Zig’ir moyini rafinatsiya qilish boltayev Umid Satimbayevich

ZIG’IR MOYINI RAFINATSIYA QILISH
Boltayev Umid Satimbayevich
Urganch davlat universiteti, Kimyoviy texnologiyalar fakulteti, texnika fanlari doktori
Abdullayeva Feruza Bayjon qizi
UrDU Kimyoviy texnologiyalar fakulteti, Oziq-ovqat texnologiyalarini ishlab chiqarish va qayta ishlash texnologiyasi yo’nalishi magistranti,
Achilova Sanobar Sabirovna
Urganch davlat universiteti, Kimyoviy texnologiyalar fakulteti phd katta o’qituvchisi
Urazmatov Jasurbek Javlonbergan o’g’li
UrDU Kimyoviy texnologiyalar fakulteti, Oziq-ovqat texnologiyalari yo’nalishi bakalavri
Annotatsiya: Ushbu maqolada muallif Zig'ir moyini rafinatsiya qilish texnologiyasi haqida ma’lumotlarni keltirib o’tgan. Bugungi zamonaviy dunyo ishlab chiqarish sohasidagi har bir detalga zamonaviy nigoh bilan qarashga undaydi. Shu jumladan har bir sohani zamonaviy innovatsion texnologiyalardan foydalangan tarzda ishlab chiqarish qilish maqsadga muvofiq bo’ladi.
Kalit so'zlar: yog’-moy sanoati, moy juvoz, oziq-ovqat sanoati, ekstraksiya, moyli hom ashyo, zig’ir urug’i va moyi, meva danaklari va sabzavot urug’lari, margarin mahsulotlari, dezodorasiya, qadoqlangan o’simlik yog’i, shrot, olein kislotasi.
Annotation: In this article, the author provides information on the technology of refining flaxseed oil. Today’s modern world encourages a modern look at every detail in manufacturing. In particular, it is desirable to produce each industry using modern innovative technologies. Keywords: oil industry, oil industry, food industry, extraction, oil raw materials, flaxseed and flaxseed oil, fruit and vegetable seeds, margarine products, mayonnaise, deodorization, packaged vegetable oil, shrot, oleic acid.

KIRISH
Dunyo miqyosida oziq-ovqat mahsulotlari ishlab chiqarish hajmining o’sishi aholi soni va ehtiyojlarining ko’payishidan ortda qolayotgani sohada amalga oshirilishi lozim bo’lgan ishlarning ko’lami kengligidan dalolatdir. Shu bois yuritilayotgan islohotlar samarasini yanada oshirish, davlat va jamiyatning har tomonlama, jadal rivojlanishi uchun shart-sharoitlar yaratish, mamlakatimizni modernizasiya qilish hamda hayotning barcha sohalarini liberallashtirish bo’yicha ustuvor yo’nalishlarni amalga tatbiq etish maqsadida Prezidentimiz Shavkat Mirziyoyev 2019 yil 16 yanvar kuni PQ-4118 sonli “yog‘-moy tarmog‘ini yanada rivojlantirish bo‘yicha qo‘shimcha chora-tadbirlar va sohani boshqarishda bozor mexanizmlarini joriy etish to‘g‘risi”dagi qarori imzolandi. Bunga ko’ra mamlakatda yog‘-moy tarmog‘ini rivojlantirish, aholi ehtiyojini yanada to‘laroq qondirish maqsadida ishlab chiqarish hajmlarini oshirish va tayyor mahsulotlar assortimentlarini ko‘paytirish bo‘yicha kompleks chora-tadbirlar amalga oshirilmoqda. Ayniqsa, Prezidentimizning agrar sohaga ilg’or agrosanoat texnologiyalarini jalb etish, qishloq xo’jaligi infratuzilmasi, irrigasiya va meliorasiya tizimlarini rivojlantirish va rekonstruksiya qilish, marketing va jahon bozorlariga chiqish bo’yicha yangi texnologiyalarni joriy qilish zarurati va bunda xorijiy investisiyalarning tutgan o’rni haqidagi mulohazalari e’tiborga molikdir [1].