’zbekiston respublikasi oliy va o’rta maxsus ta’lim vazirligi namangan davlat univerteti

Mavzu bo’yicha nazorat savollari:

1. 
   O’zlikni anglash ma’naviyatning asosiy kategoriyasi sifatida?
   
2. 
   Ma’naviyatning tolerantlik kategoriyasi?
   
3. 
   Qadriyat tushunchasi?
   
4. 
   Ma’naviyatshunoslik fani kategoriyalari va asosiy tushunchalari?
   
5. 
   Ijtimoiy-gumanitar fanlar tushunchalari?
   

Tavsiya etiladigan adabiyotlar ro‘yxati:

1. 
   O‘zbekiston Respublikasining Konstitutsiyasi. – T.: O‘zbekiston, 2018.
   
2. 
   Mirziyoev Sh. Milliy taraqqiyot yo‘limizni qat’iyat bilan davom ettirib, yangi bosqichga ko‘taramiz. 1-jild. - T.: O‘zbekiston, 2018.
   
3. 
   Karimov I. Yuksak ma’naviyat – yengilmas kuch. – T.: Ma’naviyat, 2010.
   
4. 
   Erkaev A. Ma’naviyatshunoslik. 1-kitob. Ma’naviyat ontologiyasi va fenomenologiyasi. – T.: Ma’naviyat, 2018. - 480 b.
   
5. 
   Qosimon B. Uyg‘ongan millat ma’rifati. – T.: Ma’naviyat, 2011.
   
6. 
   Yusupov E. Xadislarda dunyoviy va diniy g‘oyalarning bog‘liqligi. - «O‘zbekistonda ijtimoiy fanlar» jurnali, 1994, 5-son.
   

6-MAVZU: MUSTAQILLIK DAVRI MA’NAVIYATI

Reja:

1. 
   Mustaqillik va ma’naviyat. Mustaqillik mas’uliyati.
   
2. 
   Mustaqillik sharoitida ma’naviyat masalalarining dolzarblashuvi hamda madaniy meros, diniy an’ana va qadriyatlarimizning tiklanishi.
   
