|
- Bu səhifədəki naviqasiya:
- Qida və içki ilə qarşılıqlı təsiri
- Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
- İstifadə qaydası və dozası
- Orta və ya ağır böyrək çatışmazlığı olan xəstələrdə
- Seterisin qəbulu unudulubsa
|
Dərman vasitəsinin istifadəsi üzrə təlimat (xəstələr üçün)
CETERIS Beynəlxalq patentləşdirilməmiş adı: Cetirizine Tərkibi Aktiv maddə: setirizin dihidroxlorid - 10 mq. Köməkçi maddələr: laktoza, mikrokristallik sellüloza, kolloidli silisum dioksid, maqnezium stearat, hidroksipropilmetilselluloza, titan dioksidi (E171), makroqol 6000. İstifadəsinə göstərişlər Seteris 6 yaşdan yuxarı uşaqlarda və böyüklərdə mövsümi və daimi alergik rinit zamanı burun və gözdə yaranan allergik simptomların aradan qaldırılması və xroniki idiopatik övrə zamanı yüksək effektivliyə malikdir. Əks göstərişlər Seteris aşağıdakı hallarda istifadə olunmamalıdır: - Böyrək çatışmazlığı olan pasientlərdə (kreatinin klirensi <10 ml/dəq olduqda); - Seterisin tərkibində olan aktiv və ya hər hansı bir köməkçi maddəyə qarşı hiperhəssaslığı olan pasientlərdə; - 6 yaşdan kiçik uşaqlarda.
Seterisdən istifadə etdikdə aşağıdakı hallarda ehtiyatlı olmaq lazımdır: - Sidiyin retensiyası probleminə (onurğa beyninin zədələnməsi/prostat vəzinin hiperplaziyası nəticəsində) meylli xəstələrdə setirizinlə müalicə zamanı bu simptomların artma riski daha çoxdur. - Böyrək çatışmazlığı olan xəstələrdə preparatın qəbulundan öncə həkimlə məsləhətləşmək lazımdır; ehtiyac olarsa, preparat aşağı doza ilə təyin edilə bilər. Bu doza həkim tərəfindən təyin edilməlidir. - Epilepsiya xəstəliyindən əziyyət çəkən və ya paroksizm riski yüksək olan xəstələrdə preparatı istifadə etmədən öncə həkimlə məsləhətləşmək lazımdır. Preparatın alkohol ilə (qanda alkoholun miqdarı 0,5 q/l) qarşılıqlı təsiri haqqında kliniki tədqiqatlar mövcud deyil. Digər antihistaminlərin qəbulu zamanı oluğu kimi Seterisin də alkohol ilə birgə istifadəsi zamanı ehtiyatlı olmaq məsləhət görülür. Setirizin allergiya üçün dəri testinin nəticələrinə təsir edə bilər, çünki allergik reaksiyalar antihistaminlər tərəfindən inhibə olunur. Allergiya testi etməzdən öncə həkim xəstə tərəfindən Seterisin qəbulu haqda məlumatlandırılmalıdır və müalicə həkimi hansı tədbirlərin görülməsinin lazım olduğu haqda məsləhət verməlidir. Seteris örtüklü tabletlər 6 yaşdan kiçik uşağlarda istifadə edilməməlidir. Digər dərman vasitələri ilə qarşılıqlı təsiri Əgər pasiyent son zamanlar reseptli və ya reseptsiz istifadə olunan dərmanlar qəbul edibsə və ya qəbul etməyə davam edirsə, bu haqda həkim və ya əczaçını məlumatlandırmaq lazımdır. Setirizinin digər dərman vasitələri ilə qarşılıqı təsiri müəyyən edilməmişdir.
Seteris qida ilə birgə və ya qida qəbulundan asılı olmayaraq qəbul edilə bilər.
