Iv fəSİl I avropa Oyunları 2015

 
 “Yeni Azərbaycan”.-2015.-27 yanvar.-№ 15.-S.3. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
184 
 
 
“Azərsun Holdinq” I Avropa oyunlarına sponsorluq edəcək 
 
Savaş Uzan: “İki sponsorluq müqaviləsi imzalayacağıq” 
  
 “Azərsun Holdinq” Şirkətlər Qrupunun fəaliyyət göstərdiyi sahələrin sayı ilə bərabər, fəaliyyət coğrafiyası 
da genişlənib. Bu barədə Şirkətlər Qrupunun Baş direktoru Savaş Uzan jurnalistlərlə görüşündə bildirib. Onun 
sözlərinə  görə,  artıq  “Azərsun  Holdinq”  bölgə  miqyaslı  şirkət  olmaqdan  çıxaraq  bir  dünya  şirkətinə 
çevrilməkdədir. Şirkətin belə bir səviyyəyə gəlib çatması, onun loqosunun yenilənməsini zəruri edib. 
 
“Qlobal şirkət olmağı hədəfləmişik” 
  
S. Uzan qeyd etdi ki, 23 ildir “Azərsun Holdinq” Azərbaycan üçün ən yaxşısını istehsal etməyə, ən yüksək 
səviyyədə  xidmətlər  göstərməyə  çalışır:  “Bu  gün  30  zavod  və  10  min  işçi  ilə  fəaliyyət  göstəririk.  “Azərsun 
Holdinq”  ilk  fəaliyyətinə  ticarətdən  başladı.  Biz  ticarətdən  əldə  etdiyimiz  gəlirləri  yenidən  Azərbaycanda 
sərmayə  şəkilində  yatırdıq.  1996-cı  ildə  ilk  zavodun  açılmasından  sonra  30-a  yaxın  zavod  istifadəyə  verilib, 
2015-ci  ildə  daha  2  zavodumuzu  işə  salmağı  planlaşdırırıq.  Ötən  illərdə  Azərbaycanda  geniş  fəaliyyətimizi 
qurduqdan sonra, bölgə şirkəti olmaq hədəfini qarşıya qoyduq. Azərbaycanın qonşuları ilə ticarət əlaqələrimizi 
genişləndirdik.  Bu  gün  gəldiyimiz  nöqtədə  isə  dünya  şirkəti  olmağı  hədəfləyirik.  Artıq  bu  istiqamətdə 
fəaliyyətimiz mövcuddur, ABŞ və Dubay da daxil olmaqla uzaq xarici ölkələrə də məhsullarımızı ixrac edirik. 
Bir dünya şirkətinə çevrilməyə başladığımız üçün loqomuzu və daxili strukturumuzu dəyişməyə qərar verdik. 
Növbəti hədəfimiz qlobal şirkətə çevrilməkdir”. 
“Azərsun  Holdinq”in  Baş  direktoru  bildirdi  ki,  dünya  təcrübəsi  bir  ölkənin  ərzaq  təhlükəsizliyi  olmadan 
onun  azad  iqtisadi  müstəqilliyini  və  inkişafını  təmin  etməyin  çətin  olduğunu  göstərir:  “Ötən  gün  Prezident 
İlham  Əliyev  Heydər  Əliyev  Mərkəzində  “Regionların  2014-2018-ci  illərdə  sosial-iqtisadi  inkişafı  Dövlət 
Proqramı”nın  icrasının  birinci  ilinin  yekunlarına  həsr  olunan  konfransında  biz  iş  adamlarına  bir  daha  tövsiyə 
etdi  ki,  Azərbaycan  dövləti  əhalinin  əsas  ərzaq  məhsullarına  olan  tələbatını  öz  yerli  istehsalı  hesabına  təmin 
etməyi  qarşıya  məqsəd  qoyub.  Dövlət  başçımızın  bu  sahədə  imzaladığı  sərəncamlar  və  dövlət  proqramları  öz 
müsbət  nəticəsini  verməkdədir.  Belə  ki,  “2008-2015-ci  illərdə  Azərbaycan  Respublikasında  əhalinin  ərzaq 
məhsulları  ilə  etibarlı  təminatına  dair  Dövlət  Proqramı”nın  təsdiq  edilməsi  və  2008-ci  il  9  oktyabr  tarixli 
Sərəncamına əsasən  hər il 1 noyabr tarixinin kənd təsərrüfatı işçilərinin peşə bayramı kimi qeyd edilməsi ölkə 
başçısının bu sahəyə diqqət və qayğısının bariz nümunəsidir. Biz Azərsun ailəsi olaraq bu tapşırıqlardan irəli 
gələn vəzifələri böyük həvəs və məsuliyyətlə yerinə yetirməyə çalışırıq”. 
  
2015-ci ildə iki yeni zavod istifadəyə veriləcək 
  
S.  Uzan  söylədi  ki,  “Azərsun  Holdinq”  fəlsəfəsinə  uyğun  olaraq  Azərbaycanın  iqtisadi  inkişafına  kömək 
etməyi, həm yeni iş yerlərinin açılmasına, həm də ölkənin kadr potensialının inkişaf etdirilməsinə öz töhfəsini 
verir.  Hazırda  “Azərsun  Holdinq”  30  zavoda  və  10  min  işçiyə  malikdir.  Təxminən  500  nəfərdən  çox 
“Azərsun”da çalışmış işçimiz də bu gün ölkə iqtisadiyyatının müxtəlif sahələrində fəaliyyətini davam etdirirlər. 
Bundan qürur duyuruq. Eyni zamanda fəaliyyətə başlayan “Azərsun Akademy”nin bu il rəsmi açılışı nəzərdə 
tutulub”. 
Şirkət  rəsmisi  Holdinqin  həyata  keçirdiyi  ən  böyük  layihələrdən  biri  Azərbaycan  iqtisadiyyatında  xüsusi 
əhəmiyyət  kəsb  edən  İmişli  Şəkər  Zavodu  olduğunu,  qlobal  böhran  şəraitində  məhz  bu  müəssisəsinin  yerli 
sərmayələrin xaricə axıdılmasının qarşısını alıb”. 
Holdinqin  baş  direktoru  qeyd  etdi  ki,  “Azərsun  Holdinq”  Azərbaycanın  dövlət  proqramlarının  həyata 
keçirilməsində yaxından iştirak edir: “İmişli Şəkər Zavodu istifadəyə verildikdən sonra onun tərkibində yağ və 
yem zavodları daxil 6 sənaye obyekti istifadəyə verib”. 
O  dedi  ki,  “Azərsun  Holdinq”  3-cü  “Azərbaycan  Respublikası  regionlarının  sosial-iqtisadi  inkişafı  Dövlət 
Proqramı” çərçivəsində  respublikada heyvandarlığın inkişafına dəstək vermək üçün bir neçə istehsalı zavodunu 
istifadəyə  verəcək,  o  cümlədən  heyvandarlıq  kompleksinin  yaradılması  nəzərdə  tutulur:  “Belə  ki,  2015-ci  ildə 
İmişli rayonunda istifadəyə veriləcək zavodun illik gücü 200 min ton olan qüvvəli yem zavodudur. Bu zavodu 
mart  ayının  sonuna  qədər  istifadəyə  verməyi  nəzərdə  tuturuq.  Qarışıq  qüvvəli  yem  zavodu  yaradılacaq 
heyvandarlıq  təsərrüfatını  ekoloji  cəhətdən  təmiz  və  keyfiyyət  göstəriciləri  dünya  standartlarına  cavab  verən  
şirəli  yem  məhsulları  ilə  təmin  olunmasının  təminatçısıdır.  İkinci  bir  fabrik  isə  Bakı  şəhərində  tikilir.  Bu 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
185 
 
