3-variant 1-TOPSHIRIQ
1. Xorijiy invetitsiyalarni jalb etishga hududiy jihatdan yondoshuv deganda nima nazarda tutiladi?
Mamlakatimiz iqtisodiyotini rivojlantirishning asosiy vazifalaridan biri bu investitsion faoliyatni takomillashtirish va uning o’sishini ta‘minlovchi yangi mexanizmlarni ishlab chiqish hisoblanadi. Investitsion faoliyatni shakllantirish va chet ellik investorlarni mamlakatga jalb qilish juda murakkab jarayon bo’lib, bu ma‘muriy-buyruqbozlik iktisodiyotidan bozor iqtisodiyoti munosabatlariga o’tayotgan barcha mamlakatlar uchun zarurdir. Chunki investitsiyaviy faoliyat va investitsiyalarni boshqarish ko’plab omillarga bog’lik, binobarin, ularni boshqarishning biror bir usuli alohida, aniq ko’rinishda xech qanday adabiyotda yaqqol tarzda ko’rsatib o’tilmagan. O’zbekiston iktisodiyotining o’sishi, eng avvalo, chet el investitsiyalarini o’zlashtirish va zamanoviy texnologik asbob-uskunalar bilan jihozlangan yangi progressiv va raqobatbardosh ishlab chikarishni harakatga keltirish asosida ta‘minlanishi mumkin.
2. Investitsiya muhitiga ta’sir qiluvchi salbiy omillarni aytib bering. Davlat hokimiyatining ta’sirchanligi investitsiya muhitini aniqlovchi omillardan biridir. Shundan kelib chiqib, har bir kapital jalb qiluvchi mamlakat ma’lum bir investitsiya tizimiga egaligini ta’kidlash mumkin. Bu tizim huquqiy me’yorlar va muassasalardan iborat xorijiy investitsiyalarni qabul qilish tizimi va investitsiya muhitini o‘z ichiga oladi. Investitsiya muhiti yoki iqlimi juda keng ma’noli bo‘lib, iqtisodiyot holatini ijtimoiy-iqtisodiy barqarorligini, tadbirkorlik faoliyati qay darajada rivojlanganligi, ularning samarali faoliyat ko‘rsatishlari uchun chiqarilgan qonun va qarorlarni, madaniyatini, ma’naviyatini investorlar o‘z mablag‘larini yo‘naltirish uchun e'tiborga oladigan hamda ulardan xulosa chiqaradigan boshqa omillarni o‘z ichiga oladi.
Investitsiya muhitiga ta’sir qiluvchi omillar to‘g‘risida ham turli xil iqtisodiy qarashlar bor. Masalan, V.V.Tsaryevning fikricha, investitsiya muhiti - ikki asosiy komponet: alohida korxona, mintaqa, mamlakat (investitsiya salohiyati) va investor faoliyati sharoitlarini (investitsiya xatarini) o‘z ichiga oladi.