3. 
   Milliy-ma’naviy yangilanish, yuksalish – taraqqiyot omili.
   

Tayanch so‘zlar:
Ma’naviy tiklanish, konsepsiyasi,“O‘zbek modeli”, mentalitet, sarmoya, ulug‘vorlik, ibrat, milliy g‘oya, tarixiy xotira, siyosat, ma’naviy yuksalish, bardavomlik, ma’rifat, taraqqiyot, madaniyat, tafakkur, asorat, millat, tamoyil, e’tiqod, buyuk kelajak, islohat, tadrijiy, og‘zaki ijod, manqurt, milliy tabiat, o‘zlikni anglash.
Mamlakatimiz o‘z mustaqilligini qo‘lga kiritganidan keyin tarixan qisqa vaqt ichida iqtisodiy, ijtimoiy-siyosiy va ma’naviy-ma’rifiy sohalarda juda katta yutuqlar qo‘lga kiritildi. Bu yutuqlarga Respublikamiz Birinchi Prezidenti Islom Karimov tomonidan ishlab chiqilgan demokratik jamiyat qurish Konsepsiyasi nazariy asos bo‘lib xizmat qilib kelmoqda. Bu konsepsiya millatimizning o‘ziga xos urf-odatlari, an’analari, qadriyatlari va mentaliteti hamda mamlakatimiz taraqqiyot darajalarini qat’iy hisobga olish bilan “O‘zbek modeli”ni o‘zida aks ettirgan.
O‘zbekiston sobiq sho‘rolar totalitarizmi sharoitida yashab kelganligi bois, uni tugatib, demokratik jamiyat qurish tomon qadam qo‘yish juda murakkab masala edi. Chunki, totalitarizm nafaqat iqtisodiy, ijtimoiy-siyosiy hayotga, shuningdek, ma’naviy-ma’rifiy hayotga, insonlarning dunyoqarashiga o‘zining ta’sirini o‘tkazgan edi. Shuning uchun ham demokratik jamiyat qurishning “o‘zbek modeli”da jamiyatni tubdan o‘zgartirishga xizmat qiluvchi asosiy tayanch manba sifatida yangi ma’naviyat va dunyoqarashni shakllantirish belgilandi.
Birinchi Prezidentimizmiz 1992 yildayoq, “Oldin odamlarga moddiy boylik berish, so‘ngra ma’naviyat to‘g‘risida o‘ylash kerak, deganlar haq bo‘lmasalar kerak. Ma’naviyat-insonning, xalqning, jamiyatning, davlatning kuch qudratidir”¹, - deb ta’kidlagan edi.
Ana shu ko‘rsatmaga muvofiq ma’naviyatni rivojlantirish, mamlakatda amalga oshirilayotgan barcha ishlarda unga tayanish davlat siyosati darajasiga ko‘tarildi. Xususan Birinchi Prezidentimizmizning 1994 yil 23 aprelda Respublikamizda “Ma’naviyat va ma’rifat jamoatchilik markazini tuzish to‘g‘risida”, 1996 yil 9 sentabrda esa “Ma’naviyat va ma’rifat jamoatchilik markazi faoliyatini yanada takomillashtirish va samaradorligini oshirish to‘g‘risida”, 1999 yil 3 sentabrrdagi “Respublika ma’naviyat va ma’rifat kengashini qo‘llab quvvatlash to‘g‘risida”gi farmonlari va 1998 yil 24 iyuldagi O‘zbekiston Respublikasi Vazirlar Mahkamasining “Ma’naviy va ma’rifiy islohotlarni yanada chuqurlashtirish va uning samaradorligini oshirish chora-tadbirlari to‘g‘risida”, maxsus qarori qabul qilindi. Bu hujjatlarga binoan Respublika Oliy va O‘rta maxsus ta’lim vazirligi 1997 yildan boshlab barcha oliy o‘quv yurtlarida “Ma’naviyat va ma’rifat asoslari” maxsus kursini o‘qitish to‘g‘risidagi qaror qabul qildi va uning dastlabki o‘quv dasturlari ishlab chiqildi.
