Xix asrning ikkinchi yarimi XX asr boshlarida turkistonda yog’ moy sanoati tarixi

Texnologiyani o’tkazish algoritmi:
1-bosqich. O’qituvchi mashg’ulotni muloqotning mavzusini aniqlashdan boshlaydi. Masalan, «Siz qanday ta’lim tarafdorisiz: Sharq yoki Yevropa?» Shu mavzuni o’rtaga tashlab talaba (yoki o’quvchi)lardan Sharq madaniyati va Yevropa madaniyati tarafdorlarini (kiyinish, muomala qilish, munosabat o’rnatish va h.k.) aniqlab oladi. Ularni shu tartibda guruhlarga ajratadi va ularga tayyorgarlik ko’rishlari uchun sharoit hamda imkoniyatga qarab aniq vaqt belgilaydi.
2-bosqich. Har bir kichik guruhdagi talaba (yoki o’quvchi)lar o’z mavzulari asosida kerakli materiallar (dalillar, misollar, aniq fikrlar, o’z fikrlarini tasdiklovchi ko’rgazmali materiallar, imkoni bo’lsa videofilm, maqolalar, mutafakkir va olimlarning so’zlari va boshqalar)ni tayyorlaydilar. Kichik guruhdan bir kishini himoya uchun tanlaydilar, qolganlar esa o’z fikrlarini qo’shimcha qilishlari mumkin.
3-bosqich. Kichik guruhlar himoyaga tayer bo’lgach, o’qituvchi kichik guruhlarning biriga himoya uchun so’z beradi (himoyaga chiqish ixtiyoriy ravishda bo’lishi mumkin). Kichik guruh vakili jamoa nomidan so’zga chiqib, ularga berilgan mavzu asosida tayyorlangan materiallar va dalillar asosida himoya qilishga kirishadi. Kichik guruh vakili so’zini tugatgach, jamoaning qolgan a’zolari o’z fikrlari bilan qo’shimcha qilishlari mumkin.
4-bosqich. Mashg’ulotning 3-bosqichidagi kabi bu bosqichda ham o’qituvchi navbatdagi guruh vakiliga himoya uchun so’z beradi. Ikkinchi kichik guruh ham birinchi kichik guruh kabi o’z mavzusi bo’yicha himoya qiladi. Himoya tugagach, o’qituvchi mashg’ulotning keyingi bosqichiga o’tadi.
5-bosqich. Kichik guruhlar bir-birlariga savollar berishni boshlaydilar. Kichik guruhlar tomonidan beriladigan savollar, ularning himoyasi vaqtida aytilgan dalillar, misollar, fikrlarni yanada oydinlashtirish maqsadida o’z guruhlarining fikrlarini yanada ta’kidlab, isbotlab, qolganlarni ham shu fikrga qo’shilishlariga da’vat qilish uchun berilishi mumkin. Talaba (yoki o’quvchi)lar erkin holda o’zlarining chiqishlari bilan barchaga ta’sir ko’rsatishga, o’z fikrlarini ma’qullashga harakat qiladilar. O’qituvchi bunday holatga sharoit, imkoniyat yaratgan holda bahs-munozarani samimiylik bilan boshqaradi.
6-bosqich. O’qituvchi har ikkala tomonning savollari, fikrlari, ma’kullaydigan so’zlari tugagach, ular tomonidan aytilgan fikrlarni umumlashtiradi va o’zining bu masala hakidagi fikr va mulohazasini bayon etadi. Kichik guruh ishtirokchilari tomonidan tushgan savollarga kerakli javobni berishga harakat qiladi.
Mashg’ulot oxirida o’qituvchi har ikkala guruhning mashg’ulot jarayonidagi faoliyatlarini tahlil etib, ularga minnatdorchilik bildiradi va mashg’ulotni yakunlaydi.
Ushbu mashg’ulotning davomiyligi sharoitga qarab belgilanadi.