fabrikdə  əsasən  sənaye  şokoladı  istehsal  ediləcəkdir.  Yəni,  Azərbaycanda  şokolad  istehsal  edən  şirkətlərə 
onların  şokolad  istehsalında  istifadə  etmələri  üçün  sənaye  şokoladı  verəcəyik.  Bununla  bərabər,  zavodda 
semeçka tumu halvası, lokum, marmalat və s. istehsal olunacaq”. 
  
“Bu il hipermarket layihələrimizə başlayacağıq” 
  
S.  Uzan  qeyd  etdi  ki,  bu  ilin  iyun  ayında  Bakının  ev  sahibliyi  edəcək  Avropa  Yay  Olimpiya  Oyunlarına 
“Azərsun  Holdinq”in  sponsor  kimi  iştirak  ilə  bağlı  danışıqlar  artıq  yekunlaşıb:  “Bu  günlərdə  Şirkətimizi  iki 
məşhur brendi olan “Azərçay” və “Bazarstore”nin sponsorluğunu təsdiq edən iki müqavilə imzalanacaq. 
“Azərsun  Holdinq”in  Baş  direktoru  Savaş  Uzan  bildirdi  ki,  “Bazarstore”  mağazalar  şəbəkəsinin  sahibi 
“Azərsun Holdinq”, supermarketlərdən sonra şəbəkənin hipermarketlərini istifadəyə verməyi planlaşdırır: “Bu il 
6-sı Bakı şəhərində, 4-ü isə regionlarda olmaqla 10 yeni “Bazarstore” mağazasını açmağı planlaşdırırıq. Bundan 
başqa, bu il hipermarket layihəmizə başlayacağıq. İlkin mərhələdə  3 hipermarketin açılması  nəzərdə tutulur”. 
Savaş Uzan qeyd etdi ki, hipermarketlərin istifadəyə verilməsinə Bakı şəhərindən başlanılacaq: “Artıq Bakı 
şəhərinin  çıxışlarında  iki  hipermarket  üçün  yer  müəyyən  edilib.  Hipermarketlərimiz,  insanların  gəlib 
avtomobillərini  park  edərək,  uşaqlarını  oyun  zallarına  göndərərək  rahat  alış-veriş  edə  biləcəkləri  yer  olacaq. 
Onlar “Bazarstore” adı ilə fəaliyyət göstərəcək». 
Jurnalistlərin  suallarını  cavablandırarkən  S.  Uzan  dünyada  baş  verən  proseslərin  az  da  olsa  şirkətə  təsir 
etdiyini  söylədi:  “Rusiya  rublunun  və  avronun  dünyanın  aparıcı  valyutalarına,  o  cümlədən  manata  nisbətən 
dəyərdən  düşməsi  Azərbaycan  ixracatçılarına  mənfi  təsir  edir.  Başqa  sözlə,  rublun  ucuzlaşması  holdinqin 
ixracının  azalmasına  gətirib  çıxardır.  Rusiyadakı  böhran  bizim  keçmişdə  yaşadığımız  böhranlardan  biridir. 
Hazırda Rusiyada davam edən böhran, az da olsa Azərbaycanda hiss olunur. Rusiya rublunun dəyərdən düşməsi 
bizim ixrac etdiyimiz malları bahalı edir, manat ilə ifadədə daha az gəlir əldə edirik. Bu baxımdan böhran və 
rublun məzənnəsi bizə sıxıntı yaradır”. 
O  əlavə  etdi  ki,  bu  gün  Azərbaycanın  iqtisadiyyatının  güclü  inkişafı  və  ölkənin  50  milyard  dollardan  artıq 
valyuta  ehtiyatına  malik  olması  Rusiyadakı  böhranın  ciddi  hiss  edilməməsinə  imkan  verir:  “Əgər  vaxtında 
sosial-iqtisadi proqramlar həyata keçirilməsəydi, Azərbaycan bu böhranı daha dərin hiss edə bilərdi. Mən hesab 
edirəm ki, bu böhranı da ciddi hiss etmədən ötüşdürəcəyik”. 
 
Əfsun 
 
“Üç nöqtə”.-2015.-29 yanvar.-№ 17.-S. 5. 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
186 
 
 
“Bakı–2015” Avropa Oyunlarının proqramı çox maraqlı və innovativ idman yarışları ilə zəngin 
olacaq 
 