O‘tgan davr ichida ma’lum bir tajribalar to‘plandi, kursda foydalanish bo‘yicha bir qator ilmiy va ommabop maqolalar hamda risolalar chop etildi. Chunki, xalqimizning, jamiyatning ma’naviyatini ko‘tarish va rivojlantirish bugun ham, ertaga ham muhim vazifa sifatida qolishi muqarrardir. Birinchi Prezidentimiz Islom Karimov O‘zbekiston Respublikasi Oliy Majlisining XIV sessiyasidagi ma’ruzasida O‘zbekistonning XXI asr arafasi va uning dastlabki yillarida mamlakatimizning rivojlanishi ustuvor yo‘nalishlarini belgilab berar ekan, “Ikkinchi ustuvor yo‘nalish-jamiyat ma’naviyatini yanada yuksaltirishdan iborat”¹²ligini ta’kidlab o‘tdi.
Mustaqilligimizni mustahkamlashda bugungi kunda xususan yoshlarning ruhan baquvvat bo‘lishiga, o‘z Vatani va xalqi manfaatlarining fidoiylari bo‘lib yetishlarida va yot mafkuralarga qarshi kurashlarida muhim omil hisoblanadi. Shuning uchun ham Birinchi Prezidentimizmiz “Milliy istiqlol g‘oyasi: asosiy tushuncha va tamoyillari” konsepsiyasiga yozgan so‘z boshlarida: “Oldimizga qo‘ygan olijanob maqsad-muddaolarimizga yetish, eski mafkuraviy asoratlardan batamom xalos bo‘lish, g‘oyaviy bo‘shliq paydo bo‘lishiga yo‘l qo‘ymaslik, begona va yot g‘oyalarning xurujidan himoyalanish, bunday tajovuzlarga qarshi tura oladigan har tomonlama barkamol insonlarni voyaga yetkazish zarurati xalqimiz va jamiyatimiz manfaatlariga mos yangi mafkurani shakllantirishni taqozo etmoqda”¹³ Haqiqatan ham ma’naviyat qanchalik yuksak bo‘lsa, inson qalbida johillik, yovuzlik, xudbinlik, yalqovlik kabi salbiy illatlarga o‘rin qolmaydi, uning o‘rnida yoshlarimiz ongida vatanparvarlik, yaratuvchanlik tuyg‘ulari yuksak darajaga ko‘tariladi, o‘zaro munosabatlarda samimiylik, birdamlik, mehr-oqibat, e’tiqod, imon, ma’suliyat va boshqa bir qator ijobiy fazilatlar xalqimiz turmush tarzining ajralmas boyligi darajasida yana ham mustahkam o‘rin olib boraveradi.
Bugungi ijtimoiy taraqqiyot, informatsion inqilob, glaballashuv jarayonlari, jahon maydonlarini ta’sir o‘tkazish maqsadida bo‘lib olishga intilish tobora kuch olayotgan sharoitda Birinchi Prezidentimizmiz aytganidek: “Biz farzandlarimizning nafaqat jismoniy va ma’naviy sog‘lom o‘sishi, balki ularning eng zamonaviy intelektual bilimlarga ega bo‘lgan, uyg‘un rivojlangan insonlar bo‘lib, XXI asr talabalarga to‘liq javob beradigan barkamol avlod bo‘lib voyaga yetishi uchun zarur barcha imkoniyat va sharoitlarni yaratishni o‘z oldimizga maqsad qilib qo‘yganmiz”¹⁴
Ana shu o‘ta muhim vazifalarni hal qilishimiz uchun mustaqillik ma’naviyatini shakllantirish va milliy istiqlol g‘oyasini chinakam moddiy kuchga aylantirish strategik ahamiyatga egadir. Bu o‘z navbatida biz qo‘lga kiritgan istiqlolning ma’no va mazmuni, milliy o‘zligimizni to‘la anglashimizga, milliy g‘urur va iftixor tuyg‘ularimizni mustahkamlashimizga, Vatan va millat istiqboli uchun har birimizning ma’sulligimizni tushunib yetishimizga o‘zining katta ta’sirini ko‘rsatadi.
Xuddi mana shularni ijobiy hal qilishimiz uchun Birinchi Prezidentimizmiz ma’naviyatimizni yangilash borasida oldimizga qo‘ygan vazifalarni muvafaqqiyatli hal etishga imkon beradi. Zero, ular ta’kidlaganidek, “Jamiyatni ma’naviy yangilashdan bosh maqsad- yurt tinchligi, Vatan ravnaqi, xalq erkinligi va komil insonni tarbiyalash, ijtimoiy xamkorlik va millatlararo totuvlik, diniy bag‘rikenglik kabi ko‘p-ko‘p muhim masalalardan iborat”¹⁵. Bu ulkan vazifalarni ma’naviyatimizni milliy istiqlol g‘oyalari bilan boyitib borsakkina amalga oshirishimiz mumkin bo‘ladi.
