Vazifalari

Tayanch iboralar. kommunikatsion strategiyalar, rejalashtirish, byudjetlashtirish, korporativ aloqalar,reklama,konsalting,

Nazorat uchun savollar.

1. 
   Eko-innovatsiyalar tushunchasi aytib o‘ting?
   
2. 
   Mehmonxona xo‘jaligida innovatsiyaning ahamiyati nimalardan iborat?
   
3. 
   Eko-innovatsiya uchun to‘siqlarni aytib bering?
   
4. 
   Zamonaviy dasturlarni joriy etishning usullari deganda nimani tushunasiz?
   

5. bob. MEHMONXONA XO‘JALIGIDA XIZMAT KO‘RSATISH SIFATINI OSHIRISHDA XORIJ TAJRIBASI

1. 
   Mehmonxona xo‘jaligida xizmat sifati.
   

2. Mehmonxonalarda ko‘rsatiladigan asosiy va qo‘shimcha xizmatlar turlari.

3. 
   Xizmatlarning sifatini oshirish yo‘llari.
   

4. Xizmat sifatini oshirishda zamonaviy texnologiyalarni joriy qilish.

1. 
   Mehmonxona xo‘jaligida xizmat sifati
   

Mehmondo‘stlik sohasida xizmat qilayotgan kompaniyalar xizmatiga talabning ortib ketgan davrida sifatni nazorat qilish juda mushkul. Shunday qilib, xizmat ko‘rsatish sohasida sifatga erishish – tadbirkorlikda yutuqqa erishishning muhim vazifasi hisoblanadi.
Quyida keltirilgan misol ish tig‘iz bo‘lgan mavsumda va xizmat ko‘rsatuvchi xodimlarning ishlari ortib ketgan paytda yo‘l qo‘yishlari mumkin bo‘lgan xatolarini ko‘rsatib beradi. Qandaydir bir mijoz Avstraliyadagi Marriott, Surfers Paradise mehmonxonasidan nomer band qildirdi. Shu vaqtning o‘zida boshqa bir yangi kompaniya mehmonxona yaqinida istiqomat qiluvchilarga o‘z xizmatlarini tanishtirish uchun hamda shu bilan birga mahalliy aholining ijobiy murojaatlari uchun sharoitlar yaratib berishda maxsus imtiyozli narxlarni taklif qildi.
Marriott, Surfers Paradise mehmonxonasining ma’lumotlariga ko‘ra, kelib joylashishni qayd qilish kunduzi soat 2 dan so‘ng amalga oshiriladi.
Biroq mijoz mehmonxonaga soat 2:30 da etib kelganida ham klerk (yozuv- chizuv ishlarini olib boruvchi kichik xodim) hozircha bo‘sh nomer yo‘qligini aytib, biroz kutib turishi lozimligini aytdi. Bir soat o‘tganidan so‘ng u nomer tayyorligini aytdi. Mehmon nomerga kelib eshikni ochsa, xonada bir necha kishi borligini ko‘rdi, shundan keyin u orqasiga qaytib, qayd qilish stoli oldiga kelib, klerkga vaziyatni tushuntirdi.
Boshi qotgan Klerk kompyuterdagi ma’lumotlarni tekshirib chiqdi va telefon orqali qaergadir bir necha marta qo‘ng‘iroq qildi. Pirovardida u shuni aniqladiki, savdo bo‘yicha mas’ul shaxs doimiy mehmonlarga xonani taklif etgan-u, lekin buyurma qilinadigan nomerlar ro‘yxatidan o‘chirib tashlashni unutgan.
Oddiy kunlarda bular hech qanday muammo keltirib chiqarmaydi, lekin shu kuni mehmonxonada tunab qolishni istaganlar va nomer kutganlar juda ko‘payib ketdi. Nomer xonalari tozalanishi bilanoq kutib turgan mehmonlar foydalanishlari uchun taqdim etiladi.
Qayd qilish stolining klerki mehmonga vaziyatni tushuntirib, nomerga borishi mumkinligini aytdi. Bir ozdan so‘ng menejer tomonidan kechirim so‘ralib, unga shampan vinosi va qulupnay berildi.
Ikkinchidan, sifatni texnik va funksional ko‘rinishda ko‘rib chiqish mumkin. Texnik sifat deganda, mijozning xizmatchilar bilan o‘zaro munosabatidan keyin nimaga ega bo‘lishi tushuniladi. Masalan, texnik sifat, bu – mehmonxona nomerlari, restoran taomlari, avtomobillar ijarasi bo‘yicha agentlik avtomobilidir. Funktsional sifat, bu – tovar va xizmatlar taqdim etish jarayoni. Ushbu jarayon mobaynida iste’molchi firma xizmatchilari bilan birga bo‘lishida bir necha bosqichlarni bosib o‘tadi. Masalan, mijoz nomerni band qiladi, eshik og‘asi tomonidan yaxshi kutib olinadi, kuzatuvchi tomonidan ro‘yxatga olish stoliga kuzatiladi, ro‘yxatga olish bo‘yicha klerkda ro‘yxatdan o‘tadi va o‘z nomeriga kuzatib qo‘yiladi.
Mehmonxonaga kelib tushish tajribasi funksional sifatga misol bo‘ladi. Mijozning xona to‘g‘risidagi taassuroti to‘liq oqlanmasa ham, a’lo darajadagi funksional sifat buni yaxshilashi mumkin. Ammo funksional sifat yomon bo‘lib, mehmonxonadagi xona yaxshi bo‘lsa, bu ham mijozda paydo bo‘lgan qoniqarsiz taassurotni bartaraf etmaydi²⁵.
Konsultant Sheraton mehmonxonasi menejerlariga rasmlar orqali o‘z raqiblarining raqamlarini aniqlashni taklif qiladi. Ularga to‘rtta mehmonxona nomerlari rasmini va sakkizta raqiblarining nomlarini berishdi. Menejerlar nomlarni


²⁵ Kotler P., Bowen J. &Makens J.Marketing For Hospitality & Tourism Pearson International Edition 2014, USA 20-25 бетлар
mos keluvchi mehmonxona nomerlari rasmlari tagiga joylashtirishlari kerak edi. Garchi raqib mehmonxonalarning odatiy nomerlari berilgan bo‘lsa ham, menejerlarning ko‘pchiligi bittadan ortiq xonani to‘g‘ri ko‘rsata olmadilar.