Bu  ilin  iyun  ayında  Azərbaycan  paytaxtında  keçiriləcək  “Bakı–2015”  ilk  Avropa  Oyunlarının  proqramı 
çoxsaylı idman növləri üzrə çox maraqlı və innovativ yarışlarla zəngin olacaq. 
Ümumilikdə  20  idman  növü  üzrə  keçiriləcək  bu  mötəbər  yarışların  proqramına  daxil  edilən  idman 
növlərindən 16-sı Olimpiya, dördü qeyri-Olimpiya idman növünü əhatə edəcək. Avropa Oyunlarında bu qitənin 
müxtəlif  guşələrindən  6  mindən  çox  idmançının  17  yarış  günü  müddətində  öz  ölkələrini  təmsil  edəcəyi 
gözlənilir. 
AzərTAc  xəbər  verir  ki,  Naxçıvan  Muxtar  Respublikasının  Babək  rayonunun  mədəniyyət  evində  birinci 
Avropa  Oyunlarının  tanıtım  kampaniyası  çərçivəsində  ümumtəhsil  məktəblərinin  şagirdlərinin  iştirakı  ilə 
keçirilən tədbirdə bu barədə ətraflı söhbət açılıb. 
Bildirilib ki, müstəqil Azərbaycan Respublikası sürətli iqtisadi inkişafı ilə regionun lider dövlətinə çevrilib. 
Beynəlxalq aləmdə nüfuzu durmadan artan ölkəmiz bir sıra yüksək səviyyəli beynəlxalq tədbirlərə ev sahibliyi 
edib. 2012-ci ildə Cənubi Qafqazın tarixində ilk dəfə “Eurovision” mahnı müsabiqəsi Azərbaycanda keçirilib. 
Qeyd  olunub  ki,  bu  dəfə  isə  Avropada  ilk  dəfə  keçiriləcək  çox  mötəbər  bir  idman  yarışının  -  Avropa 
Oyunlarının  ünvanı  Azərbaycan  olacaqdır.  Böyük  idman  hadisəsi  olan  bu  yarışa  həm  də  siyasi  və  iqtisadi 
baxımdan ölkəmizin daha güclənməsini sübut edən bir amil kimi yanaşmaq lazımdır. Çünki Avropa Oyunlarının 
Bakıda  keçirilməsi  Azərbaycanın  beynəlxalq  miqyasda  qazandığı  nüfuz  ilə  birbaşa  bağlıdır.  Bu,  həm  də 
Azərbaycanın son illərdə idman sahəsində əldə etdiyi uğurlara dəstək xarakteri daşıyır. 
Sonra ənənəvi olaraq Avropa Oyunlarına daxil edilən idman növlərinin babəkli gənclər arasında populyarlığı 
ilə bağlı sorğu keçirilib. 
Sorğu  başa  çatdıqdan  sonra  dünya  və  Avropa  arenalarında  uğur  qazanan  Babək  rayonunun  idmançıları 
tamaşaçılara  təqdim  edilib.  Gənc  idmançılar  dövlətimizin  onlara  göstərdiyi  qayğıdan  razılıq  edərək,  bundan 
sonra da yeni-yeni uğurlara imza atmağa səy göstərəcəklərini bildiriblər. 
Tədbirdə birinci Avropa Oyunlarına həsr edilmiş videoçarx nümayiş olunub. 
Sonda  “Bakı-2015”  ilk  Avropa  Oyunlarının  loqo  və  simvolları  əks  olunan  çanta  və  papaqlar  idmançılara 
hədiyyə edilib. 
Qeyd edək ki, analoji tədbirlər Ordubad, Culfa və Şahbuz rayonlarında da keçirilib. 
 
“Azərbaycan”.-2015.-30 yanvar.-N 22.-S.3. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
187 
 
 
"Bakı-2015" idman tarixində yeni səhifə açacaq 
 
Nəzakət Ələddinqızı 
 
Ölkəmizin  iqtisadi  qüdrətinin  yüksəlməsi,  sosial  inkişafı  bütün  sahələrdə  böyük  nailiyyətlərin  əldə 
olunmasına  ciddi  zəmin  yaradıb.  Ölkə  başçısı  Cənab  İlham  Əliyevin  ardıcıl  olaraq  həyatın  bütün  sahələrinin 
inkişafı üzrə həyata keçirdiyi islahatlar, qəbul olunmuş dövlət proqramları Azərbaycanın dünyanın inkişaf etmiş 
ölkələri arasında özünə layiqli yer tapmasına şərait yaradıb. Təbii ki, Azərbaycanda mövcud olan mövcud siyasi 
vəziyyət, stabillik, iqtisadi artım inkişafı zəruri edən amillərdəndir. 
Azərbaycanın sürətli inkişafı ölkəmizdə idman hərəkatının daha geniş vüsət almasına səbəb olub. Prezident 
İlham Əliyevin rəhbərliyi ilə həyata keçirilən strategiyaya uyğun olaraq idman ölkədə dövlət siyasətinin prioritet 
istiqamətlərindən birinə çevrilib. İdman və bədən tərbiyəsi hər bir ölkənin beynəlxalq aləmdə tanınması, nəslin 
sağlam  inkişafı  üçün  önəmli  vasitələrdən  biri  olduğundan  Azərbaycan  dövləti  idmanın,  xüsusilə  də  olimpiya 
hərəkatının  inkişafına  xüsusi  diqqət  yetirir.  Ölkəmizdə  idmana  dövlət  tərəfindən  göstərilən  diqqət  idmanın 
kütləviləşməsinə,  gənc  nəslin  bu  sahəyə  sürətli  axınına  şərait  yaradıb.  Təbii  ki,  bunun  üçün  Azərbaycanda 
lazımi  maddi-texniki  baza da  yaradılıb.  Ölkəmizdə  xüsusilə  son  11 ildə tikilən olimpiya  idman  kompleksləri, 
məhz idmanın inkişafına xidmət edən amillərdir. Azərbaycanın idman sahəsində qazandığı nailiyyətlər, dünya 
və  Avropa  çempionatlarında  idmançılarımızın  qazandığı  medallar  və  mükafatlar  ölkəmizin  beynəlxalq  idman 
təşkilatlarında  da  mövqeyinin  xeyli  güclənməsinə  səbəb  olub  və  Azərbaycanı  dünyaya  əsl  idman  ölkəsi  kimi 
tanıdıb. Məhz bu səbəbdən də beynəlxalq idman ictimaiyyəti, idman federasiyaları həvəslə ən mötəbər yarışları 
ölkəmizə həvalə edir, Bakıda bu yarışların yüksək səviyyədə təşkili Azərbaycanın bu sahədə də dünya liderləri 
sırasında olduğunu göstərir. Təbii ki, ölkəmizdə dövlət səviyyəsində idmana və olimpiya hərəkatının inkişafına 
göstərilən diqqət və qayğının nümunəsinin nəticəsidir ki, Birinci Avropa Oyunlarının keçirilməsi Bakıya həvalə 
olunub. Son dərəcə maraqlı, qədim tarixi və zəngin  mədəni dəyərləri olan Azərbaycanın Avropanın həyatında 
baş  verəcək  ilk  belə  hadisəyə  ev  sahibliyi  etməsi  təbii  ki,  həm  də  ölkəmizin  idman  sahəsində  son  illərdə 
qazandığı uğurlardan qaynaqlanır. Artıq neçə ildir ki, dünyanın idman ailəsinə daxil olan ölkəmiz beynəlxalq 
əhəmiyyətli  idman  yarışlarının  keçirilməsi  üçün  əlverilşli  məkan  funksiyasını  yerinə  yetirir.  İlk  Avropa 
Oyunlarının Bakıda keçirilməsi ilə bağlı Avropa Olimpiya Komitəsinin qərarı beynəlxalq idman ictimaiyyətinin 
ölkəmizin  olimpiya  hərəkatında  oynadığı  rola,  idmanın  inkişafına  göstərdiyi  yüksək  dəstəyə  verilən  önəmin 
təzahürüdür. 
 
