Respublikamizda 1989-yil 29-oktabrda o`zbek tiliga davlat tili huquqi berilgan, 1991-yil 31-avgustda esa mamlakatimiz sobiq sho`rolar hukmronligidan qutilib, mustaqillikka erishgan bo`lsa-da, bir qator korxonalarda hujjatlar, ish qog`ozlarini davlat tilida yangi alifbo va imlo qoidalari asosida yuritishga o`tish biroz qiyinchilik bilan kechmoqda.
Til – millаtning аsоsiy bеlgilаridаn, dаvlаt mustаqilligining аsоsiy rаmzlаridаn biri. Til mаvjud ekаn, millаt mаngu yashаydi; tilning tirikligi, аytish mumkinki, millаtning, xаlqning mаvjudligidir. Dеmаkki, o`zbеk tilining tirikligi – o`zbеk millаtining mаvjudligi, dаvlаt tili esа o`zbеk dаvlаtchiligining bоrligidаn dаlоlаtdir.
HUJJAT (“O`zbek tilining izohli lug`ati”da) arabcha so`z bo`lib, uning yuqorida qayd qilingan asosiy ma`nosidan tashqari ilmiy, ijtimoiy yoki tarixiy ahamiyatga ega bo`lgan yozuvlar, suratlar, asar yoki adabiyot ma`nosini ham anglatishi ta`kidlangan.
HUJJATLARNING MASALALAR SONIGA QARAB TURLARI:
Hujjatlarning matnida turli xil va bir qancha masalalar aks etishi mumkin. Masalalarning soniga qarab ularni sodda va murakkab hujjatlarga ajratiladi.
Sodda hujjatlarda bitta masala yoritilsa, murakkabida bir nechta masala o`z ifodasini topgan bo`ladi (dalolatnoma, buyruq).
HUJJATLARNING YARATILISH O`RNIGA KO`RA TURLARI:
Hujjatshunoslikdagi ish yuritishdagi hujjatlar eng avvalo yaratilish o`rniga ko`ratasnif qilinadi, bu jihatdan ichki va tashqi hujjatlar fikrlanadi. Ichki hujjatlar ayni muassasaning o`zida tuziladigan va shu muassasa ichida foydalanadigan hujjatlarda, muayyan muassasada boshqa tashkilot yoki ayrim shaxslardan keladiganlari esa tashqi hujjatdir.
HUJJATLARNING MAZMUNIGA KO`RA TURLARI:
Hujjatlar mazmuniga ko`ra ikki turli bo`ladi: 1) Sodda hujjatlar – muayyan bir masalani o`z ichiga oladi ; 2) Murakkab hujjatlar – ikki yoki undan ortiq masalani o`z ichiga oladi.
