Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari

“Zamonaviy oilada, farzand tarbiyasida milliy va umuminsoniy qadriyatlarni shakllantirish masalalari”
mavzusidagi respublika ilmiy-amaliy anjumani materiallari to‘plami
186
• 
Oilada bolalarga huquqiy tarbiya va odob-axloqning boshlang‘ich qoidalarini o‘rgatish bo‘yicha 
ota-onalar uchun uslubiy tavsiyalar ishlab chiqish va tarqatish.
• 
Oila davrasida huquqiy savodxonlikni oshirishga mo‘ljallangan, har bir elementar huquqiy bilimlarni 
o‘rgatishga qaratilgan va kundalik hayotdagi muhim masalalar yuzasidan huquqiy qo‘llanma tayyorlash va 
tarqatish.
• 
Bolalar uchun huquqiy mavzularda va odob-axloqning oddiy va kundalik qoidalarini bilishni, 
vatanparvarlik, qonunlarni hurmat qilish, o‘zbek xalqining tarixi va milliy qadriyatlarini o‘rgatishni targ‘ib 
qiluvchi turli multiplikatsion filmlarni yaratish.
• 
Bolalar uchun huquqiy axborotni yetkazishga hamda kundalik turmushda qo‘llaniladigan normalar 
va odob-axloq qoidalarini o‘rgatishga qaratilgan audioertak, kinofilm va kinojurnallar ishlab chiqish.
• 
Oilaviy notinchlik hamda bolalar nazoratsizligi va qarovsizligini oldini olish, bolalar orasidagi 
huquqbuzarlik va jinoyatlarning salbiy oqibatlari to‘g‘risida teleko‘rsatuvlar, tok-shoular tayyorlash.
• 
Kundalik turmushda ko‘p uchraydigan masalalarning huquqiy yechimlari va yangi qabul qilingan 
qonun hujjatlarining mohiyatini uyma-uy yurib targ‘ib qilish, shuningdek, huquqiy ma’lumotlarni yetkazishga 
qaratilgan flayer, buklet va boshqa tarqatma materiallarni oilalarga tarqatish.
• 
Yoshlar va ota-onalar o‘rtasida nikoh yoshi, aliment to‘lash shartlari, qarindoshlar o‘rtasidagi nikoh 
va uning huquqiy oqibatlari to‘g‘risida muntazam ravishda huquqiy targ‘ibot tadbirlarini o‘tkazish.
Tabiiyki, huquqiy tarbiya jarayonida oila muhim ahamiyat kasb etadi, aynan, oilada birlamchi 
ijtimoiylashish davrida huquqiy madaniyat va huquqiy bilimlar, qadriyatlarni o‘zlashtirish uchun shaxs 
rivojlanishiga maqsadli ta’sir ko‘rsatish va o‘rgatish, shaxsni jamiyatning ijtimoiy-huquqiy sohadagi 
faoliyatiga faol tayyorlash jarayoni kechadi. 
Oila bolani jamiyatdagi xulq-atvor qoidalari, normalari bilan tanishtiradi, boshqa insonlar bilan o‘zaro 
munosabatlarda ham axloq me’yorlarini qo‘llashni o‘rgatadi. Shu bilan birga ta’kidlash lozimki, oilaning 
tarbiyaviy salohiyati va uni amalga oshirish samaradorligi tabiati obyektiv va subyektiv omillarning 
ko‘pligidan kelib chiqadi
109
. Shuning uchun bizning nazarimizda, ota-onalar huquqiy madaniyati, xotin-
qizlarning huquqiy madaniyatini oshirish bo‘yicha chora-tadbirlarni kuchaytirish, ota-onalarning bola 
tarbiyasi bo‘yicha mas’uliyatini oshirish, ota-onalar uchun qulay mobil ilovalarni yaratish, qonunlarni va 
huquqiy bilimlar olish imkonini kengaytirish lozim.
Xulosa qilib aytish lozimki, jamiyatda farovon oila shakllanishida huquqiy madaniyatning roli katta 
bo‘lgani kabi kelajak avlodni huquqiy madaniyatli qilib tarbiya qilishda, oilaning ham o‘rni katta. Farovon 
oila huquqiy madaniyatli oiladir, farovon oila oila a’zolarining har birining huquqi ta’minlangan va unda 
o‘sib kelayotgan yosh avlod qonunlarga hurmat ruhida tarbiya topgan oiladir.