Ўзбекистон банклари ассоциацияси

3-bob bo‟yicha xulosa 
 
- soliq siyosatining cheklangan shart-sharoitlarini hisobga olgan holda 
umumdavlat va mahalliy soliqlar optimalligini ta‘minlashda mulkiy soliqlarni 
takomillashtirish yuridik shaxslar mol-mulkidan olinadigan soliq tushumlarini 
oshirish muhim o‘rin tutadi; 
- mol-mulk solig‘i resurs to‘lovlari singari soliqqa tortish tizimining 
ajralmas qismi bo‘lib, uning funktsional vazifasi, asosiy fondlar hamda moddiy va 
nomoddiy aktivlar hisoblangan resurslarning iqtisodiy samaradorligini minimal 
chegarasini tartibga solishdan iborat; 
- moliyaviy barqarorlashtirish muammosini hal etishda ahloqiy va siyosiy 
fikr yuritishlar ahamiyatga ega bo‘lmaganligi uchun soliqlardan bo‘yin tortishda 
soliq to‘lovchining iqtisodiy ahvoli ko‘pchilik hollarda hal qiluvchi ahamiyatga 
ega bo‘ladi; 
- soliqlardan qochish hodisasining tarqalishiga faqat alohida olingan soliq 
to‘lovchilarning iqtisodiy ahvoligina ta‘sir qilib qolmaydi. Bu hodisaning 
tarqalishiga umumiy iqtisodiy kon‘yunktura ham o‘z ta‘sirini ko‘rsatadi. Chunki, 
kon‘yunkturani hisobga olish, o‘z navbatida, ma‘lum darajada soliq yukining soliq 
to‘lovchilar orasida o‘zaro taqsimlanishini o‘zgartirishi mumkin; 
- soliq nazorati iqtisodiy tanazzul davrida yoki iqtisodiy kursning 
o‘zgarayotgan paytida milliy hudud doirasida cheklanib, transmilliy kompaniyalar 
va hamkorlikdagi (qo‘shma) korxonalar oldida qurolsiz bo‘lib qoladi. Bu narsalar, 
o‘z navbatida, texnikaviy jihatdan soliqlardan qutilishga qulay sharoit yaratib 
beradi; 
- soliqlarning o‘z vaqtida va belgilangan summada to‘lamayotgan, 
amaldagi soliq qonunchiligiga rioya qilmayotgan, soliqqa tortilishdan turli yo‘llar 
bilan bo‘yin tortishga harakat qilayotgan soliq to‘lovchilarga nisbatan jazo 
choralarini yanada keskinlashtirish va bu jazolarning qo‘llanilish muqarrarligiga 
erishish.