Hamiləlik və laktasiya zamanı preparatı istifadə etmədən öncə həkimlə məsləhətləşmək lazımdır. Digər antihistamin preparatlar kimi Seterisin də hamiləlik zamanı istifadə edilməsi tövsiyə edilmir. Hamiləlikdə preparatın yanlışlıqla istifadəsi zamanı dölə hər hansı bir mənfi təsir müşahidə olunmasa da, istənilən halda preparatın istifadəsi dərhal dayandırılmalıdır. Setirizin ana südünə keçdiyi üçün laktasiya zamanı preparatın istifadəsi məsləhət görülmür.
Tövsiyə olunan dozada preparatın istifadəsi zamanı nəqliyyatı idarəetmədə heç bir təsir və ya yuxululuq halları müşahidə olunmur. Əgər preparatın qəbulu zamanı nəqliyyat və ya potensial təhlükəli mexanizmlər istifadə edilirsə, doza miqdarını artırmaq məsləhət görülmür. Bundan əlavə, preparatı qəbul edən şəxsin orqaniziminin dərmanın qəbuluna reaksiyası müşahidə olunmalıdır.
Həssas orqanizmə malik olan pasientlər tərəfindən mərkəzi sinir sistemini inhibə edən dərmanlarla və alkoholla birgə Seterisin qəbulu zamanı orqanizmin hadisələrə cavab reaksiyalarının ləngiməsi və ayıqlığın azalması kimi halların baş verməsi mümkündür.
5 mq (yarım tablet ) gündə iki dəfə 12 yaşdan yuxarı yeniyetmələr və böyüklər: 10 mq (bir tablet bütov halda) gündə bir dəfə Tablet 1 stəkan maye ilə qəbul edilməlidir. Əgər müalicə həkimi başqa cür təyin etməyibsə, qeyd edilən qəbul qaydalarına riayət edilməlidir. Yazılan təlimatlara riayət edilməsi prepartın təsir effektivliyini təmin edir.
Orta dərəcədə böyrək çatışmazlığı olan xəstələrdə gündəlik doza 5 mq, yəni yarım tabletdir. Ağır böyrək çatışmazlığından əziyyət çəkən xəstələrdə doza həkim və ya əczaçı tərəfindən müəyyən edilməldir. Böyrək çatışmazlığı olan uşaqlarda preparatın dozalanma qaydası həkim tərəfindən uşağın ehtiyacına uyğun olaraq təyin olunmalıdır. Dərman vasitəsinin təsiri çox güclü və ya çox zəif olduğu hallarda həkim və ya əczaçı məlumatlandırılmalıdır. Müalicənin davametmə müddəti Müalicə müddəti xəstəliyin müddətindən, gedişatından və formasından asılı olaraq həkim tərəfindən təyin olunmalıdır.
Seterisin yanlışlıqla yüksək doza ilə qəbulu zamanı dərhal həkimə müraciət edilməlidir. Doza həddinin aşılması zamanı simptomlar intensiv şəkildə artır. Çaşqınlıq, diareya, başgicəllənməsi, yorğunluq, başağrıları, halsızlıq, midriaz, dəridə qaşınma, narahatlıq, keyləşmə, yuxululuq, taxikardiya, tremor kimi simptomlar müşahidə edilə bilər.
Dərmanın qəbulu yaddan çıxmış olarsa, unudulmuş dozanı əvəz etmək məqsədilə preparat ikiqat dozada qəbul edilməməlidir.
Seterislə bağlı hər hansı bir sual yarandıqda, həkim və ya əczaçıya müraciət etmək lazımdır.