Bak; ilk Avropa oyunlarını uğurla başa vuracaq 
 
Bu  gün  Azərbaycan  bu  beynəlxalq  idman  tədbirini  yüksək  səviyyədə  keçirmək  əzmindədir.  Beynəlxalq 
yarışın  keçirilməsi  istiqamətində  ölkəmizdə  ciddi  işlər  görülür.  Əlbəttə,  digər  qitə  oyunlarından  fərqli  olaraq, 
Avropa Oyunları heç vaxt keçirilməyib və belə oyunların Azərbaycanda keçirilməsi Bakı üçün məsuliyyətdir. 
Təbii  ki,  Bakı  olduqca  gözəl  ilk  Avropa  Oyunlarının  təşkilində  tarixə  imza  atacaq.  Qeyd  edək  ki,  ilk  Avropa 
Oyunları  Bakıda  21  idman  obyektində  keçiriləcək.  Bu  məqsədlə  yeni  arenalar  inşa  edilir,  mövcud  qurğular 
yenilənərək  hazır  vəziyyətə  gətirilir.  Açılış  mərasiminin  baş  tutacağı  68  min  nəfərlik  Bakı  Olimpiya 
Stadionundan əlavə, Bakıda 7300 nəfərlik Olimpiya Şəhərciyi də oyunlara hazırlanır. 2015-ci il iyunun 12-dən 
28-dək  keçiriləcək  ilk  Avropa  Oyunlarında  49  ölkədən  6000-dən  artıq  idmançı  20  idman  növündə  mübarizə 
aparacaq. 
Olimpiya  Oyunlarından  daha  böyük  olan  Avropa  Oyunlarına  hazırlıq  üçün  Azərbaycana  iki  il  yarım  vaxt 
verilsə də iyirmi idman növü üzrə yarışacaq 6 mindən artıq atletin gəlməsini gözləyən Azərbaycan ciddi-cəhdlə 
işləri  sürətləndirib.  Avropa  Olimpiya  Komitəsinin  prezidenti  Patrik  Hikkinin  sözlərinə  görə,  Olimpiya 
Oyunlarının keçirilməsi məqsədilə şəhərə yeddi il müddət verilsə də "Bakı-2015" yarışması Azərbaycana üçün 
cəmi 30 ay vaxt verildi. Onun sözlərinə görə, ilk Avropa Oyunları yaddaqalan tədbir olacaq və  Bakıda olduqca 
gözəl  ilk  Avropa  Oyunları  keçiriləcək:  "Azərbaycan  qədim  tarixə  malik,  yüksək  templə  inkişaf  edən,  zəngin 
təbii sərvətləri olan, onları lazımi şəkildə idarə edən ölkədir. Azərbaycan cəmi 23 il ərzində görünməmiş tərəqqi 
əldə  edib.  Avropa  Olimpiya  ailəsinin  bir  hissəsi  olmaq  bu  inkişafın  sürətləndirilməsinə  zəmin  yaradıb.  Zati-
aliləri  Prezident  İlham  Əliyevin  mövqeyi  və  uzaqgörənliyi,  xüsusən  də  Onun  Azərbaycan  Milli  Olimpiya 
Komitəsinin rəhbəri kimi oynadığı rol sayəsində dünyanın bu guşəsində inkişaf təmin edilib". 
Bu  gün  paytaxtımız  hazırlıq  işinin  son  mərhələsini  yaşayır.  Azərbaycan  Prezident  Cənab  İlham  Əliyevin 
Davosda  "Bakı-2015"  ilk  Avropa  Oyunlarının  təqdimat  mərasimindəki  çıxışında  vurğulayıb  ki,  ölkəmizdə 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
188 
 
müasir  idman  infrastrukturunun  yaradılması  sahəsində  çoxlu  işlər  aparılıb.  Hazırda  Xəzər  dənizinin  sahilində 
Bakı  İdman  Şəhərciyi  yaradırlır:  "Nəqliyyat  infrastrukturumuzu  yeniləşdiririk.  Bu,  əlbəttə,  regionda  ən  yaxşı 
şəbəkələrdən  biri  olacaq.  Bakıda  yeni  mehmanxanalar  açılır.  Eyni  zamanda,  Xəzərin  sahilində  uzunluğu  16 
kilometr olan yeni gəzinti zonası yaradılır. Bu, qonaqlar, idmançılar və turistlər üçün gözəl məkan olacaq". Bu 
ifadələr  Azərbaycan  reallıqlarına  söykənir.  Ölkəmizdə  ictimai-  siyasi  sabitliyin  hökm  sürməsi  inkişafın 
sürətlənməsinə  səbəbdir.  Bu  gün  Azərbaycan  nəinki  regionda,  dünya  miqyasında  seçilən  ölkələrdən  birinə 
çevrilib.  İki  il  ərzində  2015-ci  ildə  Avropa  Oyunlarının,  2017-ci  ildə  isə  İslam  Həmrəyliyi  Oyunlarının 
Azərbaycanda keçirilməsi Azərbaycanın bugünkü reallığını əks etdirir və ölkə mənzərəsindən qaynaqlanır.  
 
Azərbaycanı parlaq idman gələcəyinə aparan yol 
 
İdmanın Azərbaycan cəmiyyətində xüsusi yer tutduğundan "Bakı-2015" idman tarixində yeni maraqlı səhifə 
olacaq. "Bakı-2015" Oyunları Azərbaycanı parlaq idman gələcəyinə aparan yoldur. Bu, həmçinin Avropa üçün 
dörd ildən sonra növbəti oyunlara bələdçi hadisədir və Avropa Oyunları konsepsiyasının ən gözəl nümunəsi ola 
bilər. Heç şübhəsiz ki, 2019-cu ildəki oyunlar Bakıdakı bu yarışmanın tam təkrarı olmayacaq. Belə ki, Bakıda 
ən yaxşı praktiki modellər hazırlanıb. 
Görülən işlər, həyata keçirilən tədbirlər Azərbaycanın düzgün inkişaf yolu tutduğunu sübut edir. İlk Avropa 
Oyunlarının  Bakıda  keçirilməsi  təkcə  Azərbaycan  üçün  deyil,  bütün  Cənubi  Qafqaz  regionu  üçün  mühüm 
hadisədir.  Həm  də  Azərbaycan  üçün  böyük  sınaqdır.  Azərbaycan  təkcə  Avropaya  deyil,  bütün  dünyaya  nəyə 
qadir olduğunu bir daha nümayiş etdirəcək. 
 
 “Səs”.-2015.-31 yanvar.-№ 19.-S.11. 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
189 
 
 
"İlk Avropa Olimpiya Oyunlarina hazırlıq işləri yüksək templə davam etdirilir" 
 
Tahir Abbaslı 
 
Asif Əsgərov: "Dövlət Proqramının uğurla həyata keçirilməsi üçün rayonda bütün qüvvələr səfərbər olunub" 
 
