Gördüm
İki əbrun arasında,
Altı “qaf”, yeddi “lam” gördüm.
“Lam”ı “qaf”ın mərkəzində,
Otuz cüzvü quran gördüm.
Yüz min xandı, yüz min yavər,
Müntəzirəm açılmaz dər.
Əl əl üstə min peyğəmbər,
Üç yüz altmış ənam gördüm.
196
Sevdim caharıda məsumu,
Haqq bağlasın xilasımı,
Bu yazıq Xəstə Qasımı,
Mən bir kəmtər qulam gördüm.
Kimdi
Ay ağalar, ay qazılar,
Göy çadırda duran kimdi?
Haqqa mizan tərəzini,
Yol isratı quran kimdi?
Məna qılın qul kafəni,
Hardadı dörd mələyin mənanı?
Dəryanın üstə kotanı,
Pələng qoşub sürən kimdi?
Xəstə Qasım bir deyilsən,
Sən insana sir deyilsən.
Hər sirləri bilən deyilsən,
Sirri səndən soran kimdi?
|