Shu ma’noda ham ma’naviyatni talaba-yoshlarimizga o‘rgatishga ehtiyoj o‘sib bormoqda va bu borada oldimizda juda katta vazifalar turibdi. Ayniqsa, mukammal o‘quv qo‘llanmalarni va ular asosida darsliklarni yaratish ana shunday dolzarb masalalardan hisoblanadi.
Bu vazifaning murakkabligi shundaki, “Ma’naviyat asoslari” mustaqilligimizning mevasi sifatida paydo bo‘ldi. Mustaqilligimizgacha, bu tushuncha mustaqil ravishda o‘zining aniq tasnifiga ega bo‘lmagan, aynan unga bag‘ishlangan ilmiy asarlar ham yaratilmagan. Bu kurs mamlakatimizning tubdan yangilash va mustaqil taraqqiyotimizga xizmat qiluvchi ma’naviyatni shakllantirishning ehtiyoji sifatida paydo bo‘ldi.
Shuni hisobga olib mualliflar jamoasi o‘quv darsligini yozishda o‘zlari tomonidan tayyorlanib, 2002 yilda e’lon qilingan “Ma’naviyat asoslari” qo‘llanmasini qayta ishlab, uni Birinchi Prezidentimiz Islom Karimovning “Yuksak ma’naviyat – yengilmas kuch” asaridagi konseptual g‘oyalar bilan boyitib hamda unga “Milliy istiqlol g‘oyasi: asosiy tushuncha va tamoyillar” konsepsiyasini singdirgan holda so‘nggi yillarda olimlar, adabiyotshunoslar va ma’naviyat masalalari bilan shug‘ullanuvchi mutaxassislar tomonidan chop etilgan kitoblar va maqolalardan material sifatida keng foydalandilar. “Ma’naviyat asoslari” o‘quv darsligi sifatida birinchi bor yozilayotganligi sababli mualliflar, uning kamchiliklardan holi emasligini e’tirof etadilar va ular haqida bildirilgan har qanday tanqidiy fikrlarni va takliflarni bajonidil qabul qiladilar, kelajakda ulardan foydalanadilar hamda o‘z fikrlarini bildirgan barcha kitobxonlarga oldindan minnatdorchilik izhor etadilar.
Ma’naviyat sobiq sho‘rolar hukumronligi sharoitida mustaqil mavzu yoki masala sifatida o‘rganilmasdan kelinayotgan edi. Unga madaniyat bilan bir xil ma’noni anglatuvchi, mustaqil yo‘nalishga ega bo‘lmagan tushuncha sifatida qarab kelingan. Hatto, ayrim adabiyotlarda har ikkala tushunchani bir xil mazmunni anglatuvchi so‘z ma’nosida qo‘llanilib kelingan. Bunday «etiborsizlik» natijasida barcha lug‘atlarda ham «ma’naviyat» tushunchasiga aniq va mustaqil ta’rif uchramaydi. Buning asosiy sababi, sho‘rolarning jamiyat a’zolari ongi va qalbini insoniyat aql zakovati bilan yaratilgan ma’naviy boyliklardan bebahra qilish, ularni tuzumning manfaatlariga xizmat qiluvchi g‘oya va mafkuralar bilan qurollantirishga qaratilgan g‘ayri ilmiy, g‘ayri insoniy siyosati bo‘lgan edi. Bunday siyosatdan maqsad, jamiyat a’zolarini, ayniqsa yoshlarni ana shu g‘oya va mafkuralar vositasida mazkur tuzumga itoatkor, uning jirkanch manfaatlarini hech ikkilanmasdan bajaradigan va dunyoqarashi mo‘’telik ruhiyati bilan to‘ldirilgan shaxslarni tarbiyalashdan iborat edi.
