Второй ташкентский государственный

Mavzuni asoslash

3.1. Nazariy qism.

Yelka, bilak va qo’l panja suyaklari sinishlari. Travmatik chiqishlar.i

Qo’llarni jarohatlanishi va ularning diagnostikasi.
Qo’l suyagi sinishlari barcha sinishlarning 50%ga yaqinini tashkil etadi. Yelka suyagini sinishlari zarba yoki qo’l bilan yiqilish natijasida sodir bo’ldi. . Sinishlar asosan xirurgik yoki anatomik bo’yincha sohasida sodir bo'ladi..

Yelka sinishi

Yelkaning ochiq va yopiq sinishlari farqlanadi. Asosan yelka suyagi proksimal qismi, diafizi va pastki uchining yopiq sinishlar uchraydi.

Yelka suyagining xirurgik bo’yinchasidan sinishi eng ko’p uchraydi. Yelka suyagining xirurgik bo’yinchasidan sinishining davosi ko’pchilik hollarda konservativ.

Yelka suyagi xirurgik bo’yinchasidan va aralash singan yosh va o’rta yoshdagi bemorlarda bir vaqtda suyak bo’laklarini to’g’irlanadi va 4-6 haftaga gips bog’lami qo’yiladi. 2-hafta boshlanishi bilan LFK (yelka va yelka kamari mushaklariga izometrik tortishish, bo’g’imlardagi harakat harakatsizlantirish, nafas mashqlari) va fizioterapiya tayinlanadi. Yopiq repozitsiyaga urinish samara bermaganda ochiq to’g’irlash va osteosintez o’tkaziladi.

Yelka suyagining bo’g’im orqali va bo’gimdan tashqari sinishlari va yelka bo’g’imining tashqi va ichki sinishlari shish, tirsak bo’g’imi sohasiga qon quyilishi, harakatning keskin chegaralanishi va og’riqlilik bilan xarakterlanadi. Bo’g’im palpatsiyasida keskin og’riq, patologik siljish va suyak bo’laklarining krepitatsiyasi aniqlanadi. Diagnoz qo’yish uchun rentgenografiya o’tkaziladi. Aralash bo’lmagan sinishda statsionar sharoitida yelkaning yuqori uchdan bir qismidan barmoqlar asosigacha 3 oy muddatga gips bog’lami qo’yiladi. Bo’g’im bo’shlig’ida erkin suyak bo’laklari bo’lgan aralash sinishlarda bo’laklarni ochiq holda repozitsiyalash va osteosintez operatsiyasi otkaziladi. Immobilizatsiya davomiyligi 2 haftadan 6 haftaga bo’lib, so’ng kompleks tiklash o’tkaziladi .Davolash uzoq cho’zilgada tez-tez tirsak bo’g’imining posttravmatik deformatsiyalanuvchi artrozi rivojlanadi.