Paytaxtın  mərkəzi  rayonu  olan  Səbail  rayonunda  2014-cü  ildə  sosial-iqtisadi inkişaf  istiqamətində  görülən 
işlərə yekun vurulub və 2015-ci-ci il üçün qarşıda duran vəzifələr müzakirə olunub. 
Hesabat yığıncağında məruzə ilə çıxış edən Səbail rayon İcra Hakimiyyətinin Başçısı Asif Əsgərov ötən il 
Azərbaycan  Respublikasının  Prezidenti  cənab  İlham  Əliyevin  rəhbərliyi  altında  respublikanın  sosial-iqtisadi 
inkişafı sahəsində əldə olunan nailiyyətlər barədə məlumat verib, 2014-cü il ərzində rayonda görülən işləri təhlil 
edərək,  həlli  vacib  problemlərin  aradan  qaldırılması  yollarından  danışıb.  Qeyd  olunub  ki,  2014-cü  ildə  Səbail 
rayonunda  nəzərə  çarpacaq  müsbət  dəyişikliklər  baş  verib,  ilin  yekunlarına  görə  sənaye  müəssisələri  üzrə  20 
milyard  617,4  milyon  manatlıq  və  ya  əvvəlki  ilin  müvafiq  dövründə  olduğundan  0,3  %  çox  məhsul  istehsal 
edilib, nəqliyyat sektorunda fəaliyyət göstərən müəssisələr tərəfindən 514,3 milyon manatlıq və ya əvvəlki ilin 
müvafiq dövrünə nisbətən 1,3 % çox nəqliyyat xidmətləri göstərilib. 2014-cü ildə rayondakı rabitə müəssisələri 
tərəfindən  206,9  milyon  manatlıq  və  ya  əvvəlki  ilə  nisbətən  1,4  %  çox  rabitə  xidmətləri  göstərilib.  İl  ərzində 
bütün maliyyə mənbələri hesabına əsas kapitala investisiya 5 milyard 642,3 milyon manat olub ki, bu da əvvəlki 
ilin müvafiq dövrü ilə müqayisədə 19,8 % soxdur. Tikinti quraşdırma işlərinə yönəldilən investisiyanın həcmi 
3.272.8 milyon manat olub.  
Əvvəlki  ilin  müvafiq  dövrü  ilə  müqayisədə  tikinti  quraşdırma  işləri  63.3  %  çoxdur.  2003-cü  ilin 
oktyabrından 2015-cü ilin yanvarın 1-dək rayonda 44163 yeni iş yeri açılıb Keçən il ərzində rayonun pərakəndə 
ticarət şəbəkəsindən əhaliyə 294.5 milyon manat məbləğində və ya ötən ilin eyni dövründən 20,3 % çox istehlak 
malları  satılıb,  105.1  milyon  manatlıq  və  ya  əvvəlki  ilin  eyni  dövrünə  nisbətən  28.9  %  çox  iaşə  xidmətləri 
göstərilib. 2014-cü ildə Səbail rayonunda çalışan işçilərin sayı 112.140 nəfər, orta aylıq əmək haqqının məbləği 
isə  974,0  manat  olub  ki,  bu  da  əvvəlki  illə  müqayisədə  3,0  %  çoxdur.  2014-cü  ildə  rayonda  hamısı  daimi 
olmaqla 1837 yeni iş yeri açılıb. Ümumiyyətlə isə 2003-cü ilin oktyabrından 2015-cü ilin yanvar ayının 1-dək 
rayonda  44163  yeni  iş  yeri  açılıb  ki,  onların  da  43295-i  daimidir.  2014-cü  ildə  Azərbaycan  Respublikası 
Prezidenti cənab İlham Əliyevin iştirakı ilə Səbail rayonunda yeni inşa olunan Azərbaycan Xalça Muzeyi, Bakı 
Oksford  məktəbinin  yeni  binası,  Dənizkənarı  Milli  Parkın  yeni  bulvar  hissəsində  müasir  attraksion-panoramı, 
Şirvanşahlar  Sarayı  Kompleksində  yeni  yaradılan  muzey  ekspozisiyası  istifadəyə  verilib.  Rayonda  aparılan 
abadlıq-quruculuq işlərində Heydər Əliyev Fondunun, onun Prezidenti, Azərbaycanın birinci xanımı Mehriban 
Əliyevanın  da  əməyi  xüsusi  qeyd  olunmalıdır.  Ötən  il  Heydər  Əliyev  Fondunun  təşəbbüsü  ilə  Badamdar 
qəsəbəsində yerləşən "Könül" körpələr evi-uşaq bağçası əsaslı təmir olunaraq yenidən qurulub, bağça üçün 90 
yerlik yeni əlavə korpus tikilib, Fond tərəfindən bağça bütün lazımi avadanlıq və ləvazimatlarla təmin olunub. 
"2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"nda 
Səbail  rayonu  ilə  bağlı  daxil  edilən  24  bənd  üzrə  tədbirlərin  həyata  keçirilməsi  üçün  rayonda  bütün  qüvvələr 
səfərbər olunub, bu istiqamətdə müvafiq işlər aparılır.  
Qeyd  olunanlarla  yanaşı,  keçən  il  rayonda  müvafiq  Dövlət  Proqramının  icrası  ilə  bağlı  109  saylı  35 
kilovoltluq yeni yarımstansiyanın tikintisi başa çataraq qurğu şəbəkəyə qoşulub, Bibiheybət Mədəniyyət evi və 
qəsəbə  kitabxanası,  2  saylı  şəhər  poliklinikası  və  "Turac"  uşaq  bağçası  əsaslı  təmir  olunub.  Badamdar 
qəsəbəsində  yeni  su  anbarlarının,  iki  mərtəbəli  yeni  İdman  Kompleksinin  və  otel  binasının  tikintisi  davam 
etdirilir. Su İdmanı Sarayı yaxınlığında, Bibiheybət yolunun başlanğıcında hərəkətin intensivliyi nəzərə alınaraq 
yeni yeraltı keçid inşa olunur, sarayın  ətrafı abadlaşdırılır. Badamdar qəsəbəsində Sahib İbrahimxəlilov, Əziz 
Nəzərov və Gənclər küçələrindəki 168 ailənin yaşadığı 4 yaşayış binalarının fasadları və həyətləri təmir olunub, 
Sahib  İbrahimxəlilov  küçəsi  1  ünvanında  yerləşən  binanın  fasadına  vaxtı  ilə  bu  binada  yaşamış  şəhid  Sahib 
İbrahimxəlilovun  yeni  dizaynla  işlənilmiş  xatirə  lövhəsi  quraşdırılıb.  Badamdar  şosesində  2,2  km  məsafədə 
yolun  3  metrəyədək  genişləndirilməsi,  təmiri  və  asfaltlaşdırılması  ilə  bağlı  işlər,  həmçinin  burada  yerləşən 
obyektlərin  fasadında  və  istinad  divarında  təmir-bərpa  işləri  davam  etdirilir.  İlk  Avropa  Olimpiya  Oyunlarına 
hazırlıq  işləri  yüksək  templə  davam  etdirilir  Hazırda  rayonda  Su  İdmanı  sarayının,  "Alov  qüllələri" 
kompleksinin, Bakı bulvarının qərb hissəsində, ilkin olaraq "Xəzər Waterfront" layihəsi adlandırılan möhtəşəm 
istirahət-əyləncə,  alış-veriş  mərkəzinin,  yeni  "İnterkontinental"  və  5  mərtəbəli  "İnturist"  mehmanxanalarının, 
Səbail  rayon  Prokurorluğu  və  9  saylı  Xəzinədarlıq  İdarəsi  üçün  yeni  binaların,  Ali  neft  məktəbi  üçün  yeni 
idman, yataqxana komplekslərinin və kütləvi informasiya vasitələri işçiləri üçün 17 mərtəbəli, 255 mənzilli yeni 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
190 
 
