtirilgan ARni bajarishda juda muhim rol o‘ynaydi. 
AR dasturiy ta’minoti o‘z ishini bajarish uchun zarur ma’lumotlarni to‘plashda AR 
qurilmalariga, xususan, kamera, GPS, raqamli kompas va akselerometrga tayanadi. ARni 
yaratishda GPS funksiyalarining kombinatsiyasidan turli maqsadlarda foydalanish mumkin: 
diqqatga sazovor joylar to‘g‘risida turistik ma’lumotlarni qo‘shish, do‘kon, mehmonxona va 
restoranlar joylashgan joylarni belgilash, haydash marshrutlarini real rejimda ko‘rish va b.
Proyeksiyaga asoslangan AR boshqa to‘ldirilgan voqelik 
turlaridan biroz farq qiladi. Ya’ni kontentni namoyish 
qilish uchun unga mobil qurilma kerak emas. Nomidan 
ko‘rinib turibdiki, proyeksiyaga asoslangan AR turi 
tasvirni ekran yoki turli fizik yuzalarda namoyish qilish 
uchun videoproyektorni ishlatadi. Ushbu AR turi asosida 
virtual tasvirlar proyeksiyasi uchun real obyektlardan 
foydalaniladi. Odatda, undan sanoatda mahsulotlarni vizualizatsiya qilishda foydalaniladi. 
AR dasturlari endi faqat ko‘ngil ochish sohasi bilan cheklanmaydi. Bu texnologiya chuqur 
biznes, ilmiy va tadqiqot maqsadlariga xizmat qiladi. Quyida imperiv AR tajribalarini yaratish 
uchun ishlatiladigan asosiy texnika va vositalar haqida ba’zi tafsilotlar bilan tanishamiz.
Proyeksiya 
– obyektlarni ko‘paytirish imkoniyatini ta’minlovchi AR xususiyati. To‘ldirilgan 
voqelik elementlari boshqariladigan proyektor-kamera tizimlaridan foydalangan holda 
obyektlarni to‘g‘ridan to‘g‘ri fazoviy AR vositalari orqali proyeksiyalaydi. Proyeksion AR tizimlari 
to‘ldirilgan voqelik sohasidagi eng zamonaviy texnologiyalardir, chunki ular to‘ldirilgan voqelik 
elementlarini namoyish qilish orqali foydalanuvchilar bevosita proyeksiyadan bahramand 
bo‘lishi uchun AR ilovalarni taklif qiladi.