Mamlakatimiz o‘z mustaqilligini qo‘lga kiritgandan so‘ng erkin fikrlaydigan, o‘z-o‘zini anglaydigan, jamiyat maqsad va manfaatlarini tushunib yetadigan, har tomonlama yetuk komil insonni tarbiyalash vazifasi davlat siyosatining ustivor yo‘nalishi qilib belgilandi. Uni amalga oshirish esa eng avvalo tarbiyalanuvchilarning ichki ruhiy dunyosini boyitish va mustaqil dunyoqarashini shakllantirishni taqoza etadi. Xuddi ana shu vazifa «ma’naviyat»ni mustaqil fan sifatida o‘rganishni ham kun tartibiga qo‘ydi.
Mustaqillik ma’naviyatining tayanch qoidalari 1992 yildayoq Birinchi Prezidentimizmizning kitoblarida aniq va ravshan ifodalab berilgan edi. Ma’naviyat haqida har qancha gapirish, yozish mumkin. Ammo ma’naviyat falsafa emas, dunyoni har qancha izohlab, qonun-qoidasini aniqlab, tushuntirib berganingiz bilan siz aqlli, bilimdon, mantiqiy fikrlovchi odam sifatida qadrlanishingiz mumkin, ammo bular sizni ma’naviy barkamol ekanligingizdan dalolat bermaydi. Yana Siz o‘ta iste’dodli bo‘lishingiz, Vatan haqida, mustaqillik haqida ajoyib qasidalar bitishingiz mumkin. Albatta, iste’dod ham ma’naviyat nishonasi, ammo ta’rifu tavsiflar bilan Vatan ravnaqi ta’min etilmaydi, mustaqillik mustahkamlanmaydi. Mustaqillik ma’naviyatning bosh mezoni, asos poydevori mas’uliyat tuyg‘usidir.
Necha ming yillik tarix davomida ne-ne xoqonlar-u xonlar, amirlar-u shohlar o‘tdi. Ularning birlari millat dovrug‘ini dunyoga tarqatgan bo‘lsalar, boshqalari yurtni abgor qilganligi ham sir emas. Oxirgi yuz yil davomida yurtimizning yetakchi o‘g‘lonlari foje taqdirga ro‘baro‘ keldilar. Amir Olimxonning siyosatidan norizo bo‘lgan Fayzullaxo‘ja xalqim deya qon yutdi, ammo orzusi ushalmadi. Usmon Yusupov umrini O‘zbekiston xalqi uchun tikdi, ammo xalq asoratda qolaverdi. Sharof Rashidov xalq og‘irini yengil qilaman deb ko‘p urindi, ammo oxiri borib xalqni ham, uning o‘zini ham yomon otliq qilish boshlandi. Qaramlik kasofatidan edi bu fojialar. Yangi davrda o‘zbek xalqining baxti Islom Karimov nomi bilan bog‘landi.
Biz Birinchi Prezidentimizning mustaqil milliy siyosat, Ota yurt mavqeini olam uzra yuksaklarga ko‘tarish, mamlakatda barqarorlik va ijtimoiy uyg‘unlikni ta’minlash, demokratik huquqiy davlat tizimini shakllantirish, ijtimoiy kafolatlarni mukammallashtirish yo‘lidagi va boshqa qator xizmatlariga alohida to‘xtalmaymiz. Zotan, bularning har biri alohida mavzu.
Sobiq SSSRning xomashyo bazasi bo‘lmish markaz manfaatlariga qat’iy bo‘ysunuvchi yagona tizim zanjiriga qo‘loyog‘i, har bir hujayrasi bilan chambarchas bog‘lab tashlangan respublikaning asli nochor iqtisodiy ishlab chiqarish binosi, SSSR parchalangach, butkul xarobaga aylangan edi. Islom Karimov bozor iqtisodiga o‘tish yo‘lidagi islohotlarni shunday murakkab sharoitda, shunday nosoz poydevorga tayanib amalga oshira boshladi. Bugungi kunda O‘zbekistonning ahvoli Mustaqil davlatlar hamdo‘stligida barqarorligi va ijobiy siljishlari bilan ajralib turibdi. Ammo biz iqtisodiy masalalarga ham batafsil to‘xtalmoqchi emasmiz.