binanın, Badamdar qəsəbəsində yeni Xəstəxana binasının, Müasir Avropa Məktəbinin, ölkədə keçiriləcək yerli 
və  Beynəlxalq  tədbirlərin  yüksək  səviyyədə  işıqlandırılmasını  həyata  keçiriləcək  Bakı  Media  Mərkəzinin 
tikintisi,  Neftçilər  prospektində  İdman  Oyunları  Sarayının  əsaslı  təmiri  davam  edir.  2015-ci  ildə  Bakıda 
keçiriləcək ilk Avropa Olimpiya Oyunlarına hazırlıq işləri çərçivəsində Su İdmanı Sarayının ətrafında mövcud 
fərdi  yaşayış  evləri,  qeyri-yaşayış  və  digər  tikililərin  sahiblərinə  müvafiq  kompensasiyaların  ödənilərək 
köçürülməsi  işləri  aparılıb,  Bayıl  dairəsi  ərazisində  abadlıq  işləri  görülüb,  yeni  yeraltı  keçid  inşa  olunub, 
dairənin mərkəz hissəsində müasir istirahət bağı, yeni yaşıllıqlar salınıb. Dövlət başçısının tapşırıqlarına əsasən 
Dənizkənarı Milli Bulvarın Bayraq Meydanı istiqamətində genişləndirilməsi və burada yeni istirahət guşələrinin 
yaradılması işləri davam etdirilib. Su İdmanı Sarayı yaxınlığında, Bibiheybət yolunun başlanğıcında hərəkətin 
intensivliyi nəzərə alınaraq yeni yeraltı keçid inşa olunur, sarayın ətrafı abadlaşdırılır. Bibiheybət qəsəbəsindən 
Lökbatan dairəsinə kimi ərazidə, Salyan yolu boyunca yol kənarlarının abadlaşdırılması, burada yeni landşaftın 
yaradılması  işləri  aparılıb.  İşlər  çərçivəsində  yol  boyunca  bir  neçə  yerdə  dekorativ  rəngli  daşlardan  mozaika 
kompozisiyaları  yaradılıb,  8  min  kvadrat  metr  sahəyə  yeni  yaşıl  qazon  salınıb,  10  min  yeni  ağac,  1000  ədəd 
dekorativ  ağac,  50  min  gül  kolu  əkilib,  yaşıllıqlara  qulluq  göstərilməsi,  onların  gündəlik  suvarılması  üçün 
müvafiq tədbirlər görülüb.  
Gül  kollarından  gözəl  kompozisiyalar  həmçinin  şəhərin  mərkəzində  Üz.  Hacıbəyov  küçəsi,  Parlament 
prospekti, ərazidəki park və istirahət bağlarında da yaradılıb. Ümumilikdə isə il ərzində rayon ərazisində 16100 
ədəd  yeni  ağac,  75000  ədəd  gül  kolu  əkilib,  21000  kvadrat  metr  sahəyə  qazon otu salınıb.  Bakı  dünyanın  ən 
gözəl  şəhərlərindən  birinə  çevrilir  Prezident  İlham  Əliyevin  tapşırıqlarına  əsasən  rayon  ərazisindəki  tarixi 
əhəmiyyətli  binaların  bərpası  və  qorunması  istiqamətində  mühüm  addımlar  atılır.  Bu  istiqamətdə  şəhərin 
mərkəzi və Bayıl yaşayış ərazisində yerləşən çoxmərtəbəli yaşayış binalarının fasadlarının təmiri və üzlənməsi 
işləri  davam  etdirilib.  Keçən  il  Qurban  Abbasov,  Fikrət  Əmirov,  Üz.  Hacıbəyov  küçələrində,  Neftçilər 
prospektindəki bir sıra binaların fasadlarının üzlənməsi başa çatdırılıb, hazırda Zərifə Əliyeva, Adil İsgəndərov 
küçələri,  Bülbül,  Neftçilər  və  Mətbuat  prospektlərindəki  binaların  və  Bibiheybət  yolu  1  ünvanındakı  yaşayış 
kompleksinin üzlənməsi davam edir. Odur ki, son illərdə xaricdən Bakıya gələn qonaqların hamısı Şərq və Qərb 
koloritinin,  qədimliklə  müasirliyin  nadir  formada  əks  olunduğu  bu  şəhərin  gözəlliklərinə  heyranlıqlarını 
gizlətmirlər.  Onlar  vurğulayırlar  ki,  Bakıda  həyata  keçirilən  böyük  tikinti-quruculuq  işləri  Azərbaycan 
paytaxtını  dünyanın  ən  gözəl  şəhərlərindən  birinə  çevirib.  İl  ərzində  rayonun  mərkəz  hissəsində  səkilərə 
dekorativ daş döşənib, magistral, məhəllədaxili və qəsəbədaxili küçə və yollarının təmir-asfaltlaşdırılması işləri 
aparılıb. Rayonun məzunlardan 124 nəfər xarici ölkələrin müxtəlif ali məktəblərinə qəbul olunub 2013-2014-cü 
təhsil ilinin yekununa görə Səbail rayonu üzrə 7 məzun qızıl və 2 məzun gümüş medala layiq görülüb. Son 4 
ildə isə rayonun məzunları ümumilikdə 43 qızıl və 3 gümüş medala layiq görülüblər. 2013-2014-cü tədris ilində 
rayonun  orta  məktəblərini  1355  nəfər  bitirib,  onlardan  1190  nəfəri  ali  məktəblərə  qəbul  olunmaq  üçün  sənəd 
verib. Abituriyentlərin 901 nəfəri tələbə adını qazanıb. Qəbul imtahanlarında abituriyentlərdən 124 nəfəri 500-
dən  yuxarı,  37  nəfəri  600-dən,  9  nəfəri  isə  650-dən  çox  bal  toplayıb.  Məzunlardan  124  nəfər  xarici  ölkələrin 
müxtəlif ali məktəblərinə qəbul olunub. Ali məktəblərə qəbul olunan 2 nəfər məzun Prezident təqaüdünə layiq 
görülüb.  
Azərbaycan  Respublikası  Prezidentinin  8  oktyabr  2014-cü  il  tarixli  sərəncamı  ilə  Bülbül  adına  orta-ixtisas 
musiqi  məktəbinin  şagirdləri  -  İbrahimova  Aytən  Ümid  qızı  və  Zeynalova  Leyla  Samir  qızının  adları  musiqi 
sahəsində  xüsusi  istedadı  olan  gənc  kimi  Azərbaycanın  gənc  istedadlarının  "Qızıl  kitabı"na  yazılıb  və  onlar 
xüsusi  aylıq  təqaüdə  layiq  görülüblər.  Azərbaycan  Respublikası  Prezidentinin  17  dekabr  2014-cü  il  tarixli 
sərəncamı  ilə  6 saylı  orta məktəbin  müəllimi  Sona  İbrahim  qızı  Musayeva  və  160  saylı  Klassik  gimnaziyanın 
müəllimi Rubiynə Elton qızı Qasımova 2013-/2014-cü tədris ilində keçirilən "Ən yaxşı müəllim" müsabiqəsinin 
qalibləri  sırasinda  olublar.  Müsabiqənin  keçirildiyi  7  il  ərzində  Səbail  rayon  məktəblərində  çalışan 
müəllimlərdən  54  nəfər  "Ən  yaxşı  müəllim"  müsabiqəsinin  qalibləri  sırasında  olublar.  Beynəlxalq  Müəllim 
günü  ərəfəsində  ölkə  Başçısının  fərmanına  əsasən  Səbail  rayonu  təhsil  işçilərindən  3  nəfəri  -  "Əməkdar 
müəllim"  Fəxri  adına,  4  nəfər  isə  "Tərəqqi"  medalına  layiq  görülüblər.  2014-cü  il  ərzində  Səbail  rayon  icra 
hakimiyyəti  tərəfindən  keçirilən  tədbirlər  və  təşkil  olunan  görüşlər  zamanı  hədiyyə  ilə  təltif  olunanların, 
müxtəlif  yardım,  ərzaq  bağlamaları  alanların  sayı  19947  olub.  Səbail  rayonunda  2814  nəfər  müxtəlif  sosial 
müavinət  alır  Keçən  il  rayonun  beynəlxalq  əlaqələrinin  möhkəmləndirilməsi  istiqamətində  də  bir  sıra  işlər 
görülüb, ABŞ-ın Nyu-York şəhərinin Bruklik inzibati rayonu və Yaponiyanın paytaxtı Tokio şəhərinin Mequro 
rayonu ilə dostluq və əməkdaşlıq haqqında protokol imzalanıb. İl ərzində həyata keçirilən işlərlə yanaşı Səbail 
rayon  İcra  Hakimiyyəti  tərəfindən  bir  sıra  maraqlı  və  yaddaqalan  tədbirlər  təşkil  edilib.  İl  ərzində  rayon 
Kommunal  Təsərrüfatı  Birliyi  tərəfindən  rayonun  abadlaşdırılması,  balansda  olan  bina  və  tikililərə  xidmət 
göstərilməsi  istiqamətində  xeyli  iş  görülüb,  yeni  qaz  xətləri  çəkilib,  yarımstansiyalar,  transformatorlar 
quraşdırılıb,  sayğaclaşma  aparılıb,  bununla  da  rayon  sakinlərinin  elektrik  enerjisi  və  təbii  qazla  təminatında 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
191 
 
