2 aprel 1993-cü il saat 8.00 - 3-cü taborun 16 nəfər döyüşçüsü
(tabor komandiri polkovnik-leytenant Eldar Həsənov, baş
leytenant Akif Kamalov, kəşfiyyat tağımı komandiri Namiq
Atayev, əsgərlər: Muxtarov İlqar, Zərdablı Şəfayıl, Mikayılov
Hafiz, sürücü Azad və başqaları) Kəlbəcər şəhəri uğrunda son
döyüşə atılır. Bu döyüşdə düşmən 30 nəfərədək itki versə də
Kəlbəcəri müdafiə etmək mümkün olmur. Düşmən hücumunun
qarşısını bir neçə saat kəsməyə müvəffəq olan 3-cü taborun
döyüşçüləri şəhər aeroportunda vertalyot gözləyən 2000
nəfərədək dinc əhalini düşmən əlinə keçməkdən xilas edirlər və
onları şəhərdən çıxarmağa müvəffəq olurlar.
