Tədqiqatın obyektini Azərbaycan dili dialektlərinin materialları təşkil edir. Tədqiqatın predmeti isə Azərbaycan dilinin dialekt leksika- sında ortaq sözlərin(türk dili ilə) fono-leksik təhlilindən ibarətdir. Türk dillərinin dialekt leksikasının onun ədəbi və ümumxalq dili- nə, həmçinin qonşu türk xalqlarının ədəbi dillərinə və onların dialekt- lərinə münasibəti türkologiya elminin öyrənilməmiş sahəsinə aiddir. Bu baxımdan Azərbaycan dili dialektləri ilə türk ədəbi dilinin qarşılaşdırıl- ması türk dillərinin daha dərindən araşdırılması üçün faydalı ola bilər və bundan elmi mənbə kimi istifadə etmək mümkündür. Bu tədqiqat işinin Azərbaycan dilçiliyində, ümumi türkologiyada, habelə müqayisəli, çoxdilli lüğətlərin hazırlanmasında nəzəri və praktik əhəmiyyəti ola bilər. Bu tədqiqatdan həmçinin ali məktəblərin bakalavr və magistr pil- lələrində Azərbaycan dialektologiyası, Azərbaycan dilinin tarixi, Tür- kologiyaya giriş, Türk dillərinin müqayisəli qrammatikası fənlərinin tədrisində vəsait kimi də istifadə etmək olar.
