“Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari”
mavzusidagi respublika ilmiy-amaliy anjumani materiallari to‘plami
105
zaharlashga qaratilgan turli xavf-xatarlar ham kuchayib borayotgan bugungi kunda o‘zining kimligini, qanday
bebaho meros vorislari ekanini teran anglab, ona yurtga muhabbat va sadoqat hissi bilan yashaydigan, imon-
e’tiqodi mustahkam yosh avlodgina muqaddas zaminimizni yot va begona ta’sirlardan, balo-qazolardan
saqlashga, Vatanimizni har tomonlama ravnaq toptirishga qodir bo‘ladi.
Farzandlarimizga shunday tarbiya beraylikki, ular o‘z ajdodlariga, o‘z tarixi, Vatani, ona tiliga, millati,
diniga va an’analariga sodiq bo‘lib kamol topishsin.
* * *
Safoyeva Ra’no,
“Mahalla va oila”
ilmiy-tadqiqot instituti
YOSHLAR TARBIYASIDA OILAVIY BURCH VA MUHITNING O‘RNI
Annotatsiya.
Mazkur maqolada farzandlar tarbiyasida oilaviy burch va yoshlar xulqidagi ma’naviy
muhitning o‘rni.
Tayanch tushunchalar:
oila, oilaviy burch, ma’naviy muhit, ta’lim-tarbiya, axloq, odob.
Аннотация.
В статье рассматривается роль семейных обязанностей и духовной среды в
воспитании молодежи.
Ключевые слова:
семья, семейная обязанность, духовная среда, воспитание, этика
.
Annotation.
The article discusses the role of family responsibilities and the spiritual environment in
the upbringing of young people.
Keywords:
family, family responsibilities, spiritual environment, ethics.
Sharq xalqlarida qadimdan kattalarni hurmat qilish, kichiklarga izzatda bo‘lish, insofli bo‘lish, rostgo‘ylik,
xushmuomalalik, mehmondo‘stlik kishining odob-axloqini ko‘rsatib beruvchi qoidalar sifatida amal qilinib
keladi. Bu axloq qoidalari har bir shaxsda to‘liq namoyon bo‘lgan taqdirdagina u ma’naviy barkamol shaxs
hisoblanadi. Demakki, u jamiyat oldidagi, kishilar oldidagi insoniylik burchini ado etgan hisoblanadi.
Burch muhim axloqiy-ma’naviy qadriyat hisoblanib, har bir shaxsning jamiyat oldidagi fuqarolik, ota-ona
oldidagi farzandlik, xalq, millat oldidagi insonparvarlik, jamoatchilik oldidagi odamiylik vazifalarini bajarish
demakdir.
Burch – ado etilishi majburiy bo‘lgan insoniy vazifalar va insoniylik yuzasidan bajarilishi mumkin
bo‘lgan axloqiy qoidalarni o‘z ichiga qamrab oladi. Ota-onaning farzand oldidagi, jamiyat oldidagi burchi,
farzandning ota-ona oldidagi burchi, insoniyatning o‘tmish merosini asrash va kelgusi avlodlarga еtkazish
burchi, millat oldidagi, kelajak avlod oldidagi burchi, tabiatni asrash burchi, vatan oldidagi burch majburiy
vazifalardir.
Ota-onaning farzand oldidagi burchlari “Qobusnoma”da zikr etilishicha, “...farzandga yaxshi ot qo‘yish,
farzandni yaxshi doyaga topshirish, sunnat qilish, to‘y-tomosha berish, ilm va kasb-hunar o‘rgatishdan
iboratdir”.
Yuqoridagilardan ko‘rinib turibdiki, ota-ona farzand tarbiyasida jamiyat oldida ham javobgardirlar. Har
tomonlama yеtuk farzandni tarbiyalash ota-onaning asosiy, majburiy burchidir.
Ota-onani hurmat va izzat qilish, keksayganda moddiy ta’minlash, ular nasihatiga quloq tutish va uni
so‘zsiz ado etish farzandning ota-ona oldidagi burchi hisoblanadi. Farzand el-yurt oldida ota-ona obro‘si,
qadr-qimmatini ko‘tarishi lozim.
Farzand, ayniqsa, otani hurmat qilishga, topshiriqlarini bekam-u ko‘st bajarishga majbur. Uning ko‘nglini
og‘ritish aslo mumkin emas. Oqil farzand ota qadrini yuksak tutadi. Xalqimiz “Ota qarg‘ishi o‘q” deb bejiz
aytmagan.
|
