Estetikaning zamonaviy muammolari Texnogen sivilizatsiya - estetik faoliyat va estetik didni shakllantirishning muhim omili. Ilmiy-texnikaviy taraqqiyotni insoniylashtirish va go‘zallashtirishning estetik muammolari. Voqelikka estetik munosabatning milliy va umumbashariy ahamiyati. Estetik qadriyatlar - barqarorlikni ta’minlovchi omil. “Dunyoni go‘zallik qutqaradi” shiorining global ahamiyati. Olamni estetik anglashda jamiyat axborotlashuvining roli.
7
Axborot estetikasining o‘ziga xos xususiyatlari va uning ijtimoiy-siyosiy, badiiy-ijodiy, ma’naviy-axloqiy jarayonlar bilan bog‘liqligi. Reklamaning estetik xususiyatlari. Reklama faoliyatiga estetik qonuniyatlarning ta’siri. Reklamalardagi g‘ayriestetik holatlar va ularning ko‘rinishlari. Reklamaning estetik g‘oyasida milliylik va umumbashariylik dialektikasi.
Seminar mashg‘ulotlarni tashkil etish bo‘yicha ko‘rsatma va tavsiyalar Seminar mashg‘ulotlarini tashkil etish bo‘yicha kafedra professor-o‘qituvchilari tomonidan ko‘rsatma va tavsiyalar ishlab chiqiladi. Unda talabalar asosiy ma’ruza mavzulari bo‘yicha bilim va ko‘nikmalarini amaliy mashg‘ulot jarayonida yanada boyitadilar. SHuningdek, darslik va o‘quv qo‘llanmalar asosida talabalar bilimlarini mustahkamlashga erishish, tarqatma materiallardan foydalanish, ilmiy maqolalar va tezislarni chop etish orqali talabalar bilimini oshirish, mavzular bo‘yicha ko‘rgazmali qurollar tayyorlash va boshqalar tavsiya etiladi.
Seminar mashg‘ulotlarida talabalar estetikaning nazariy va amaliy asoslarini o‘rganadilar.
Seminar mashg‘ulotlarning taxminiy tavsiya etiladigan mavzulari:
Estetik tafakkurni rivojlantirish qonuniyatlari.
Estetikaning global muammolari.
Estetik didni yuksaltirishda san’at va badiiy adabiyotning o‘rni.
Texnika estetikasining zamonaviy ko‘rinishlari.
Dizayn va uning estetik asoslari.
Bozor iqtisodiyoti munosabatlarida estetik bilimning zaruriyati.
Go‘zallik va manfaatlar uyg‘unligi.
Go‘zallikning shaxs va jamiyat munosabatlaridagi in’ikosi.
SHaxs estetik kamolotiga salbiy ta’sir ko‘rsatuvchi omillar.
“Ommaviy madaniyat” va uning g‘ayriestetik ko‘rinishlari.
Estetik g‘oyalarning tafakkur tarixidagi o‘rni.
Estetik madaniyatning zamonaviy yo‘nalishlari.
Estetik madaniyat rivojida did - farosat - fahm uyg‘unligi.
Estetika asosiy kategoriyalari o‘rtasidagi umumiy aloqadorlik.
Tabiat va uning estetik xususiyatlari.
Milliy g‘oyaning o‘zbek san’atidagi in’ikosi.
Sog‘lom turmush tarzi estetikasi: mazmuni, xususiyatlari va ahamiyati.