Adventivlik – hər hansı bir növün digər qruplaşmadan və ya
yayıldığı yerdən gəlməsi. Akklimatizasiya – orqanizmlərin inkişafın bütün stadiyalarını və
nəsilvermə qabiliyyətini saxlayaraq yeni və yadəyişdirilmiş həyat
şəraiitinə uyğunlaşması prosesidir.
Biota – biosenozun, assosiasiyanın, həmçinin daha böyük
taksonların bitki və heyvanat aləminin növ məcmusu (flora və fauna).
Biotop – eyni relyef, iqlim və digər abiotik amillərə malik olan su
hövzəsində və ya quruda müəyyən biosenozun məskən saldığı sahə.
Dağ kserofitləri – əsasən kontinental iqlim zonasının quru daşlı
dağ yamaclarının səciyyəvi bitkiləri. Denudasiya - Yer səthində süxurların su, külək, buz və s. ilə
dağılması və yüksək sahələrdən alçaq sahələrə aparılması
proseslərinin məcmusudur. Denudasiyaya aşınma, eroziya, abraziya,
korroziya, deflyasiya kimi proseslər daxildir. Yer səthi relyefinin
dəyişməsində
və
yeni
relyef
formalarının
yaranmasında
denudasiyanın rolu böyükdür. Denudasiya süxurları parçalayıb
dağıdaraq relyefi alçaldır, hamarlayır, dağlıq sahələri denudasion
düzənliklərə (peneplenlərə) çevirir. Denudasiya proseslərinin
intensivliyi denudasiyanın baş verdiyi rayonun tektonik hərəkətlərinin
və iqliminin xüsusiyyətlərindən, süxurların petroqrafik tərkibindən,
torpaq-bitki örtüyünün xüsusiyyətlərindən asılır.
