NAMANGAN Mazkur seminar mashg’ulotlar ishlanmasi bakalavriat bosqichidagi barcha yo’nalishlar uchun mo’ljallangan bo’lib, talabalarga “Ma’naviyatshunoslik” fanidan tizimli bilimlar berish, jumladan fan jamiyatimiz taraqqiyoti negizi tamoyillarini ifoda etadi va dastlabki bilimlar, ko’nikma va malakalar berishni belgilab beradi.
Tuzuvchi: dotsent v.b. A. Abdullayev
Taqrizchi: f.f.n. dots. O. V. Mamatov
O’quv fanining dolzarbligi va oliy kasbiy ta’limdagi o’rni Ming yilliklarning almashinuvi ijtimoiy munosabatlarning yangi “axborotlashgan jamiyat” deb atalmish bosqichiga to‘g‘ri keladi. Texnogen sivilizatsiyaning yanada rivojlanishi texnokratik tafakkurning shakllanishiga, bu esa ma’naviy madaniyatning yangi ko‘rinishiga olib keldi. Ma’naviyat, madaniyat, axloq, fan va axborot ijtimoiy hayotning eng muhim sohalaridan biriga aylandi. Shu bois, mustaqillikning dastlabki kunlaridan boshlab O‘zbekistonda inson ma’naviy kamoloti, yangi avlod tafakkurida gumanistik g‘oyalarni shakllantirish, ijtimoiy mas’uliyatni kuchaytirish birinchi darajali masalaga aylandi. Darhaqiqat, bugungi kunda ma’naviyat jamiyatning strategik resursiga aylanmoqda. Bu esa uni takomillashtirish yo‘llari va imkoniyatlarini izlashni taqozo qiladi. Ma’naviyat va u bilan bog‘liq masalalar bugungi kunda ham ilmiy-nazariy ham amaliy jihatdan dolzarb bo‘lib, uning ijtimoiy ahamiyatini ta’lim tizimida o‘rganish muhim.