müsbət  dəyişikliklər  baş  verib.  Ötən  il  ərzində  Səbail  rayon  Əhalinin  Sosial  Müdafiəsi  Mərkəzinə  -  Ünvanlı 
Sosial  Yardım  almaq  üçün  302  ailə  (1164  ailə  üzvü)  müraciət  edib,  orta  hesabla  hər  bir  ailəyə  132,0  manat 
sosial  yardım  təyin  olunub.  Ümumilikdə,  Səbail  rayonunda  müxtəlif  növ  və  kateqoriyalar  üzrə  2814  nəfər 
müxtəlif sosial müavinət alır. Dövlət Sosial Müdafiə Fondu Səbail rayon şöbəsi tərəfindən ötən il ərzində 3187 
nəfər  təqaüdçülərə  39.741,6  min  manat  təqaüd  və  müavinət  ödənilib.  Səbail  rayon  Məşğulluq  Mərkəzi 
tərəfindən  938  nəfər  iş  axtaran  işə  təmin  olunub,  il  ərzində  Mərkəzdə  140  nəfər  vətəndaş  üçün  "Kompyuter 
istifadəçisi",  "Kompyuter-dizayner",  "İngilis  dili",  "Xalçaçı",  "Kompyuter  mühasibliyi",  "Aşbaz  köməkçisi", 
"Qazanxana  maşinisti"  və  "Dərzi"  peşə  kursları  açılıb.  "Əmək  yarmarkaları"nda  42  nəfər  daimi  işlə  təmin 
olunub.  Səbail  rayon  Gigiyena  və  Epidemiologiya  Mərkəzi  tərəfindən  aparılan  sanitar-gigiyenik  əks  epidemik 
tədbirlər nəticəsində bir sıra xəstəliklər qeydə alınmayıb, bir sıra xəstəliklərin isə sayı azalıb. Bələdiyyə seçkiləri 
yüksək  səviyyədə  keçirilib  2014-cü  ildə  ölkəmizdə  mühüm  siyasi  tədbir  olan  Bələdiyyə  seçkiləri  keçirilib. 
Mühüm siyasi tədbirlə əlaqədar Səbail rayon İcra Hakimiyyəti tərəfindən 29 saylı Səbail və 23 saylı Nəsimi-
Səbail  Seçki  Dairələri  üzrə  nəzərdə  tutulan  əsas  təşkilati  və  hazırlıq  tədbirləri  görülüb.  Rayonda  yaradılan  42 
Məntəqə  seçki  komissiyaları  texniki  təchizat  baxımından  seçkilərin  keçirilməsinə  tam  hazır  olublar.  Məntəqə 
seçki komissiyalarının əksəriyyətinin yerləşdiyi binalarda təmir işləri aparılıb, onların hamısı lazımi avadanlıq 
və  materiallar,  rabitə  vasitələri  ilə  təmin  olunub.  Rayonda  seçkiqabağı  hazırlıq  işləri  yüksək  səviyyədə  təşkil 
olunub,  3  Bələdiyyə  üzrə  qeydə  alınan  müxtəlif  siyasi  partiya,  ictimai  birlik  və  bitərəfləri  təmsil  edən  116 
namizəd  arasından  Səbail Bələdiyyəsinə  17,  Badamdar  Bələdiyyəsinə  15  və  Bibiheybət  Bələdiyyəsinə  9 nəfər 
üzv seçilib. Noyabr ayında "Aşura" mərasimi zamanı İçəri şəhər "Cümə" məscidində və Bibiheybət məscidində 
müxtəlif  irsi  xəstəlikdən  əziyyət  çəkən  vətəndaşların  ehtiyacları  üçün  qanvermə  aksiyası  təşkil  olunaraq, 
ümumilikdə 419 nəfər könüllü qan verib, RİH-nin dəstəyi ilə 4 nəfər həcc ziyarətinə göndərilib. Ağır və xüsusi 
ilə  ağır  cinayətlərin  sayı  azalıb  Səbail  rayon  Polis  İdarəsinin  rəisi,  polis  polkovniki  İlqar  Mahmudov  öz 
çıxışında qeyd edib ki, 2014-cü il ərzində Səbail rayon Polis İdarəsinin şəxsi heyəti tərəfindən rayon ərazisində 
663 cinayət hadisəsi qeydə alınıb, onlardan 488-nin və ya 78,6%-nin açılması təmin edilib. Ağır və xüsusi ilə 
ağır cinayətlərin sayı keçən illə müqayisədə 111-dən 99-ədək və ya 12 fakt azalıb, onların 50-nin və ya 58,8%-
nin açılması təmin edilib.  
Qeyri aşkar şəraitdə baş verən cinayətlər 277-dən 312-ədək artıb, onlardan 191-nin və ya 62,4%-nin açılması 
təmin  edilib.  Şəxsiyyət  əleyhinə  olan  cinayətlər  94-dən  78-ədək  və  ya  16  fakt  azalıb,  onların  72-nin  və  ya 
92,3%-nin açılması təmin edilib. Mülkiyyət əleyhinə ümumilikdə baş vermiş cinayətlər 266-dan 357-ədək və ya 
91 fakt artıb, onların 238-nin və ya 70,0%-nin açılması təmin edilib. Baş vermiş oğurluq cinayətləri 137-dən 
168-ədək  və  ya  31  fakt  artıb,  onların  92-nin  və  ya  54,8%-nin  açılması  təmin  edilib.  Hesabat  dövründə  xarici 
ölkə  vətəndaşları  tərəfindən  11,  onlara  qarşı  isə  16  cinayət  hadisəsi  baş  verib.  Xarici  vətəndaşlara  qarşı  baş 