Digər preparatlar kimi Seterisin də istifadəsi zamanı bəzi pasientlərdə allergik reaksiyalar və angiödem (üzdə və boğazda şişkinlik) kimi əlavə təsirlər müşahidə oluna bilər. Bu kimi reaksiyalar preparatın ilk dəfə qəbulu zamanı və ya daha sonra yarana bilər. Tez-tez müşahidə olunan əlavə təsirlər (10 xəstədən birində): ‐ Yuxululuq ‐ Başgicəllənmə, başağrıları ‐ Faringit, rinit (uşaqlarda) ‐ İshal, ürəkbulanma, ağızda quruluq ‐ Yorğunluq Bəzən müşahidə olunan əlavə təsirlər (100 xəstədən birində): ‐ Oyanıqlıq ‐ Paresteziyalar (dəridə qeyri-normal həssaslıq) ‐ Abdominal nahiyədə ağrılar ‐ Dəridə qaşınma və səpkilər ‐ Yorğunluq, halsızlıq Nadir hallarda müşahidə olunan əlavə təsirlər (1000 xəstədən birində): ‐ Allergik reaksiyalar, bəzi hallarda ağır allergik reaksiyalar (çox nadir hallarda) ‐ Depressiya, hallüsinasiya, aqressiya, çaşqınlıq, yuxusuzluq ‐ Qıcolmalar ‐ Taxikardiya (surətli ürək döyünməsi) ‐ Qaraciyər funksiyasının pozulması
‐ Övrə ‐ Ödem
(şişkinlik) ‐ Bədən çəkisinin artması Çox nadir hallarda müşahidə olunan əlavə təsirlər (10000 xəstədən birində): ‐ Trombositopeniya (qanda trombositlərin sayının aşağı olması) ‐ Səyrimə (adi spazm) ‐ Özündəngetmə, diskineziya (hərəkətin pozulması), distoniya (qeyri-normal uzunmüddətli əzələ yığılması), titrəmə, disgevziya (dadbilmənin pozulması) ‐ Görmədə bulanıqlıq, akkomodasiyanın pozulması, nistaqm (göz almasının hərəkətinin pozulması) ‐ Angiödem (üzdə və boğazda şişkinliyə səbəb olan ciddi allergik reaksiyalar), dəridə səpkilər ‐ Sidiyin anormal ifrazı (gecə yuxu zamanı sidik kisəsinin qeydi-iradi boşalması, sidiyin ifrazı zamanı ağrı və çətinlik) Baş vermə tezliyi məlum olmayan əlavə təsirlər: ‐ İştahanın artması ‐ İntihar fikirləri ‐ Amneziya, yaddaşın pozulması ‐ Başgicəllənmə ‐ Sidiyin retensiyası (sidik kisəsinin tam boşaltma qabiliyyətinin itməsi) Hiperhəssaslığın ilk əlamətləri müşahidə olunduğu anda Seteris ilə müalicəni dərhal dayandırmaq lazımdır. İçlik vərəqində qeyd olunmayan hər hansı bir əlavə təsir baş verərsə, həkim və ya əczaçı ilə məsləhətləşmək lazımdır. Əgər Seterisin qəbulu zamanı xəstədə yuxarıda qeyd edilən və ya edilməyən istənilən əlavə təsir müşahidə olunarsa, bununla bağlı müalicə həkimi ilə məsləhətləşmək lazımdır.
Uşaqların əlləri çatmayan yerdə saxlanılmalıdır. Karton qutu və blister üzərində qeyd olumuş yararlılıq müddəti bitdikdən sonra preparat istifadə edilməmlidir. Otaq temperaturunda saxlanılmalıdır.
Hər qutuda 10 və ya 30 ədəd üzərində bölünmə xətti olan örtüklü tabletlər və içlik vərəqi olur. Marketinq üzrə səlahiyyətli sahibkar So.Se.PHARM S.r.l Via dei Castelli Romani, 22 Pomezia (Roma), İtaliya İstehsalçı SPECIAL PRODUCT’S LINE S.p.A. Via Campobello, 15 00040 Pomezia (Roma), İtaliya SPECIAL PRODUCT’S LINE S.p.A. Strada Paduni, 240 03012 Anagni (Frosinone), İtaliya Yüklə Dostları ilə paylaş:
|