Ўзбекистон республикаси қишлоқ ва сув хўжалиги вазирлиги

12-rasm. Katta tezlikda o’z-o’zidan ishlovchi poroshokli shar-1 toifadagi o’t o’chirgich.

Bu o’t o’chirgich A, V va Ye sinflarga kiruvchi yong’inlarni o’chirishda birlamchi vosita sifatida qo’llaniladi. Uni qo’l bilan yoki avtomatik ravishda ishga tushirish mumkin. O’t o’chirgich Siam Safety Premiyer Co., Ltd (Tailand) firmasi tomonidan ishlab chiqariladi. Shar ichiga solinadigan Furex 770 markali o’t o’chirish poroshoki Caldic Deutschland GmbH & Co.KG (Germaniya) firmasi tomonidan ishlab chiqariladi.

O’t o’chirgichning texnik tavsifi:

• 
  massasi (kronshteynsiz) - 1,5 kg;
  
• 
  o’t o’chirish moddasi massasi - 1,3 +/- 0,1 kg;
  
• 
  tashqi diametri - 147 mm;
  
• 
  temperatura diapazoni - -40...+85 ⁰S;
  
• 
  yo’l qo’yiladigan tushish balandligi - 2,5 m;
  
• 
  xizmat muddati – 5 yil;
  

Birlamchi yong’inni o’chirish vositalaridan tashqari korxonalarda statsionar yong’inni o’chirish vositalari quriladi. Ular suvli (drencherli va sprinklerli), aerozolli (galoid uglevodorodli), kukunli, bug’li va boshqa turdagisi bo’lishi mumkin.

Quvurlarda muntazam bosim ostida suv mavjud (isitilmaydigan xonalarda - havo), ularga suv purkash asbobi o’rnatilgan (sprinkler), polning 9…12 m² ga bitta sprinklerdan xisoblab, ularning mikdori o’rnatiladi. H’avoning doimiy issiqlik darajasida xonada splinkerning suv chikuvchi boshchasi teshigi yengil eruvchi kulf – klapan bilan yopilgan. Issiqlik darajasi oshishi bilan bu qulf eriydi va tushib ketadi, suv splinker boshchasiga tushadi, rozetkaga uriladi va sochiladi. Qulfning erish darajasi 72⁰S. Yana 93, 141, 182⁰S erish darajali qulflar ham bor. Splinker tizimi aynan yongin o’chog’iga suv berilishini ta’minlaydi. Yong’in vaqtida bitta splinker ochilishi bilanok maxsus kontrol signal klapani xavf tug’risida axborot signalini beradi.

13-rasm. Suvli o’t o’chirish avtomatik qurilmasi sxemasi.

1-xabar beruvchi, 2-sug’oruvchi (purkovchi)

Splinker qurilmalarida yuqori temperatura zonasida bo’lgan splinkergina ochiladi, bundan tashqari xonada issiklik darajasi oshishi bilan splinkerlar katta inersiya bilan 2…3 minutdan so’ng birin-ketin ochila boshlaydi. Ba’zida bunday inersiya unchalik ma’qul kelmaydi va suv xonaning butun maydoniga tezda sochilishi maqsadga muvofiqdir.