vermiş  16  cinayət  hadisədən  14-nün  və  ya  87,5%-nin  açılması  təmin  edilib.  Aparılan  tədbirlər  nəticəsində 
hesabat dövründə qeydiyyatda olan 87 cinayətkardan 59-nun və ya 67,8%-nin, o cümlədən oğurluğa görə 21-
dən  18-nin,  dələduzluğa  görə  30-dan  18-nin,  xuliqanlığa  görə 8-dən  5-nin,  quldurluğa  görə  2-dən  1-nin,  hərbi 
cinayətlərə  görə  3-dən  1-nin  və  digər  cinayətlərə  görə  23-dən  11-nin  tutulması  təmin  edilib.  Eyni  zamanda 
keçmiş  illərdən  axtarışda  olan  28  nəfərdən  8-i  və  ya  28,5%-i  tutularaq  istintaqa  təhvil  verilib.  Xəbərsiz  itkin 
düşənlərin  tapılması  sahəsində  də  müəyyən  işlər  görülüb  və  xəbərsiz  itkin  düşmüş  16  nəfərdən  11-i  və  ya 
68,5%-i tapılaraq qohumlarına və yaxınlarına təhvil verilib. Hesabat dövründə narkotiklərlə mübarizə sahəsində 
rayon  ərazisində  ümumilikdə  aşkar  olunan  faktların  sayı  keçən  ilin  müvafiq  dövrü  ilə  müqayisədə  78-dən 93-
ədək artıb. Aşkar edilən faktlardan 22-i satış, qalanları isə narkotik vasitələrin qanunsuz saxlanılması və qəbul 
edilməsi  ilə  əlaqədar  olub.  Aşkar  edilən  faktlar  üzrə  9  kq  766  qram  narkotik  maddə  götürülərək  qanunsuz 
dövriyyədən  çıxarılıb,  keçən  illə  müqayisədə  qanunsuz  dövriyyədən  çıxarılan  narkotik  vasitələrin  ümumi 
miqdarı  3  kq  352  qram  artıb.  İl  ərzində  aparılan  tədbirlər  nəticəsində  1  ədəd  pnevmatik  tapança,  2  ədəd  əl 
qumbarası aşkar edilib götürülüb. İstintaqı tamamlanmış cinayət işləri üzrə vurulan maddi ziyanın məbləğinin 
957 min 411 manat olması müəyyən edilib və bundan 644 min 636 manatı, və ya 67,3%-i ödətdirilib. Hesabat 
dövründə polis sahə rəisləri və polis sahə inspektorları tərəfindən 3110 inzibati protokol tərtib edilib, protokollar 
üzrə  ümumilikdə  dövlət  büdcəsinə  69  min  777  manat  cərimə  ödətdirilib.  Hesabat  dövründə  yetkinlik  yaşına 
çatmayanlarla profilaktiki işinin təşkili bölməsi tərəfindən də müəyyən işlər görülüb. İl ərzində rayon ərazisində 
4 azyaşlı tərəfindən cinayət hadisəsi törədilib (onlardan yalnız 1-i Səbail rayon sakinidir).  
Rayon  Polis  İdarəsinin  icraatında  14  profilaktik  iş  var,  onlardan  2-i  uğursuz  ailə  barəsindədir.  Dövlət  yol 
polisi  şöbəsinin  əməkdaşları  tərəfindən  keçən  il  inzibati  təcrübə  üzrə  128  min  988  işə  baxılıb  və  23  min  18 
sürücü  cərimə  olunaraq  dövlət  büdcəsinə  662  min  710  manat  cərimə  ödətdirilib.  Qaçqın  və  məcburi  köçkün 
soydaşlarımızın  problemləri  də  daim  RİH-nin  diqqət  mərkəzində  olub  Rayon  ərazisində  qeydiyyatdan  keçən 
qaçqın  və  məcburi  köçkün  soydaşlarımızın  rastlaşdığı  problemlərin  həlli  də  daim  RİH-nin  diqqət  mərkəzində 
olub.  Hesabat  məruzəsi  ətrafında  çıxış  edənlər  əldə  olunan  uğurlardan,  mövcud  problemlər  və  onların  aradan 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
192 
 
qaldırılması  yollarından  danışıb,  rayon  İcra  Hakimiyyətinin  ötən  ildəki  fəaliyyəti  qənaətbəxş  qiymətləndirib. 
Yığıncağın  sonunda  iştirakçılar  adından  ölkə  başçısı  cənab  İlham  Əliyevə  müraciət  qəbul  olunub.  Bu  il 
yubileyləri  keçiriləcək  bir  qrup  ziyalıya  və  2014-cü  ildə  müxtəlif  müsabiqə  və  yarışlarda  iştirak  edib,  yüksək 
nəticələr  əldə  etmiş  20  nəfər  orta  məktəb  şagirdinə  rayon  İcra  Hakimiyyəti  tərəfindən  qiymətli  hədiyyələr 
təqdim  olunub.  Yığıncaqda  Azərbaycan  Respublikası  Prezidentinin  Administrasiyasının  məsul  işçisi  Tağı 
Tağıyev, Milli Məclisin deputatları Ziyad Səmədzadə, Fuad Muradov, Dövlət Bayrağı Meydanı Kompleksinin 
rəisi Rəşad Məmmədov iştirak ediblər.