BAŞ GÖTÜRÜB ƏLLİ BEŞƏ GEDİRƏM
Axşam-axşam dönüb işdən gəlirəm,
Səhər-səhər qalxıb işə gedirəm.
Evdən getdi, kim qayıda, kim qala,
Elə bil ki, son gedişə gedirəm.
Bir gəlmişəm, bir də qoymaz gəlim bir,
Doğum birdi, yaşam birdi, ölüm bir.
Son mənzilə, son məkana yolum bir,
Dərdi edib canda peşə, gedirəm.
İnsan oğlu küsmədi nə, küsdü nə,
Əvvəl-axır dərd duracaq üstünə.
Qəlb sındıran qocalığın üstünə
Ürəyimi deşə-deşə gedirəm.
Yelli gündə pambığımız atılıb,
Alan alıb, satılanlar satılıb.
Cəhənnəmdə gur ocaqlar çatılıb,
Ciyərimi taxıb şişə, gedirəm.
Qırx körpü var, qırx keçid var, qırx ada,
Salam verdim otuza da, qırxa da.
Bir də gördüm əlli qalıb arxada,
Baş götürüb əlli beşə gedirəm.
18 avgust 2004
___________________Milli Kitabxana__________________
211
TÖKÜLƏR
Gündə bir kərpic düşür
Ömrümün sarayından.
Bayatıdan
Ürək yazıq ağlamasın, neyləsin,
Dərd üstünə şələ-şələ tökülər.
Payız gələr, ağacların yarpağı,
Halımıza gülə-gülə tokülər.
Zaman bizi sevincə tuş gətirməz,
Yuxla, ayıl, əlləş, vuruş - gətirməz.
Can evində kərpic duruş gətirməz,
Canı çıxar, ölə-ölə tökülər.
Hər ürəkdə bir zədə var, bir yara,
Qarışıqdı sevinc-kədər, ağ-qara.
Birdəfəlik axmaz canım qurtara,
Yaş gözümdən gilə-gilə tökülər.
Qızıl ürəklərdən qara qan tökür,
Can ağrısı gözümüzdən yaş tökür,
Allah göydən başımıza daş tökür,
Daş özü də bilə-bilə tökülər.
20 avqust 2004
TORPAQ ƏTRİ
Öz içimdə torpaq əkib, dən səpirəm,
Duyğuları cücərdirəm pöhrə kimi.
Yağışım gür, günəşim bol, havam təmiz
Yetişirəm ən şirin bar-bəhrə kimi.
Çirkinliyin son ucu qaranlıq olur,
Gözəlliyin meyvəsi heyranlıq olur.
___________________Milli Kitabxana__________________
212
Söz var yağdı, söz də var ayranlıq olur,
Gecə-gündüz çalxanıram nehrə kimi.
İçimdəki qaynar çeşmə, axar çaydı,
Nəğməsini hər gün eldən-elə yaydı.
Ürəyimdə torpaq ətri olmasaydı,
Quruyardım qumsal kimi, səhra kimi.
30 avqust 2004
Dostları ilə paylaş: |
