Qotland adası turizm bölgəsi. Ada İsveç sahillərindən təxminən 100 km aralıda yerləşir. Daxili və xarici turizmin mühüm mərkəzlərindən biridir. Qotland sabit iqlimi, mənzərəli portları və rahat çimərlikləri ilə tanınır. Adanın əsas şəhəri - Visbüddə qorunub saxlanılan orta əsrlərə aid divarlar, çoxlu kilsə qalıqları, şəhərin möhtəşəm keçmişindən xəbər verir. Visbü XI-XIII əsrlərdə Novqorodla Qərbi Avropa şəhərləri arasında su yolunun üzərində olduğu üçün, Baltik dənizində mühüm dəniz ticarəti mərkəzi kimi inkişaf etmişdi.
