Ўзбекистон Республикаси Олий ва ўрта махсус таълим вазирлиги Наманган вилояти ўрта махсус, касб-ҳунар таълими бошқармаси

Oltinchi bosqich: Videokartaning testlari.
Dastavval monitorni kompyuterga (videokartaga) ulash va uni ishlatish kerak. Agar shaxsiy kompyuter yuklansa va videokartani topsa, unda kompyuterni o‘chirish mumkin. Endi qolgan kabellarni ulaymiz.
Agar videokartaning ishlashi bilan bog‘liq muammolar yuzaga kelsa, unda kartaning texnik (jismoniy) holatini tekshirish kerak. Ona platadagi hamma simlar ulangan-ulanmaganligini tekshiring, chunki siz videokartani o‘rnatayotganingizda, tasodifan ularga tegib uzib qo‘ygan bo‘lishingiz ham mumkin. Shuningdek, karta AGP yoki PCI slotiga to‘g‘ri o‘rnatilganligiga amin bo‘lish kerak. Shubhalar paydo bo‘lganida, yaxshisi kartani qaytadan o‘rnatish kerak. Agar sizda Voodoo5 karta bo‘lsa, uning yo‘riqnomasiga qarang va talab qilinadigan hamma qo‘shimcha kuchlanish videokartaga tortib kelinganiga ishonch hosil qiling. Agar siz ona plataga integrallangan karta bilan ishlayotgan bo‘lsangiz, unda hujjatlarga yana bir ko‘z tashlang va ajratilgan videokartaga o‘tish uchun hamma uskunalar tayyor qilinganini tekshirib ko‘ring. O‘rnatilgan videokartaning faol ekanligini tekshirib ko‘rish uchun monitorning kabelini o‘rnatilgan videokartaning VGA chiqish joyiga ulab yoki BIOSga ayrim o‘zgartishlarni qiritib ko‘ring. Agar yuqorida sanab o‘tilganlar yordam bermasa, unda eski videokartani qaytadan o‘rnatish va u ushbu vaziyatda ishlash-ishlamasligini aniqlash kerak. Eski videokarta ishlasa, yangisi esa avvalgidek, ekranni qoraytirib chiqarayotgan bo‘lsa, bu yerda endi mahsulotning, bizning holda esa videokartaning yaroqsiz ekanligi haqida so‘z yuritish hamda uni do‘konga qaytarish kerak. Bundan tashqari, eski ona platalarning ayrimlari AGP videokartasiga talab qilinganidan ko‘ra kamroq kuchlanish uzatishi mumkin. Bunday ahvol NVIDIA GeForce 256 kabi videokartalar bilan ko‘proq sodir bo‘lib turadi. Ona plataning yo‘riqnomasi bilan maslahatlashib, kartaning yaroqsizligiga sabab kuchlanishmi degan savolga javob berishi mumkin.


Yettinchi bosqich: drayver o‘rnatish
Shaxsiy kompyuterni ishga tushirib, videokartalar uchun kerak bo‘lgan drayverlarni o‘rnatish zarur. Windows yuklanib bo‘lgach, u yangi apparat ta’minotini belgilaydi va zarur drayverlarni o‘rnatishga urinib ko‘radi. CDning avtomatik ravishda ishga tushirilishi bilan CD diskini diskyurituvchiga kiritish va ekrandagi yo‘riqnomaga amal qilish kerak. Kimda avtomatik qayta tiklash uskunasi bo‘lmasa, CD ildiz katalogiga kirish va setup.exe dasturini ishga tushirish kerak. Hozirgi ona platalarning ko‘pchiligi uchun drayverlarni o‘rnatish juda oddiy jarayon bo‘lib, yangilanish mahsulotlarning bitta turi (NVIDIA, Matrox va boshqalar) doirasida ro‘y berayotgan hollarda esa drayverlarni qayta yuklashga zarurat bo‘lmasligi ham mumkin. Kartalar masalasida ham xuddi shunday, ular uchun avval drayverlarni, keyin esa videokartani ornatish lozim, shunda Windows drayverlarni avtomatik tarzda o‘rnatadi. Shu tariqa videokartaning hamma dasturiy ta’minoti o‘rnatilishi kerak. Imkoniyatga qarab, eng yangi (oxirgi) drayverlarni o‘rnatish oqilona ish bo‘ladi.

10.5-rasm.

10.6-rasm