Volume-7, Issue-1, April 2022 258 tabiiy fanlarni o’qitishda loyiha ishlari o’tkazishning

“PEDAGOGS” 
 international research journal ISSN: 
2181-4027
_SJIF: 
4.995
 
www.pedagoglar.uz
 

Volume-7, Issue-1, April - 2022
 
259 
Ta’lim sifati va samaradorligini oshirishda o’quvchilarni izlanishga, 
ijodkorlikka, erkin va mustaqil fikrlashga o’rgatadigan metodlar zarur. Shunday 
metodlardan biri – bu kreativ ta’lim metodidir. 
Kreativlikni o’rganishda mamlakatimizda J.Yo’ldoshev, F.Yo’ldosheva, 
O’.Tolipov, M.Usmonboyeva, O.Quddusovlarning, xorijiy davlatlarda esa, 
N.V.Rojdenstvenskaya, A.V.Tolshin,
T.Toivanena, L.Halkilahtia, H. Ruismaki 
T.Lyubort, S.Tordjmanlarning ishlari diqqatga sazovordir. 
Kreativlik – bu joylashgan kontekstiga mos keladigan yangi mahsulotni 
yaratish qobiliyatidir. Bu mahsulot g’oya, musiqiy asar, hikoya, hattoki reklama 
bo’lishi mumkin [3.17 b].
Kreativ ta’lim metodi o’quvchilarning ijodiy qobiliyatini takomillashtirishga 
yo’naltirilgan bo’ladi. Ayniqsa muammoli, loyihalashtirilgan va jadallashtirilgan
ta’limlarning qo’llanishi o’quvchilarda yaratuvchanlik, bunyodkorlik 
qobiliyatlarini o’sishiga olib keladi. 
Lekin kreativ ta’lim metodi asosida tashkil etilgan darslar jarayonida o’quvchi 
qabul qiluvchi ob’yektdan ijodkor (kreativ) sub’yektga aylanadi. Pred-metni 
(tomoni, mazmuni) o’zlashtiruvchi o’ziga nisbatan yaratuvchanlik bilan yondashish 
asosida o’zlashtirib oladi. Har bir faktik materialga ijodiy va tanqidiy qaray olad. 
Olinayotgan o’quv materiali unga yangicha qarash, qo’shimcha materiallarni olish, 
o’zlashririshga yo’l ochadi. Ko’pincha bunday hollar o’zlashtirishga evristik 
yondashuvni shakllantiradi. Bu esa malakali mutaxassislarni kelajakda olgan bilim, 
ko’nikmasining faqat ijrochisigina bo’lib qolmay, balki o’z kasbiy faoliyatiga 
ijodkorlik, yaratuvchanlik asosida qarashga olib keladi. 
Hozirgi kun ta’lim tizimining bosh va asosiy maqsadi ham ijodiy fikrlaydigan 
malakali mutaxassislarni va yuksak darajadagi fikr yurituvchi shaxsni tarbiyalash va 
tayyorlashdan iborat.
Agar ta’lim jarayoni o’quvchilar faolligiga asoslangan muammoli, 
dasturlangan, loyihalar jadallashtirilgan holda kechsa, u holda kreativ yo’nalishga 
ega bo’lib, o’quvchilarning faolligi tufayli u yangilik, ijodkorlik sari yetaklaydi.

---