Təbiətdə və texnosferada baş verən hadisə və proseslərin çoxu aprior proqnozlaşdırmaya tabe olmurlar. Belə hallarda tarixi verilənlərin əsasında həyata keçirilən statistik analizdən istifadə olunur. Belə analizin əsasını ehtimal nəzəriyyəsi və riyazi statistika metodları təşkil edir.
Heç bir metod təklikdə proqnozun lazımi dəqiqliyini və doğruluğunu təmin edə bilməz, lakin bir-neçə metodun birlikdə tətbiqi lazımi dərəcədə effektiv ola bilər.
Proqnozlaşdırma metodlarının təsnifatı əhəmiyyətli dərəcədə şərtidir. Onların təsnifatı üçün müxtəlif əlamətlərdən və kriteriyalardan istifadə edilir.