Bugungi kunda aytish mumkinki, O‘zbekiston jahon miqyosida o‘ziga xos barqaror siyosiy mavqe kasb etib turibdi. Jahonning eng ilg‘or davlatchilik an’analarini o‘zbekning milliy tabiati bilan, o‘z qadim udumlari bilan uyg‘unlashtira olgan Konstitutsiyamiz-mustaqil mamlakatning asosiy qonuni — har bir sohada batafsil ishlab chiqilayotgan qonun va kodekslar bilan amalda qo‘llanib, mustahkamlanib bormoqda. Bozor iqtisodiga o‘tish, mamlakatning ichki iqtisodiy tizimini uyg‘unlashtirish, ilg‘or texnologik jarayonlarni ishlab chiqarishga tadbiq etish borasida o‘tgan yillar ichida ulug‘ ishlar amalga oshirildi va oshirilmoqda. Ijtimoiy uyg‘unlik, barqaror osoyishtalik, xalq birdamligi fikrlar, qarashlar xilmaxilligi bilan bahamjihat rivojlanmoqda. Turli siyosiy partiyalar o‘z mustaqil yo‘nalishlarini shakllantirib, siyosiy muhorabaning madaniyatli usullarini, demokratik tamoyillarini o‘zlashtirib bormoqdalar. "Vatan manfaatini, mustaqillik manfaatini hamma narsadan ustun qo‘yadigan, qalbida o‘ti va erk tuyg‘usi bor, g‘ayrat-shijoatli ayniqsa, bugungi kun millat ehtiyoji va jahon talablariga javob bera oladigan yosh va qobiliyatli avlod asta-sekin maydonga kirmoqda. ¹⁶"Xullas, yutuqlar bisyor. Eng muhimi, xalq, millat o‘zligini anglab bormoqda.
Ammo, bari-bir, xotirjamlikka o‘rin yo‘q. Chunki muammolar hanuz yetarli. Jumladan, kishilarimizning, ayniqsa, yosh avlodning ma’naviy tarbiyasi borasida qiyinchiliklar ko‘ngildagidek bartaraf etildi, deyish qiyin. Insonlar ongining eski aqidalar asoratidan poklanishi oson savdo emas ekan. Ayniqsa, yurtning yetakchilari bo‘lishi lozim bo‘lgan ziyolilarimiz ruhiga singib ketgan ko‘nikmalarni yengib o‘tish mashaqqati har qadamda sezilib qolyapti. Agar katta-kichik rahbarlar ham odatan ayni shu ziyolilar toifasi ichidan yetishib chiqishini inobatga olsak, vaziyatning jiddiyligi yanada oydinlashadi. Ularning har biri jamiyatda o‘zi egallab turgan mavqe va maqomini butun mas’uliyati bilan, ko‘lami va zalvori bilan his etyaptimi, o‘tmish va kelajak oldida, xalq va Alloh oldida o‘zining har bir qadami uchun javob berishga hozirmi? O‘ziga ishonib topshirilgan vazifani eplab, ko‘ngildagidek uddalay olishga qudrati, bilim va iqtidori, iroda va saboti yetadimi? Nega jamoani boshqarish iqtidori, amalga oshirgan ezgu ishlari tufayli xalq e’tiborini qozongan, yaxshi nom orttirgan odamlar ba’zan kattaroq lavozimlarga munosib topilsa, ikki-uch yil o‘tmay tabiatida o‘zgarish paydo bo‘lib qolyapti?
Iqtisodiy va siyosiy islohotlar xalq ongiga teran yetib borishi, amalda jadal o‘zgarishlar hosil qilishi uchun insonlar ongida tub o‘zgarishlar yuz berishi zarur. Biz totalitar davlat mulkiga asoslangan iqtisodni rad etib, mulkchilik shakllarining turlitumanligiga asoslangan erkin bozor iqtisodiga o‘tmoqdamiz. Siyosatda yakka partiya, yagona mafkura zo‘ravonligiga barham berib, ko‘p partiyaviylik, fikr va qarashlar xilma-xilligiga yo‘l ochmoqdamiz. Lekin insonlar tafakkurini eski andazalar, tor qoliplar tugal tark etishi qiyinchilik bilan amalga oshmoqda. Tafakkurimiz, qarashlarimizdagi yangi tamoyillar hanuz ancha yuzada, ongimizning sirtqi qatlamlarida qolib ketmoqda, ba’zan yangi qadriyatlarni ham eski o‘lchovlar bilan baholashga urinmoqdamiz. Insonlar ongida tub o‘zgarishlar yuz bermas ekan, O‘zbekistonning buyuk kelajagini qurish orzusi shirin xayolligicha qola beradi. Ma’naviyat va mafkuraga alohida e’tibor qaratilishining bosh sababi ham shunda.