Vaqt ichida

1. Ikkita jism bitta nuqtadan, bir yo’nalishda, bir vaqtda harakatlana boshladi. Ulardan biri 980 sm/s tezlik bilan tekis, ikkinchisi boshlang’ich tezliksiz 9,8 sm/s² tezlanish bilan tekis tezlanuvchan harakat qildi. qancha vaqtdan keyin ikkinchi jism birinchisini quvib yetadi?

2. Jism t vaqt ichida s yo’lni bosib o’tdi, bunda uning tezligi n marta ortdi. Xarakatni boshlang’ich tezlikli tekis tezlanuvchan deb hisoblab, jismning tezlanishini toping.(19)

3. υ₀ = 2 m/s boshlang’ich tezlikka ega bo’lgan moddiy nuqta t_x = 3 s davomida tekis, t₂ = 2 s da a₂= 2 m/s² tezlanish bilan, t₃ = 5 s da a₃ = 1 m/s² tezlanish bilan, t₄ = 2 s da a₄ = - 3 m/s² tezlanish bilan va nihoyat t₅=2 s da t₄ vaqt oralig’i oxirida olgan tezligi bilan tekis xarakat qildi. Moddiy nuqtaning oxirgi tezligini, bosib o’tgan yo’lini va shu yo’ldagi o’rtacha tezligini aniqlang.(14)

4. Boshlang’ich tezliksiz erkin tushayotgan jism tushish boshlanganidan t vaqt o’tgach, yer sirtidan 1100 m balandlikda, yana 10 s vaqtdan keyin esa 120 m balandlikda bo’ladi. Jism qanday N balandlikdan tushgan?(30)

5. Jism gorizontal yo’nalishda 15 m/s tezlik bilan otildi. Xarakat boshlangandan 1 s o’tgandan keyingi normal tezlanish va urinma tezlanishlarni toping.(53)

Ish energiya, quvvat

1. Uzunligi 5m va ko'ndalang kesimi 0,01m² bo`lgan po`lat balkani gorizontal holatda 15m balandlikka tekis ko`tarishda bajarilgan ishni hisoblang? Po`latning zichligi 7800 kg/m³, g=10m/s²

2. Qandaydir balanlikdan gorizontal holda 20 m/s tezlik bilan tosh otildi. Otilgandan 4s o`tgan paytda uning kinetik energiyasi 3000J ga teng bo`lsa, toshning massasi qancha? g=10m/s².

3. 5 t massali samolyot gorizontal parvoz paytida o’zgarmas 360 km/soat tezlik bilan harakat qildi. Keyin u 2 km balandlikka ko’tarildi. Bunda samolyotning tezligi 200 km/soat gacha kamaydi. Motorning samolyotni ko’tarishda bajargan ishini toping

4. Boshlang'ich tezliksiz tushayotgan 1 kg massali jism tushish boshlangandan 5 s vaqt o’tgach, qanday kinetik energiya T ga ega bo’ladi?

5. 300 g massali tosh minoradan biror boshlang’ich tezlik bilan gorizontal otildi. 1 s vaqt o’tgach toshning tezligi gorizont. bilan 30° burchak hosil qildi. Toshning shu momentdagi kinetik energiyasi T ni toping.

6. Gorizontga a burchak ostida otilgan 20 g massali o’q traektoriyaning yuqori nuqtasida 88,2 J kinetik energiyaga ega. Agar o’qning boshlang’ich tezligi 600 m/s bo’lsa, a burchakni toping

7. 10 g massali o’q qalinligi 4 sm bo’lgan taxgaga 600 m/s tezlik bilan uchib keladi va taxtani teshib o’tib 400 m/s tezlik bilan uchib chiqadi. Taxtaning o’rtacha qarshilik kuchi F ni toping

8. Gorizontal sirtda yotgan 990 g massali jismga 10 g massali o’q kelib tegadi va unda qoladi. O’qning tezligi 700 m/s ga teng va gorizontal yo’nalgan. Agar jism va sirt o’rtasidagi ishqalanish koeffitsient 0,05 bo’lsa, jism to’xtaguncha qanday masofani o’tadi?