Zbekiston respublikasi jismoniy tarbiya va sport vazirligi

Maktabgacha ta’lim- Turli yo‘nalishdagi maktabgacha ta’lim dasturini amalga oshiradigan ta’lim muassasasi.
Ta’lim- O‘qitishning mahsuli bo‘lib, o‘qitish jarayonida o‘quvchilar tomonidan egallagan bilim, ko‘nikma, malakalardir.
Anglash- O‘rganilayotgan predmetni tushunish va u xaqida to‘liq ma’lumotga ega bo‘lish.
Ta’limda ko‘rgazmalik- Didaktik prinsiplaridan biri. Ko‘rgazmalik o‘quv
materiallarini puxta va chuqur egalashtirishga, bolalarni bilim doiralarini kengaytirishga va tafakkurlarini rivojlantirishga yordam beradi.
Muloqat- Ikki yoki undan ortiq bo‘lgan shaxslarning fikr almashinuvi.
O‘yin- Inson faoliyatining tarixan tarkib topgan, asosan uning bolalik davriga xos bo‘lgan maxsus turi.
O‘yin faoliyati- Maktabgacha yoshdagi bolalarning ijtimoiy o‘z–o‘zini qaror topshirishga, “men va jamiyat” tushunchasini ifodalashga, hayoli vaziyat, o‘yindagi rol va o‘yin qoidalari.
Harakat- Mashg‘ulot jarayonida amalga oshiriladigan shartli va shartsiz faoliyat.
Yugurish- Insonning bir joydan ikkinchi joyga ko‘chishdagi murakkab harakat faoliyati hisoblanib, yurishdan uchish fazasi bilan farqlanadi.
Sakrash- To‘siqlardan o‘tishning tabiiy usuli bo‘lib, qisqa vaqt ichida asab-muskul kuchiga maksimal zo‘r berish bilan tavsiflanadi.
Tanaffus- Dars, mashg‘ulotlar va o‘yinlar oralig‘idagi dam olish vaqti.
Dars- Davlat ta’lim standartlari va o‘quv dasturlari asosida amalga oshiriladigan jarayon.
Ommaviy jismoniy tarbiya tadbirlari — aholini jismoniy tarbiya mashg‘ulotlariga jalb etishga va aholi o‘rtasida sog‘lom turmush tarzini shakllantirishga qaratilgan tadbirlar;
Ommaviy sport — sportning tashkil etilgan va (yoki) mustaqil mashg‘ulotlar, shuningdek ommaviy jismoniy tarbiya va sport tadbirlarini o‘tkazish orqali aholini jismoniy tarbiyalash, sog‘lomlashtirish, kamol toptirish hamda jismoniy tarbiya va sport mashg‘ulotlariga jalb etishga doir qismi;
Sport turi — jismoniy tarbiya va sport sohasidagi faoliyat turi bo‘lib, u insonning sport musobaqalariga o‘ziga xos tarzda tayyorgarlik ko‘rishi bilan ajralib turadi, sport musobaqalarini o‘tkazish va ularda ishtirok etishga doir talablar, tartib va shartlar belgilanadigan qoidalarga, nizomga (reglamentga) ega bo‘ladi;
Sport - odamlarning muayyan qoidalar bo‘yicha tashkil etilgan, ularning jismoniy va intellektual qobiliyatini taqqoslashdan iborat bo‘lgan havaskorlik asosidagi va professional asosdagi faoliyati, shuningdek ushbu faoliyatga tayyorgarlik ko‘rish hamda bu faoliyat jarayonida odamlar o‘rtasida yuzaga keladigan munosabatlar;
Sport - qisqa ma’noda shaxsiy musobaqa faoliyati deyilsa, keng ma’noda shaxsiy musobaqa faoliyati, shu faoliyat asosidan kelib chiqadigan maxsus tayyorgarlik hamda uning me’yor va yutuqlari tushuniladi.
Sport tadbirlari — sport musobaqalarini, o‘quv-mashq jarayonini va sportchilar ishtirokida sport musobaqalariga tayyorgarlik ko‘rish bo‘yicha boshqa tadbirlarni o‘z ichiga oladigan tadbirlar;
Sport inshooti — sport tadbirlari va ommaviy sport tadbirlarini, sport turlari bo‘yicha o‘quv-mashq mashg‘ulotlari va o‘quv-mashq yig‘inlarini o‘tkazish uchun mo‘ljallangan, o‘ziga qo‘yiladigan norma va talablarga javob beradigan hamda tegishli pasportga ega bo‘lgan yopiq yoki ochiq tipdagi ixtisoslashtirilgan inshoot;