M.İSMİxanov, H. Bayramov, S. VƏLİyeva
Yüklə 1,67 Mb. Pdf görüntüsü
|
|
Təlimin funksiyaları. Təlim üç başlıca funksiyanı (la-
tınca functio – “icra”, “fəaliyyət” deməkdir) yerinə yetirir: təh- silverici, tərbiyəedici və inkişafetdirici funksiyalar. Təhsilverici funksiya – tələbələrə sistemli elmi biliklər, bacarıq və vərdişlər aşılamaqda ifadə olunur. Mükəmməl elmi biliklərə yiyələn- məklə tələbələr gələcək mütəxəssis kimi seçdikləri peşə-ixtisas sahəsinə nəzəri baxımdan daha yaxşı hazırlaşmaq imkanı qaza- nırlar. 73 Təlimin tərbiyəedici funksiyası təlim prosesindən həm də tərbiyə məqsədi ilə istifadə etməyi nəzərdə tutur. Ali məktəbdə təlimin, tədris olunan fənlərin imkanlarından istifadə edərək tə- ləbələrdə ideya-mənəvi baxışlar, əxlaqi-estetik hisslər, müsbət keyfiyyətlər (vətənpərvərlik, humanizm, mənəvi saflıq, əmək- sevərlik, milli – mənəvi dəyərlərə hörmət, milli iftixar, milli qeyrət, intizamlılıq, düzlük, doğruçuluq və s.) formalaşdırmaq lazımdır. Tərbiyə funksiyası həm təlimin məzmunu ilə, həm də təşkili metodları, müəllimin şəxsi nümunəsi və ünsiyyət vasi- təsilə həyata keçirilir. Təlimin inkişafetdirici funksiyası təlim prosesində tələ- bələrin zehni qüvvələrini, qabiliyyətlərini, psixi proseslərini (diqqət, nitq, təfəkkür, hafizə, təxəyyül və s) inkişaf etdirməkdə ifadə olunur. Təlim özlüyündə psixi proseslərin inkişafını təmin etmir; bunun üçün təlimi xüsusi istiqamətləndirmək lazımdır. Müəllim təlim prosesinin imkanlarından (məzmunu, metodları, təşkili formalarından) istifadə edərək, tələbələrin intellektual, psixi, mənəvi, iradi, emosional inkişafı üçün əlverişli şərait ya- ratmalıdır. Təlimin fəal metodlarının köməyi ilə tələbələri prob- lemlərin həllinə cəlb etməklə onlarda müstəqillik və yaradıcılıq, düşünmə bacarığını inkişaf etdirmək mümkündür. Təlim prosesinin göstərilən funksiyaları bir-birindən ay- rılıqda yox, qarşılıqlı əlaqədə, həm də kompleks halında həyata keçirilməlidir. Yalnız bu şərtlə müəllim tələbələrin şəxsiyyət – Vətəndaş və mütəxəssis kimi formalaşmasına, psixi inkişafına kömək göstərə bilər. Yüklə 1,67 Mb. Dostları ilə paylaş:
|